放假撇甩卓悅太子爺男友 JW全黑look約佢去街…
JW全黑look
今年歌唱成績不錯、個個台都有獎落袋，心情靚靚嘅JW王灝兒有假放竟然唔係搵男朋友仔拍吓拖，反而係去咗做gym再搵填詞人陳詠謙密密斟。JW一身黑色運動裝仍遮掩唔到幸福肥，難怪要勤做gym啦！
JW次次放假都同男朋友Tarzon糖黐豆，今次例外，JW約咗填詞人陳詠謙密斟。
二人好好傾，指手JW腳由街頭傾到街尾，唔通傾緊新年有新歌合作機會？
二人由街頭傾到街尾，身貼身行感情好好咁喎！好彩JW同卓悅太子爺男友Tarzon感情穩定，陳詠謙一早結埋婚又有個兩歲仔啫，所以一啲唔驚被人誤會！
一身黑色運動裝嘅JW好肉地，pat pat大髀望落好肥美。
傾完一輪嘴終於捨得講bye bye，JW又要趕下場去做gym。
王灝兒分享與女神合照秘訣
早前，JW喺友人嘅婚宴上遇到「網絡女神」倪晨曦，講到明人哋係女神，自然同框下會擔心被對方擔鏡！不過，JW就同大家分享兩招「如何與女神合照亦唔會顯得太樣衰」嘅方法！
兩招不被對方搶鏡
JW就上載咗兩張同Elva嘅合照，並留言：「圖1）超級三七面 圖2）企到勁遠，顯瘦」，認真搞笑！相信大家今次又學到嘢啦！
王灝兒吳業坤恭喜陳柏宇誕千金
日前，王灝兒(JW)就同吳業坤出席粵港澳大灣區青年節暨孔聖誕日活動，當提到二人好友陳柏宇（Jason）啱啱正式做人老竇，JW就大讚Jason成家都好Sweet，坤哥就話佢哋一家好Warm，並同時恭喜對方。
延伸閱讀：
自爆有愛新覺羅正白旗血統 JW王灝兒：我可能係格格！
歌手JW(王灝兒)宣布11月14日將於主題樂園舉行一場演唱會，日前佢就到九龍灣開記招，呼籲樂迷喺網上投選四個造型，包括貴氣宮廷、日系動漫、可愛動物及狂野搖滾。問到最鍾意邊個造型，JW話佢好想穿宮庭服，除咗因為佢都中咗《延禧》毒，最主要原因係佢有愛新覺羅正白旗的血統！
其實除咗JW，圈中都有七位藝人有貴族血統，更有人是滿青貴族的後裔，真係估佢唔到㗎！
編輯：東方新地｜撰文：Cherry@Central，oad｜ 圖片：新傳媒圖片、JW ig、王仙兒IG、劇照、Facebook、微博
JW王灝兒：我可能係格格！
她坦言很想穿宮廷裝，更自爆正在狂追《延禧攻略》：「未睇晒，避劇透避得好辛苦！（最想着點嘅宮廷裝？）真係pro嗰隻，但要搞好耐，應該冇乜可能，一係全個騷都着宮廷裝。」她直言想拍古裝劇，因為自己應有愛新覺羅正白旗的血統：「我發現我哋個家族應該係有呢個皇族血統，係愛新覺羅正白旗，我屋企有太太太太太公着官服嘅畫，過年會攞出嚟拜祖先，我可能係個格格嚟㗎！」
至於假若身處那個年代個皇宮，可會夠人鬥？她笑言：「唔得囉，冇可能，我會自己出宮算。（你夠靚嘛！）唔夠呀，不過當時啲人圓潤啲，咁我可能有得玩吓。」問到最喜歡《延禧攻略》中哪個角色？她就大讚明玉很好。
公開太太太爺畫像
JW所講嘅屋企有張太太太太太公嗰啲官服相，就係以下呢一張，JW同家姐王仙兒曾經喺IG post過呢張相，仲話希望廣大嘅網民幫佢手尋根，內容如下：
「圖片中的是我的太太太爺。如果有留意我的IG, 會見過我爺爺的樣貌，跟太太太爺非常相似！我們每年在中國新年的時候，就會拿出來供奉。以前爺爺嫲嫲都會叫該行為做「拜真」- 其實我哋都唔知道係乜嘢意思，總之就係拜祖先啦！(其實說真的，細個好驚啲畫，因為是長期掛在牆上，而且好大幅（有三張）他們的眼神都好像會跟着我走一樣。我以為只有Mona Lisa 的圖像才會有這樣的效果！） 之前說過，族譜都被太嫲撕掉一半,燒了。對於我們的過去，一直覺得像個迷。好想好想知道我們的祖先到底是什麼人，從那裡來。我得知，我們原本應該不是姓「王」的，是后來改的。有些人說我們是滿洲人。我上網查了一下，有的說辛亥革命推翻清朝提出「驅除鞑虜」的口號，所以很多滿洲人紛紛改成漢姓，其中完顏氏也以改姓「王」為多。唔知同我哋屋企有冇關係呢？
想借用強大的網絡群，向一些熟悉國學或歷史的專家請教，對於這幅圖有什麼可以告知的地方？中間的雀鳥圖案，到底代表幾品官呢？用什麼方式才可以最好保存這幅已經幾百年的畫像？」
JW同佢媽咪(中)、家姐仙兒(右)都係靚女！
網友點睇：
個帖一出，有對中國歷史有研究的網友認真地比意見，話就咁憑一張肖像畫難以斷定官階，需要有更多資料充補！又有人提議佢坐時光機搵太太太爺問問，也有話佢祖先可能係忽必烈、元顏洪烈⋯笑鬼死！
娛樂圈7位有滿清貴族血統的藝人
早前全城熱播的古裝陸劇《延禧攻略》，播畢之後大家依然在討論這套劇，現在更接著播《如懿傳》，令清宮劇的熱潮更大！其實娛樂圈中都有7位藝人有貴族血統，更有人是滿青貴族的後裔。
滿族八大姓主要指清代社會地位較高的滿族姓氏，雖然版本眾多，以清宮劇角色來看，《延禧攻略》皇后的富察氏、《如懿傳》女主角如懿的那拉氏以外都曾算入八大姓之中。想知現代哪些人是滿清後裔？只要查看他們的姓氏就可知一二！
1.惠英紅
惠英紅的家族是滿族正黃旗人，屬於葉赫那拉氏的後人，歷史上最出名的那拉氏是慈禧太后！不過在惠英紅出生於1960年，當時的皇族已經沒落，沒有以前那麼旺盛。而她單憑自己的努力，在娛樂圈打滾多年，用實力登上影后寶座，演技更受到大眾的肯定。
2.周海媚
有「凍齡女神」之稱的周海媚是滿族鑲白旗瓜爾佳氏，清朝中後期之後，瓜爾佳氏演變為「關」姓，她繼承了瓜爾佳氏的優良的基因，擁有白皙的皮膚與高挑的身材。出身自滿州貴族的周海媚，從小到大受到父親很嚴格的管教，不論讀書或日常生活，都保留滿清的規則。
3.關之琳
關之琳同樣是清朝貴族「瓜爾佳氏」的後人，即滿洲正白旗後裔，原來是個「真格格」！出生自演藝家庭的她，父母皆是六十年代的當紅演員。2010 年息影之後，便專心於慈善公益活動上，經常打扮得莊重而華麗地抽空出席慈善晚宴和一些公開活動。此外，關寶惠都是「瓜爾佳氏」的後人。
4.那英
曾擔任大陸綜藝節目《中國好聲音》導師的那英，和惠英紅一樣屬於葉赫那拉氏的後裔。之前有網民發現，那英的父親那紅生，曾出現在溥儀的家族相之中，才被起底原來是慈禧太后的後人。那英亦有「格格」的花名，不知來源是否來自她的家世呢？
5.關曉彤
曾被內地傳媒稱為「90後四小花旦」的關曉彤，亦是出身瓜爾佳氏，整個家族是藝術世家，祖父關學曾是北京琴書大師，父親關少曾亦是影視演員，受到家庭文化的薰陶之下，她自小同樣熱愛藝術，喜歡舞蹈和鋼琴。而且她並沒有為娛樂圈放棄學業，以超高分的狀元姿態入北京電影學院。最為大家認知的是2017年，在微博公開和EXO前內地成員鹿晗的戀情，受到各方的熱議。
6.吳京
內地著名的武打演員吳京，屬於滿族烏雅氏，而歷史上最著名的烏雅氏，就是雍正帝之生母，尊為孝恭仁皇后。一次訪問中他親自提到，前幾代祖先都是武狀元出身，而吳京如此好打的身手，大概是遺傳祖先。
7.佟大為
內地演員佟大為是滿族佟佳氏的後代，而他的妻子關悅同樣有滿族血統，是瓜爾佳氏的後代，佟佳氏祖先中，最有名的是康熙皇帝的孝懿仁皇后及其弟隆科多，其餘幾乎都是妃、后等級的地位，像順治皇帝的孝康章皇后、康熙皇帝的愨惠皇貴妃、道光皇帝的孝慎成皇后、咸豐皇帝的端恪皇貴妃等人。
8.朗朗
除了以上幾位藝人外，國際著名鋼琴家朗朗都是滿族後代，屬於鈕祜祿氏，歷史中多個妃子和皇后都是出自鈕祜祿氏，可謂清宮之最！除了他之外，台灣演員郎祖筠﹑導演鈕承澤等同樣是鈕祜祿氏出身！
