岑麗香公開囝囝萌爆正面照片 網民：單眼皮最似爸爸！
廣告
岑麗香（香香）自從喺今年3月底為老公強強(Joshua)誕下兒子Jacob後，未有現身任何公開活動，而佢都一直只分享囝囝的側面和手仔照。直至昨日香香終於在IG上載BB的短片及照片，個幾月大的Jacob有對單眼皮眼睛，同爸爸強強餅印一樣呀！
撰文：東方新地 圖片：新傳媒圖片、IG
岑麗香公開囝囝照片
昨日香香終於公開Jacob的樣子，個幾月大的Jacob有一雙單眼皮眼睛，個樣同跟爸爸強強似到十足十，而強強以爸爸視角教囝囝向鏡頭Say Hi，香香留言話︰「BB強 wants to say hi👋🏻to all the mothers out there﹗」
星期日係香香榮升媽咪後第一年度過母親節，香香以BB手掌印自製母親節賀卡送畀自己，真係好有心思。
有片睇，BB真係好可愛！
而其實最金金公開Jacob照片嘅係廖碧兒(Bernice)，昨日上午Bernice探訪完香香母子後將合照放上Instagram分享，並說︰「美麗的香香媽媽及Jacob BB的第一個母親節，我急不及待再來探望他，教他有關葡萄酒期貨！」香香回應︰「靠你教他如何投資葡萄酒，因為我一竅不通！」
今年3月25日，岑麗香喺社交網宣布囝囝Jacob已經出世，並留言表示好歡迎同感恩小朋友嚟到呢個世畀，令人生更完滿，亦感謝醫生及醫院護人員嘅悉心照顧，最後仲話囝囝好大陣初生嬰兒嘅味道，兼嗌囝囝做BabyBooBoo！
樣子甜美的岑麗香，婚姻生活與其外表一樣甜到漏，同金融才俊老公強強結婚兩年，去年宣布造人成功，更一索得男，未幾二人會否為囝囝追多個弟弟或妹妹呢？！
關鍵詞
岑麗香
