72歲汪明荃潮爆口罩時尚 網民大讚防疫工夫做到足

撰文：東方新地｜圖片：Instagram、微博、Facebook

汪明荃戴口罩錄影

日前汪明荃於電視城錄影節目《娛樂大家》第9集，上載到社交媒體嘅相見到阿姐戴住口罩！口罩仲要有花紋，明顯係為咗一身衣著而設，造型絕對潮到爆。全場睇落只有阿姐戴口罩，對於藝人戴口罩錄影絕對少見，但網民都依然大讚阿姐防疫意識做到足，值得欣賞。

72歲阿姐汪明荃勤力玩IG

藝人要保持人氣，好多時都會活躍於社交平台，得閒會同粉絲交流交流。不過玩社交網唔係年輕人專利，已經70+2的汪阿姐汪明荃上年都開咗IG帳戶！不過汪明荃身為行內老前輩，玩IG都同其他人與別不同，Tag人其實可以咁樣Tag㗎！阿姐汪明荃出名勤力，連玩IG出post都勤力過人，開帳戶後短短41日已經出咗58個post，分享大量靚相及生活照，粉絲們一定好滿意啦！IG功能多多，但就唔係每個人都可以靈活運用，不如學吓以下阿姐呢個新玩法啦！

自創潮爆Tag人方法

話說阿姐日前出席保良局盆菜宴活動，喺IG分享大批合照，當然就要順便Tag返相中人啦。不過重點來了，阿姐唔係用平時IG內置的Tag功能，而係手寫Tag人，直接喺張相上揮筆寫大家個名！藝人如朱咪咪、區瑞強、蔡康年等大家都識啦，不過一班高官總理大家就未必熟悉，所以阿姐細心地寫埋頭銜，真係高招！

陸浩明麥明詩都跟風！

眼見阿姐開創新潮流，一樣夠樣的《#後生仔傾吓偈》主持陸浩明及麥明詩馬上跟風，喺合照中手寫Tag人，麥明詩留言：「台慶綵排，Liza姐教我哋tag相新方法　係愛嘅tag法！」

延伸閱讀：

「天然呆」真係好可愛 馬國明玩微博自製「紅V」

現今世代，唔少藝人都用心經營Facebook、Instagram及微博等社交平台，不時分享生活照、「福利照」，又可以同粉絲緊密交流。就連一向絕緣社交平台的馬國明，上月都終於開了微博帳號！馬明開通微博後似乎上晒癮，幾乎日日都更新微博，不過第一張相就唔見女友黃心穎～

V認証來了

話晒初踏入微博的世界，馬國明可能未熟悉微博操作，至今仍未得到「紅V」字新浪認證，所以網民紛紛留言提醒佢，於是馬明就擺出V字手勢自拍出post回應：「看見很多評論……都說想要認証……好啦好啦……V認証來了…yeah…」

馬明真係好可愛……

馬明的幽默感真係唔講得笑，雖然未獲「紅V」字新浪認證，但佢竟然諗到一條絕世好橋，就係每張相都加個自家製紅V，連頭象圖片都加埋！網民都想問馬明真係好可愛……

馬國明式幽默不斷為網民帶來歡樂，佢留言：「看到很多評論……發覺大家越來越失控越來越過份……希望大家學會尊重別人……照顧別人感受……本人……馬明……由第1天演戲開始……從來都是走萌萌、可愛、幽默、得意、搞笑路線……形象只得1個字…… “型”……yeah……死未…」

不過呢種幽默似乎唔係個個網民都識欣賞，所以馬明解釋：「其實我已加咗表情 ……加咗文字 星期天……笑下啦⋯都仲有人誤會我唔知什麼叫 認証……真係 冇眼睇……希望大家多d 幽默感 啦…不過 還好 有好多都識笑……謝謝你們……謝謝你們 」