回顧71歲汪明荃後生珍貴罕見相 廿歲入行紅足大半世！
撰文：東方新地｜圖片：東方新地
回顧71歲汪明荃後生珍貴罕見相
｜67年 報考影樓相
67年20歲 嘅汪明荃為 報 考 麗 的 映 聲(亞視前身)第 一期電視藝員訓練班，預先影咗輯影樓造型相，呢張大 頭相 Lisa 姐梳咗個六十年代最潮左右髮尾向上翹嘅髮 型，佢唔單止獲取錄仲成為最高薪(月薪$550)新人。
｜67年 電影處女作
69年仍屬電視台新人嘅汪明荃獲賞識演出首部電 影《 玫瑰芍藥海棠紅 》，喺呢套歌舞片演蕭芳芳、薛 家燕嘅表妹，成為三位女主角之一，片中三人熱愛歌 舞，戲服顏色鮮艷又奪目。
｜74年 成EYT台柱
70年尾汪明荃畀蔡和平睇中邀演《歡樂今宵》 (EYT)，經半年「過冷河」後加盟無綫，三年後多才多藝嘅 Lisa姐同各有擁躉嘅李香琴、譚炳文、何守信、 沈殿霞成為EYT台柱之一，呢年相約喺著名露天茶座成EYT台柱雍雅山房茶敍大合照。
｜75年 熒幕情侶 鄭少秋
汪明荃同鄭少秋年首次喺《 民間傳奇系 列：紫釵記》合作成為天作之合嘅熒幕情 侶，至04年共合作八次，最為人熟悉同經典係76年《書劍恩仇錄》 同年《倚天屠龍記 》，仲有圖片中嘅78年《 楚留香 》。
｜77年 經典角色洛琳
汪明荃73年開始拍劇，且套套都係女主角，當中以77年重頭劇《 家變 》洛琳一角最經典，演活時代女性嘅果斷女強人本色，角色深入民心令套劇家傳戶 曉，而 Lisa 姐從此奠定「 電視劇一姐 」地位。
｜77年 搞笑爆炸頭
77年汪明荃忽然戴咗個六、七十年代黑人最 時興嘅超級大爆炸頭假髮，加上一身空手道 袍，造型激罕又爆笑，展現 Lisa 姐搞笑功力。
｜83年 林家聲共演
汪明荃83年自資「 滿堂紅劇團 」邀請粵劇大老倌林家聲合演新 編粵劇《 天仙配 》，初踏台板幸獲聲哥指點，套劇大破粵劇舞台票 房紀錄，但有報道指聲哥多次修改劇本令汪阿姐無所適從而擲劇 本，雙方鬧到不歡而散之後再冇合作。
｜83年 謝婷婷上契
83年9月7日係謝婷婷一歲生日兼同汪明荃上契嘅大日 子，當日謝賢狄波拉喺新世界四季廳筵開九席，婷婷跪地 向契媽獻茶並送上一條約三両重純金裙，汪阿姐就回贈自己設計用綢緞做嘅多層粉紅加銀色繡花裙仔。
｜84年 台慶不慎露底
汪明荃係無綫一姐，自然係每年台慶嘅重 心人物，除主持仲會有表演項目，但 82年表演疊羅漢同84年玩繩操就不慎露出白底，觀眾睇到牙齒啟，fans 就冇眼睇。
｜92年 星爺喜相逢
92年3月8日無綫製作節目《 萬紫千紅喜迎 親 》直播萬梓良同恬妞嘅世紀婚禮，喺清水灣電 視城後台上擔任姊妹團之一嘅汪阿姐同伴郎周星 馳合照留念，照片彌足珍貴！
｜94年 爆笑光頭look
94年無綫29周年台慶上，一身閃令金衣嘅汪 明荃表演「荃感覺四度空間」(拋波玩呼拉圈等 )， 演完後羅家英即時閃去佢身邊 ，搞完衣服又搞頭髮，搞到 Lisa 姐甩假髮現光頭，阿姐即時撳住，畫面超爆笑。
神隱李珊珊驚喜現身
不過當晚嘅焦點落喺李珊珊身上，事關41歲的珊珊神隱7年，期間多次被傳患腦瘤及抑鬱症，她早年否認患腦瘤報道，只說要入院治療，但未有透露病情。久未露面的她當晚突然現身《誌友共聚 慈善音樂會》，分享使用醫療服務的體會，珊珊身形略見肥腫但精神甚佳，笑容滿面。席上她未有道出患甚麼病，卻坦言被病所困擾受到很大影響：「如果大家有120歲命，你一定不止生病一次，這是一個定律，當生病，一個病人要有何心態，我這幾年患病，得出感受就是要靠自己，亦不需要人同情，不需要人憐憫。因為這條路係崎嶇，精神上或肉體上是很痛苦的。」
李珊珊話患病期間一切要靠自己，但與此同時伙伴也是很重要：「可能是親友、好朋友、或者是長輩，陪你行這條路，這不是陳腔濫調，有人陪伴幫助對康復者來說，可能有五成機會可以康復，因為精神上的痛苦比肉體上更痛苦。」她感謝東華三院對其他患癌病人提供實際及心靈上的支援。珊珊
她完成8分鐘的講話後，由大會安排車送返寓所。
李珊珊昨日凌晨在社交網上載視頻：「Hello，大家好，好耐無見喇！今日參與咗一個『東華』活動，跟主席Vinci（王賢誌）識咗廿幾年，同埋我嘅長輩、朋友、親友真係有試過用東華服務，所以感覺好值得我第一次出席呢個活動。咁梗係緊張，其實我𠵱家拍緊Video都緊張，但都係時候踏出第一步，要鼓起勇氣面對番世界、社會，又或者唔好浪費光陰，呢樣係最重要，喺未來日子，希望喜歡我嘅人，多多支持；唔喜歡我嘅人當睇我唔到，時運高，都係一個幫忙嚟嘅。仲有希望未來我多啲參與慈善方面活動，因為我係一個過來人，知道好多過程，用什麼態度或什麼心態去面對或迎接，甚至放下一啲嘢。大致上呢刻諗到咁多，因為完騷第一件事就想食飯，食飯最緊要，因為有強健體魄最重要。多謝！拜拜！下次見，再講！」
她還留言：「感謝大家支持，讓我勇敢踏出第一步。今天不是句號，現在才是開始。」
不過嘉賓之一嘅汪明荃(Liza姐)事後在其IG上載跟王賢誌(Vinci)合照，仲寫咗一段長文表達對王賢誌在任1年的感受。阿姐話：「上年差唔多呢個時間，我喺Vinci嘅就職禮，講過希望佢喺東華主席呢個崗位上面，可以盡情發揮；今次大會再邀請我出席Vinci任內最後一個大型活動，我都好想知道，上任一年，佢到底有冇辜負大家嘅期望。」所以佢有睇番王賢誌過去一年的工作報道，發現他在短短一年，Vinci參與過嘅活動真係好多，幾乎每個月都有十幾個，可想而知佢真係相當勤力！
但與此同時，汪阿姐在當中發現「碌．人．情．卡」4個字經常出現，幾乎任何藝人都請得到，令東華活動得到好多關注，善款創新高，好多人覺得這張人情卡威到盡。不過她希望王賢誌亦要感激家族建立的慈善網絡、東華三院過百年建立的基業，以及做後盾的東華團隊。Liza姐認為：「做Show同做慈善，其實係一線之差。」做Show只希望留意台前表演者，做慈善則是想大家關心背後的受惠者。
最後她寄語王賢誌說：「所以，如果你今年嘅努力，只係令大家記得Vinci碌咗好多巨星來做Show，我覺得未算成功；但如果你嘅努力係觸發到大家支持東華，幫助到真正有需要嘅人，我覺得咁先算得上係圓滿。」
汪阿姐的勉勵，王賢誌在社交網也留言表示感激，尤其因為對方的支持才會加入東華三院：「非常感激Liza姐這番肺腑之言，更絕對不會忘記她很早便鼓勵及支持我加入東華三院，傳承家族行善之路， 服務社會，幫助別人!不論在演藝界又或慈善界，Liza姐都是我最欣賞的前輩，最值得學習的榜樣…記得於去年的就職晚宴， 她已經為我送上了一番勉勵的說話，如今於卸任前最後一個大型籌款活動又可請得她再次現身，表演之餘還分享了她對做慈善的真正看法，實在別具意義，令我十分感動！其實主席任期只得一年，要做要學的東西永遠不夠，不過相信卸任後又將是另一個新開始，我必定會好好把握下一個機會，將一直以來累積的寶貴經驗和豐富人脈加以運用，為社會大眾再作貢獻！謝謝Liza姐，我會繼續努力，不負眾望，朝著（着）下一個目標進發！」
