20歲沈月鋪路接管時裝王國 51歲邱淑貞深溝陪女去舞會

撰文、圖片：東方新地

沈月唔入娛樂圈父母鋪路做接班人

20歲沈月愈大愈靚愈有星味，再加上父母有頭有面有路數，上個月在社交圈地位更上一層 樓，獲邀出席一年一度在巴黎舉行、只有全球頂級公主、首富和巨星千金才能參加的巴黎名媛 舞會（Le Bal des débutantes de Paris，簡稱Le Bal Paris）。

今次在國際頂級舞會艷光四射，沈月除了有親自到場的媽媽邱淑貞支持外，據悉亦離不開沈嘉偉在背後鋪橋搭路，知情人士透露：「沈嘉偉全盤生意都係自己白手興家，個女慢慢大個，佢都睇得出阿月唔止外形，性格外向落落大方最有潛質做接班人。所以一早拒絕晒娛樂圈行內人斟出道，但亦都唔會放過機會帶個女出去見多啲場面、識多啲公司高層。

51歲邱淑貞深溝搶眼 帶二位愛女去舞會

知情人士續指：「今個月沈月又做雜誌封面又高調出席舞會，都有傳聞佢會擱置英國留學計劃做全職Model。實情係要接手盤生意就更加唔可以放棄學業，依家兩公婆同沈月已經有共識，學業為重、閒暇時間會出席自家品牌活動同拍廣告做生招牌，亦都安排咗沈月放假跟住阿叔沈健偉開始接觸業務學做生意，等佢畢業就可以加入公司！」有樣又有強勁後台，再將爸爸時裝王國擴大指日可待。