陳豪回顧當年光頭造型回應追生第4個小朋友：「都係多雙筷子啫！」

娛聞

東方新地

Jun 8 2020

陳豪、胡定欣和黎耀祥一同出席《東張西望》「 15周年邁向4,000集」活動，原來三人是多年來亮相《東張西望》節目次數最多的「人氣王」，活動上陳豪被問到會否再追多個小朋友。

撰文、圖片：東方新地

陳豪回顧當年光頭造型追多個都無問題

陳豪、胡定欣、黎耀祥早前與《東張西望》台前幕後員工切蛋糕慶祝節目踏入15周年並邁向4,000集，陳豪表示翻看自己以前片段，有剃光頭等不同髮型，感覺像歷史見證，他說：「做呢行嘅生活都係不斷向前行，所以我好少儲起訪問嘅片、報道同相。」

陳豪又在訪問中指目前環球經濟不太理想，所以想先集中火力照顧好三個小朋友的成長，但又表示一切皆有可能：「多啲嚟密啲手，難唔到我嘅！」他笑言：「隨緣啦，都係多雙筷子啫，不過追到個女已經好美滿！」

陳豪回應追生第4個小朋友 plt 陳豪、胡定欣、黎耀祥早前與《東張西望》台前幕後員工切蛋糕慶祝節目踏入15周年並邁向4,000集 — 陳豪、胡定欣、黎耀祥早前與《東張西望》台前幕後員工切蛋糕慶祝節目踏入15周年並邁向4,000集

陳豪回應追生第4個小朋友 plt 陳豪當年的光頭造型，大家又覺得如何？（網絡圖片） — 陳豪當年的光頭造型，大家又覺得如何？（網絡圖片）

陳豪回應追生第4個小朋友 plt 陳豪指目前環球經濟不太理想，所以想先集中火力照顧好三個小朋友的成長，但又表示一切皆有可能：「多啲嚟密啲手，難唔到我嘅！」 — 陳豪指目前環球經濟不太理想，所以想先集中火力照顧好三個小朋友的成長，但又表示一切皆有可能：「多啲嚟密啲手，難唔到我嘅！」

陳豪回應追生第4個小朋友 plt 胡定欣自爆榮升大姑媽：「我細佬生咗BB，呢段時間我見證住佢嘅成長，雖然我本身都好鍾意小朋友，但親身體驗過幫手餵夜奶之後，發覺湊BB真係唔容易。」 — 胡定欣自爆榮升大姑媽：「我細佬生咗BB，呢段時間我見證住佢嘅成長，雖然我本身都好鍾意小朋友，但親身體驗過幫手餵夜奶之後，發覺湊BB真係唔容易。」

陳豪回應追生第4個小朋友 plt 黎耀祥孖陳豪主演的新劇《殺手》即將開播，他直言不信劇中拍檔李佳芯戲份被刪減：「電視劇好難刪減，而且我知道公司高層好鍾意呢齣劇，所以先會一直想揀個好檔期播出。」 — 黎耀祥孖陳豪主演的新劇《殺手》即將開播，他直言不信劇中拍檔李佳芯戲份被刪減：「電視劇好難刪減，而且我知道公司高層好鍾意呢齣劇，所以先會一直想揀個好檔期播出。」

疫市停工照袋千萬獨養一家九口無難度

疫情幾乎推冧全球經濟，香港娛樂圈亦被打擊得體無完膚，不少藝人冇工開幾個月，要勒緊褲頭慳住使，相比同業，無綫藝人繼續有劇拍，未至手停口停，不過冇晒賺外快機會，個個亦叫苦連天，但當中仍有另類例子。近日趕拍劇集《陀槍師姐2020》的陳豪，就成疫市奇「爸」，令一班無綫藝人羨慕不已！

陳豪回應追生第4個小朋友 plt 一人賺錢獨養九口之家的陳豪，有萬能老婆持家，可以安心工作，日前趁住母親節，他就聯同三個仔女幫老婆慶祝，一家五口幸福到爆！ — 一人賺錢獨養九口之家的陳豪，有萬能老婆持家，可以安心工作，日前趁住母親節，他就聯同三個仔女幫老婆慶祝，一家五口幸福到爆！

陳豪疫市繼續有工開做足防疫措施

自新冠肺炎殺入香港，各行各業都步入寒冬，電影同演唱會全面叫停，不少藝人同幕後收入同樣大幅下瀉，要攜手共渡難關，幸好，電視業務稍有運行，無綫連月來就繼續開劇，一班藝人可以繼續有工開。正在趕拍《陀槍師姐2020》的陳豪，在疫情開工拍劇的他亦緊張做足防疫措施，戴口罩雙重保護，在口罩內攝多層紙巾，每拍完一個鏡頭，都緊張戴回口罩，又不停用搓手液搓手相當緊張，慎防有機會把病菌帶返屋企。

陳豪回應追生第4個小朋友 plt 新冠肺炎疫情影響下，無綫拍劇亦減少出外景，原本六月煞科的劇集《陀槍師姐2020》，亦要延期至八月才拍竣。 — 新冠肺炎疫情影響下，無綫拍劇亦減少出外景，原本六月煞科的劇集《陀槍師姐2020》，亦要延期至八月才拍竣。

陳豪回應追生第4個小朋友 plt 屋企有大有細的陳豪，拍劇亦非常緊張防疫，一停機就會即刻戴回口罩，又搓手液、消毒用品時刻跟身。 — 屋企有大有細的陳豪，拍劇亦非常緊張防疫，一停機就會即刻戴回口罩，又搓手液、消毒用品時刻跟身。

簽包薪經理人約停工繼續每月出幾十萬糧

政府頒下「限聚令」，開有咖啡店的陳豪，生意雖受影響，但絕世好老公兼好爸爸，就得上天眷顧成為逆市奇「爸」，商業演出減少卻繼續有錢落袋，與陳豪同拍《陀槍師姐2020》的一班演員如羅仲謙、宣萱、洪永城及鄧佩儀等，就對繼續有高收入的「疫市奇爸」陳豪表現羨慕。據知情者透露：「拍劇開工時間長，大家停機都會圍埋傾偈，成班工作人員都好羨慕阿Mo（陳豪），因為呢排商業活動停晒，大家冇晒搵外快機會，傾開先知阿Mo係無綫最高薪藝人，就算佢拍咗嘅兩套劇，《殺手》同《愛美麗狂想曲》仲未出街，佢都唔使擔心，因為佢簽嘅係包薪經理人約，就算冇工開，一樣個個月出幾十萬糧，相比要靠外快增加收入嘅藝人，真係同人唔同命，大家又點會唔羨慕佢！」

陳豪回應追生第4個小朋友 plt 無綫旗下藝人，分為包薪經理人約，藝員合約及部頭合約，包薪經理人合約以每月底薪計算，新人由幾千元起跳，工作愈多，賺到超額會有錢分。 — 無綫旗下藝人，分為包薪經理人約，藝員合約及部頭合約，包薪經理人合約以每月底薪計算，新人由幾千元起跳，工作愈多，賺到超額會有錢分。

陳豪回應追生第4個小朋友 plt 而多年來穩守無綫金蛋王的陳豪，一直深受客戶歡迎，廣告多不勝數，19年續約就年袋千萬。 — 而多年來穩守無綫金蛋王的陳豪，一直深受客戶歡迎，廣告多不勝數，19年續約就年袋千萬。

為家人拒絕向外闖獨養一家九口無難度

18年底盛傳古天樂與蕭定一分別向陳豪招手，不過，獨力擔起頭家的他，家庭開支不少，為求穩陣就放棄外闖機會，寧願留在無綫穩紮穩打，有指成功以3,000萬同無綫續約。據知情人士透露：「阿Mo形象好，又畀人時尚有品味感覺，咁多年嚟都係廣告客嘅寵兒，有時一星期都出幾個活動，好多唔同層面嘅廣告又畀佢擸晒，為咗留住呢隻金蛋王，無綫都計晒數，阿Mo喺正黃金時間續約，佢咁搵到，當時經濟又好，薪酬特別高，只係佢續約半年左右，香港就遇上政治風波，加上呢幾個月新冠肺炎肆虐，唔止香港，外地同內地啲工作都停晒，咁嘅時勢，佢冇受影響真係行運。」