張丹峰再爆背妻偷食經理人 洪欣刪大量與老公合照！
撰文：東方新地｜圖片：微博、新傳媒圖片庫、影片截圖
張丹峰再爆背妻偷食經理人
比洪欣年輕9年嘅張丹峰，憑內地劇集《獨孤天下》走紅，而上年卻傳出搭上經理人畢瀅！雖然張丹峰疑似出軌，但當時事後老公仍獲得洪欣力撐，並發聲明澄清，叫大家放心！
不過，近日就再被爆出張丹峰同畢瀅喺酒店密會3小時，二人孤男寡女單獨相處至凌晨！加上，當晚畢瀅於酒店密會丹峰嘅影片流出，令事件更似證據確鑿！
洪欣刪大量與老公合照
另一方面，曾對外力挺老公嘅洪欣今次則暫未有再聲援另一半，反而除咗取消關注畢瀅嘅微博外，更喺微博一次過刪晒同老公以往嘅恩愛合照，成個微博只得番三張相係有張丹峰，其中一張係2016年為阿仔張鎬濂慶生嘅一家四口合照，另外兩張就係一家人舊年7月同畢瀅一齊去主題樂園玩嘅合照，故令唔少人都非常確定二人婚姻的確出現問題！
有網民就搵出一個疑似係畢瀅喺論壇用嘅帳戶，名為「靜靜看著你和她」嘅帳戶上年8月就發長文寫道：「矮小黑？？！！！…我真的受傷了…」、「我愛了他三年，也委屈了自己三年，我可以甚麼都不要，我只要他愛我，他說過要離婚娶我的，我還有多少個三年？以前是老女人盯着他，現在全國人民都在盯着他，我該怎麼辦？我好累，真想一覺睡死過去，一了百了！」等字句表達心情！
而以用呢個帳戶嘅人更不時分別去到洪欣、張丹峰同畢瀅嘅微博洗版式留言，即使曾經有其他網民睇唔過眼為洪欣抱不平，但該「靜靜看著你和她」反話洪欣係老女人！
另外，有網民亦同時將畢瀅起底，原來畢瀅2015年於中國傳媒大學畢業後隨即加入張丹峰團隊。兩年後，張丹峰因以女兒命名嘅「晞彤（上海）影視文化工作室」股權變動，令畢瀅成為最大股東，當時男方說解釋話係因為方便工作，咁講真係相不相由你！
然而，據知若然洪欣與老公張丹峰團真係正式離婚，因張丹峰所屬嘅晞彤影視文化工作室由畢瀅百分百持股，恐怕係一分錢都攙唔到！
好姊妹曾反對洪欣與男方拍拖
有網友翻出洪欣夫婦於2013年做內地清淡節目《非常靜距離》嘉賓時嘅片段，當時洪欣大爆好友蔡少芬曾於二人拍拖時大力反對，原因係蔡少芬覺得張丹峰壞壞的！至於張丹峰則於節目中表示自己亦曾被洪欣好姊妹訓話：「你要真想跟她談戀愛，你要對她好啊，你不能對她不好啊，我肯定我們沒有一個人能放過你！」，未知姊妹們幾時會出動呢？
洪欣連發兩文大呻
上個月凌晨4點幾，洪欣突然於微博有感而發留言：「怎麼才能做個聰明的女人，我太笨了」，不過朝早又再突然刪走貼文，之後再於早上重發相同內容，就只改寫成：「怎麼才可以做個聰明的女人，我太笨了」，但已令不少網友再次猜測洪欣婚姻再度出現問題！
網民列五大張丹峰「出軌疑點」
上年，洪欣於微博上載一家人跟經理人的合照，網民發現畢瀅站姿傾向張丹峰，猜測二人關係非比尋常，情況隨即發掘過往二人的「親密」互動，並詳列五大「出軌疑點」，勸洪欣小心！就係呢張相，經理人畢瀅早前貼咗張同洪欣一家三口及朋友去迪士尼的合照，雖然洪欣有翹實張丹峰的手，但網民話畢瀅手拖對方女兒張晞彤嘅小手，又微微向張丹峰嗰邊向挨住，話佢哋一家三口多啲。
私下慶生
結果網友開始懷疑畢瀅，紛紛喺經理人、張丹峰過往嘅帖子找尋疑點，捕風捉影，結果搵咗所謂嘅「五大疑點」！首先，有網民發現張丹峰曾私下為她慶祝生日，而且二人經常形影不離，行為異常親密！
第二，有網友發現畢瀅及張丹峰的疑戴情侶戒指！
暗地傳情講「我愛你」？
第三，網民發現她同一日內，上載完張丹峰微博破「520」萬粉絲嘅截圖，之後又上載一張「520」字樣單據，疑曖昧向張丹峰示愛「520（普通話諧音我愛你）」。
第四，畢瀅合照時經常站在張丹峰身邊，甚至一齊拿着心心氣球。
第五，有人發覺二人經常穿同款服飾，猶如「情侶裝」！
畢瀅澄清反擊
消息一出，畢瀅隨即在微博寫下長文逐點反擊，佢話指大部分都是張丹峰及洪欣所贈，無所謂的情侶裝，至於「情侶戒」她說：「戒指我戴了好多年，峰哥的戒指是欣姐給他買的，品牌樣子完全不一樣。」至於情侶錶，她解釋錄影節目期間，會幫張丹峰保管手錶，而工作人員通常都會將保管物戴上身，因這樣才不容易弄掉或刮花。她又指一般合照時會讓藝人企中間，旁邊的人自然會往中間靠，而她亦疼錫對方女兒，才拖住囡囡的小手；心心氣球則只是場地派發！
洪欣 發聲明澄清
當時，身為正印的洪欣亦力撐老公沒有出軌，也大讚「小三」是名可靠的人：
張丹峰 視繼子如己出
張丹峰同洪欣雖然係姐弟戀，但婚前婚後都好恩愛，當日佢哋結婚，蔡少芬、蒙嘉慧做姊妹團成員！
張丹峰 視繼子如己出
二人結婚9年，育有一女張晞彤，張丹峰更視繼子張鎬濂（Ashley）如己出， 對他十分愛護。Ashley中學畢業時，張丹峰在社交網貼上一家三口的合照，相中穿上畢業袍的Ashley已經高過父母，洪欣及張丹峰更向愛子送吻，祝賀他中學畢業。
不過，早前18歲嘅張鎬濂參加內地選秀節目《以團之名》過五關斬六將，最終成功與其餘7位成員組成嘅男團「新風暴」成功奪得冠軍兼正式出道，但就只得媽咪洪欣單拖現身見證Ashley正式加入娛樂圈！
