回顧張繼聰歷年9句愛妻宣言 係女仔聽完都冧爆！
原文：more-Cyan、Carmen｜圖片來源：張繼聰IG、謝安琪FB、東星娛樂｜編輯：東方新地
張繼聰情人節海傍自彈自唱冧老婆
適逢情人節，張繼聰這個「愛妻號」當然不會放過這個機會向老婆示愛啦！張繼聰在社交網站出post：「老婆話唔要d物質禮物，但係要難忘嘅冧豬嘅幾十年後都記得嘅，於是我帶佢去海旁，問班年輕人借咗d架生……」於是，他拿起結他，在海傍自彈自唱《每天愛你多一些》送給老婆做情人節禮物，站在一旁的Kay一臉甜蜜，這份禮物誠意十足！一個肯為你花心思的另一半，值得稱讚！
結婚12周年張繼聰甜蜜示愛:「快樂不知時日過」
眨眼的時間，原來張繼聰和謝安琪已經迎來婚後的第12個年頭，兩人攜手經歷許多，又生下一對可愛的兒女張瞻和張靖，一家人常常在社交網站分享家庭生活。適逢結婚12周年，張繼聰又怎會錯過表達愛意的機會，先是發佈了一張印有Kay和Louis字樣的對杯，更甜蜜的表示「快樂不知時日過」，認真羨煞旁人。
「一段成功的婚姻是需要與同一個人不斷墮入愛河」
張繼聰晚上再上載了3張和Kay甜蜜「撐檯腳」的照片，更引用了美國的一位新聞工作者兼作家Mignon McLaughlin的一段說話「A successful marriage requires falling in love many times ,always with the same person.」指一段成功的婚姻是需要與同一個人不斷墮入愛河。
之後Kay在帖文下回覆「Thank you for everything, especially for taking that photo so skilfully(skillfully) to make me looked like 12 feet tall」。除了感謝老公外，更稱讚他拍照技巧了得，所以說一段成功的婚姻裡，懂得適時稱讚另一半也很重要。
像張繼聰這艘航行了十二年的「愛妻號」，「恨死人」的愛妻宣言又怎只上面的兩句呀？另外以下的這7句可以說是「閃死人無命賠」！
1.「胎軨是要來弄花的」
「車是男人的第二個老婆」 ，而車的配件就如老婆的手手腳腳一樣重要。早前謝安琪（Kay）在駕駛老公張繼聰的愛車時，不小心把車的胎軨弄花，鏡頭所見整條胎軨幾乎全軍覆沒。當Kay向張繼聰坦白時，他卻說：「不緊要啦，軨是要用來弄花的嘛，最緊要你（Kay）人無事嘛！」雖然片中張繼聰樣子有點無奈，但仍然用心安慰老婆，絕對是一等一好老公！
張繼聰幾日前才把其中一部車的輪拱在轉彎時撞掉，這次老婆把另一部車的胎軨撞花，張繼聰一定極為心痛。有網民表示感同身受，可見對男人來說，車是多麼的重要！但張繼聰用行動告訴大家，沒甚麼比老婆更為重要，那怕是自己的「第二個老婆」- 愛車！
2. 「我會繼續在我們的婚姻生活裡面搞笑」
張繼聰和謝安琪在2007年年頭結婚，到了今年已經踏入10周年。年頭時，張繼聰亦在Facebook貼上兩人當年的婚照並留下了十周年感言。「感謝你成為我的妻子及最好的朋友。晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福圓滿放心，我會繼續喺我哋嘅婚姻生活裡面搞笑，令你繼續成為快樂的太太，Happy 10th anniversary, I love you honey」
而老婆謝安琪便在照片下貼上另一幅婚照，搞笑地說「會不會呢張靚啲呢？」
張繼聰幾乎每年在老婆生日當日都會貼出一幅謝安琪的美照為其慶生，並以「My Lady」形容老婆 ，閃盲一眾粉絲的同時充滿霸氣。
3. 「我老婆一直在我心中」
張繼聰和老婆謝安琪向來是娛樂圈中的模範夫妻，有不少粉絲都愛好看到他們的甜蜜互動。張繼聰就曾在直播中，有粉絲希望寄信給阿Kay，張繼聰馬上激動地問「你為甚麼要寄信給我老婆，你想點？」甜蜜得來又帶點搞笑。粉絲多次要求謝安琪入鏡，張繼聰指著自己心口回答道：「不在，但她一直喺在我心中。」
4. 「太陽是在東邊升起，就好像我覺得我太太有多美一樣」
早前謝安琪被網民留言批評，產後身形變差，又被人質疑整容。老公張繼聰就忍不住發長文回應「太陽係喺東邊升起，係唔需要證明，又唔使討論，因為係事實。就好似我覺得我太太有幾靚一樣！」又感激太太為了自己，要承受懷胎10月之苦，還要照顧小朋友，非常偉大。又自豪地說「我老婆係唔會變番以前，而係會比以前更健康，更fit（更靚我就唔敢講啦，因為喺我心目中已經好盡吓，不過唔介意再盡啲）。」
5. 「就算時光倒流幾多次，我都會娶你做老婆」
2008年張繼聰在叱咤樂壇中取得了「創作人大獎」 ，並在獲獎感言上說「在過去一年，我聽過很多祝賀的說話，亦都聽過很多很難堪的說話。我記得有一晚，我看住我太太睡覺，在那一晚是一個很大壓力的晚上。我同我自己講，我一定會好好照顧我太太、照顧我個仔。」謝安琪在台下大為感動。張繼聰再補了一句「無論時光倒流幾多次，我都會娶你做我老婆。」台下即時掌聲如雷。
6. 「我很快樂 I am OK」
張繼聰多年來一直被人戲稱「謝生」甚至「廢柴老公」，皆因老婆謝安琪的名氣、成就來得比他大。作為男人被人稱作「軟飯王」，張繼聰的心裡一點都不好受，但他卻默默地承受著這些，以一句「我很好 I am OK」來回應，繼續努力耕耘，不讓閒言閒語影響對老婆的愛。連老婆謝安琪都心痛地表示「謝謝你這一句”I’m OK”，在我的角度看你，這一句OK，並不是簡簡單單的OK，是你把一切最不OK的，都自己硬啃KO了，讓我每天可以過得很開心很OK。」
7. 「在我臨瞓前，起身擘大眼都見到靚人」
默默耕耘多年，張繼聰終於在《萬千星輝頒獎典禮2014》中取得了「飛躍進步男藝員」，頒獎時張繼聰亦一如以往說出愛妻宣言「多謝你，在我臨瞓前，起身擘大眼都見到啲靚嘅人」。
延伸閱讀：
張繼聰一家Chok住影相 仔女搶晒鏡！
兩個小朋友唔經唔覺已經大個咗好多，11歲嘅張瞻已經學識打扮，仲高到去媽媽嘅膊頭！兩兄妹仲學識擺甫士，哥哥識Chok樣，而妹妹張靖兩隻手篤住臉仔扮可愛，張繼聰同謝安琪都冇佢哋咁搶鏡！阿聰仲留言話「#哥哥曉擺甫#妹妹識插袋」。
不少網民都大讚「妹妹真係好得意」、「哥哥賣型！妹妹賣萌」、「全家型到一個點！依家連妹妹都識擺post」
已經11歲嘅哥哥真係長大咗好多！
一家四口着靚靚散步 張繼聰做龍友影家庭照
黃昏時分，張繼聰同太太謝安琪，囝囝張瞻，仲有囡囡張靖，一家四口趁晚飯前喺自住屋苑散步。一身白色衫，明顯有襯過啦！
由爸爸負責揸機，將兩個一生最愛嘅女人，影得特別靚！
阿仔喺爸爸嘅鏡頭下，忽然多咗幾分90年代嘅偶像特質！
可惜少咗一張全家福！呢張唔知係媽咪揸機定係阿仔揸機呢？
張繼聰 謝安琪 開自家花燈會
係人都知，張繼聰同謝安琪住喺大埔豪宅比華利山，間house對住個無敵海景，上星期中秋節佢哋一家人就喺屋企食飯聚天倫！
晚飯期間，仲有妹妹表演魔術助興！
食完飯，就將自己個天台，變咗做花燈會喇！排滿風琴式紙燈籠，好靚呀！
天色都算唔錯，夜晚又有點涼意，最適合就係賞月啦！睇吓阿Kay同個女一齊賞月，幾enjoy！
玩完賞月又玩錫錫，好溫馨呀！
大時大節，11歲嘅哥哥張膽，就一個咁坐咗喺天台望月，型到呢！
型到媽咪都要學吓！
大時大節，「晒囡狂魔」又點會唔把握機會晒吓！
