2歲生日大搞Party！周汶錡細仔吹蠟燭晒萌爆樣
撰文：Kammy (原文刊於：SundayKiss)｜編輯：東方新地｜圖片來源：周汶錡Instagram
周汶錡細仔2歲生日 吹蠟燭晒萌樣
今個月20日就係周汶錡細仔Avner嘅2歲生日，Kathy就提前幫囝囝搞生日Party，仲幫Avner搵嚟好多朋友仔出席㖭！
從相中仲見到壽星仔Avner滿場飛，玩得勁開心！
周汶錡幫囝囝特意訂製咗個恐龍造型嘅生日蛋糕，喺吹蠟燭嘅時候，可能因為Avner唔夠高，所以吹極都吹唔到。不過，Avner都有好努力咁嘗試，期間仲唔覺意露出個萌樣，唔少網民見到都粉粉留言話Avner勁可愛！
Avner吹蠟燭
Posted by SK Test on Monday, 18 March 2019
素顏周汶錡晒與大仔盞鬼賣萌照
名模周汶錡（Kathy）自從與法籍丈夫Julien Lepeu，誕下兩位可愛囝囝，便不時在社交網站大晒天倫樂，繼早前上載同兩位囝囝嬉水片段後，周汶錡日前就為大家送上與大仔Jacques萌到爆燈嘅合照，網民大讚大仔笑容可愛得意之外，亦周汶錡嘅素顏一面！可愛照中可見周汶錡同大仔Jacques一齊做起盞鬼表情，嘟嘴、眼仔碌碌同眯眼樣樣齊！相片不但有表情一向多多的大仔Jacques，同時兩母子互相依傍，更顯親情滿載。周汶錡就留言hashtag了「＃funnyfaces」、「＃mylove」、「＃happyhoilday」、「＃jacqueslepeu」、「＃lepeufamily」。
不少網民都大讚Jacques可愛，「大仔的笑容真係靚，好可愛」，可愛得惹人想錫佢一啖！亦有人大讚周汶錡素顏也很美，事關除咗可愛嘅大仔成為焦點外，最難得係媽咪周汶錡今次係少有地素顏出鏡呢！
6個罕有又難讀星B英文名
｜陳倩揚囡囡
陳倩揚10年與拍拖8年嘅男友陳浩然結婚，今年1月中，倩揚宣佈懷上第三胎，預產期係今年7月，幸福滿滿的一家4口開心迎接第5位家庭成員，即囡囡陳希桐，英文名Aurella。
陳倩揚就改咗囡囡個名做Aurelie，呢個係個法文名，除咗喺法國之外就比較少人用，而且亦唔多人知呢個名點讀。
順帶一提，陳倩揚嘅仔女英文名都係以Au開頭，大仔叫Auryn，二仔就叫Audrick。
囡囡個名就解好似金咁珍貴！
至於大囝Gabriel個名就比呀妹個名相對易讀，而且近年Gabriel呢個名都多咗人改，呢個名嘅意思喺基督教角度解「神是我的力量」。
｜周汶錡囝囝
周汶錡老公同樣係個法國人，所以兩個囝囝都係個法名！
今年3歲嘅Jacques與英文嘅Jacob、James相似，意指完美；而上年出世嘅Avner就源自希伯來文，有父親嘅光意思。
｜楊采妮囝囝
楊采妮13年與圈外男友邱韶智結婚，上年為老公誕下雙胞胎囝囝，並改英文名為Ignatius同Aloysius。
據了解，兩個名字都來自天主教聖人，有神嘅役使嘅意思。
Ignatius同Aloysius實在太特別，相信一般人都未必讀得啱個名！
