C君「爛桃花」情史好勵志！ 曾遭前女友悔婚、與「港台之花」 終成眷屬
撰文：東方新地｜圖片：C君、陸永、黃天頤Instagram、西瓜facebook
單親家庭成長 自幼患重型地中海貧血
現時36歲嘅C君，因患有重型地中海貧血症，需要終生定期到醫院輸血和接受藥物治療，因此自小C君就有住與平常人不一樣嘅生活。
「一放學就要去輸血，人哋個個放學去打波，我要返嚟配血，幾煩……都唔係好辛苦嘅，唔返嚟配血會死㗎喎，咁我梗係返嚟輸血啦」。Hip Hop組合農夫（FAMA）帶給聽眾、觀眾不少快樂，但成員C君自少患上遺傳性的地中海貧血病，身體無法有效製造紅血球，要長期輸血維持生命。
C君原名鄭詩君，於2000年與陸永組成hip hop組合農夫，出道後雖無緣走偶像派路線，但憑住二人機智嘅反應同口齒伶俐，成功打響組合名號！
據知，C君於單親家庭中成長，幾歲時，母親離棄家庭，父親因則需長期於內地工作而無暇照料C君，故C君自細就由祖母湊大，與祖母感情非常要好！
陸永爆好友經歷「爛桃花」
陸永曾向傳媒透露，指好兄弟C君過往經歷過「爛桃花」，難過嘅經歷更潛而默化影響C君嘅感情路。10年時，C君曾宣佈與拍拖6年嘅圈外女友Gloria於12年結婚，當時仲用咗十幾萬買戒指！
可惜，喺2011年時，有指其女友Gloria因擔心C君嘅地中海貧血症會遺傳俾下一代，故思前想後後最終決定與男方分手！
樂觀面對新感情 「我有我的優點——結婚誠意十足！」
同年11月，C君承認已經與未婚妻分開，仲透露分手初期有喊。
然而，經歷過「爛桃花」嘅C君依然樂觀看待，重新找到另一半時，C君就講過：
「是新的好開始，我有我advantage——她知道我一定有誠意結婚。」
5年前，C君開始與今年34歲有港台之花嘅DJ黃天頤拍拖。
拍拖以來，天頤更不時會上載與男友C君出席友人活動時嘅大合照，例如同男友慶生時嘅生日派對、聖誕派對等，都會見到二人蹤影，可見女方非常融入男友朋友圈中！
前年，農夫舉行《農夫等錢洗世界巡迴演唱會》，天頤當然亦有去捧男友場，仲喺 ig 打千字文大讚農夫及自己一直以嚟對農夫嘅感受。
據了解，C君對女友天頤寵愛有加，加上近年收入大增，故曾講過「希望給女友住好一些」，坦言目標是購入貝沙灣豪宅與女友居住。儘管現時目標尚未實現，但C君亦租咗荃灣千呎單位與女友同居，盡顯對天頤嘅愛！
2018年10月，曾有傳媒發現C君與女友黃天頤行婚紗展，而C君亦坦言為婚禮做功課睇資料！另外，由於C君經歷過悔婚嘅關係，故曾深思熟慮婚後生兒育女問題，不過C君指自己會尊重女友決定為先！
原來C君搞笑背後經歷咗咁多野…(詳細click >>> http://bit.ly/2CnqJyb )——————————–【搞笑背後】患地中海貧血 C君：唔返嚟輸血會死http://bit.ly/2CnqJyb【開始悶】蕭正楠無火花 靠C君都撐唔到幾耐http://bit.ly/2CKrS3K
Posted by 香港新浪娛樂 on Sunday, December 17, 2017
