【書展2019．多圖】6大明星寫真散文集晒冷 網民：Lilian Kan冇得輸！
撰文：東方新地|圖片：新傳媒圖片，官方宣傳照，羅霖IG，簡幗儀IG，簡幗儀官方網頁，楊潮凱IG，楊卓欣IG
【書展2019】6大明星寫真散文集曬冷
溫碧霞
書展2019星期三（17日）就開鑼！52嘅歲美魔女溫碧霞（Irene）亦宣布推出第三本寫真集“海潮”，寫真集會有香港版及內地版兩個版本，香港版會以靚相為主，而9月會再推出以自傳形式的內地版，因為Irene是「善學慈善基金愛心大使 」 ，所以她在本月28日將舉行慈善拍賣晚會，捐出80本做慈善拍賣，真係人靚心善！52歲的溫碧霞保養得宜，而佢今次嘅寫真集之所以名為“海潮”，係因為當年電視劇“火玫瑰”中的「海潮」一角令佢至今仍為人所記得，為感謝「海潮」帶畀佢嘅一切，所以Irene推出第三本個人寫真也以此為名，真係好有意思同紀念性啊！
多個造型出現
Irene今次嘅寫真集去咗塞班島取景拍攝，據知會有超過20個造型出現，當中有幾個造型更會用她以前演過的電影、電視角色作為靈感，好似有《胭脂扣》中的高貴表妹、豪邁野性的靚妹仔、誘惑性感的妲己，唔使問梗係仲有招牌跌膊海潮look。
此外其中一個造型見佢以黑色蕾絲內衣褲，除下胸圍躺臥在床，盡顯美臀及半球線條，大玩透視性感。
羅霖
「美魔女」羅霖(Candy)喺2015年推出首本個人寫真集《Timeless》而成為話題，事隔4年，53歲的羅霖捲土重來，宣布推出《Timeless凍齡美魔法》，Candy話本書唔止有靚相，仲會分享扮靚、Keep fit、保養及凍齡心得，係一本美容書。
羅霖又透露佢仲會教大家減壓方法，為咗新書佢花咗好多時時間做資料搜集。
羅霖美容書豪花60萬分別去香港、韓國、泰國及上海四地取景拍攝，至今訂單已超近一千本，而部分收益更會捐去單親媽媽協會，好有意義。
羅霖為咗呢本書準備咗六套泳裝影靚相，真係好重視！
孫慧雪
女神孫慧雪今個月11日就37歲生日，有感時間過得好快，希望把握時間作多方面嘅嘗試，所以雪雪今年趁生日推出兩本新書，一本係名為《那個願沒有圓》寫真散文集，而另一本為相集，雪雪話：「寫真散文集是圖文並茂，等大家對我更了解，大約寫咗4萬字左右，主要分享我的童年事、一些生活上的感受，甚至血淚史都有。」
雪雪又透露之前特意去日本關西影相，當中都有少許福利圖，散文集售價為$118，Fans一定要支持啦！
至於另一本名為《私圖》相集，為多位女星的相片寫真合集，相集走小性感路線，而封面就用咗孫慧雪做封面相。
Lilian Kan
現年30歲的索女設計師Lilian Kan（簡幗儀）平時喺Facebook，IG已經有超多靚相，之前仲激罕曬噴血性感內衣照，成個畫面簡直系完美，正常男人都頂唔順！而今年佢會推出佢第五本作品“Le Parfum”和日曆套裝，書中接近50個造型，隨書更附送四支小香水，售價為$ 268，相信喺今年書展十分暢銷，果然有樣又有才！書展期間Lilian仲會喺點子出版攤位（1A-E16）開兩場簽名會，時間系7月17日晚上七時至九時，以及7月20日下午一時至三時，粉絲一定要捧場啦！
第五本作品仲包括2020年月曆，入邊有12張4x 6吋明信片大小嘅Lilian靚相，明信片4“x 6”的大小，仲好貼心附贈一個小木座，可以放在桌上，而每一張仲配上歷煉的鼓勵短句，相片後面的月曆用上黑白色的圖案設計，等大家可以塗上自己喜歡的顏色，過程好治癒！
“Le Parfum”的相片由韓國攝影師操刀，整體感覺清新唯美，配合Lilian溫暖的文字，小香水淡雅的香氣，真係好治愈！
其實Lilian Kan都唔使多介紹啦！呢位女設計師身材火辣，前凸後翹，而且派福利照次數非常頻密，或火辣性感，或可愛嫵媚，所以網上有唔少巴打都話，基本上歷煉社交網求其一張相都系咁正！
Lilian Kan呢身小可愛打扮，加埋呢個表情……正常男人都頂唔順啦？
邱勝翊
同鄧麗欣熱戀嘅「王子」邱勝翊都推出新書“Prince Start：邱勝翊的10957個日子”，踏入30歲的王子推出紀念寫真，新書遠赴英國取景。
楊潮凱
現年34歲的楊潮凱入行10年，早前宣布離開無線不再做「TVB親生仔」（即是無線經理人合約），改簽普通合約。外闖後他首次推出處男寫真集“Go With The Flow “佢喺IG留言話：！「為咗我人生第一本相集，我真系搏左條老命講真，勁就真系唔係好勁但系由知道要影呢本相集到真系影，前後只有廿三日，呢段時間我要戒油，戒鹽，戒糖，我由170磅減到144磅，講真，我真系盡曬力架喇！」
而喺17/7 3pm，阿凱會喺書展舉行「順其自然的流浪書書籤名會」，到時大家可以拎本相集過嚟，同佢影相同簽名！
楊卓欣
在邵氏劇集《戰毒》中飾演吳卓羲下屬的楊卓欣（Cherry），也宣布推出寫真集《彼女育成計劃》，佢話寫真唔會賣弄性感，而是以甜蜜感覺為主。
