同「飯托」Karen撞樣！觀眾昐《愛回家》池美麗重演案情 網民：一定笑到癲！
廣告
最近網絡熱爆話題應該係少女Karen帶唔同男網友去同一間餐廳1晚食11餐，順勢劏客再同餐廳分佣。而無綫8點鐘劇集《愛．回家之開心速遞》經常都會將時事加入劇情，用搞笑角度有出思考。最近有網民就力推呢位《愛回家》嘅女演員化身Karen重演案情，望一望，又真係有幾分相似喎！
撰文：東方新地｜圖片：劇集截圖
觀眾昐《愛回家》池美麗重演案情
簡單講返件事，近日有一班苦主喺交友網站認識一名叫做Karen、貌似胖妹加蘇永康混合體嘅少女，聲稱失戀想搵人陪食飯，受害人應約後，就被帶到太子一間名為「唐三樓」嘅cafe食飯，受害人形容嗰度啲食物好難食，埋單仲要800蚊！其中一名苦主更發現「胖妹」不停帶唔同男人去呢間cafe食飯，1晚食足11餐，懷疑係騙局，所以決定踢爆事件，以防再有人中伏！
Karen喺交友網用假相，仲指自己叫Anna，呃到唔少男仔都同佢傾計同見面。
飯托Karen事件又點解會關《愛回家》事呢？皆因有網民認為Karen同《愛回家之開心速遞》入面嘅池美麗（鍾凱琪飾）好似樣，希望編劇可以為幫池美麗寫返一集，重演飯托驕案。
池美麗喺劇中係池子孝個妹，指佢極度迷戀秦博思，鍾意食嘢唔做嘢，連送去客人嘅貨都食埋。所以搵佢做「美女飯托」就一定好正！
鍾凱琪喺Instagram出Post：「其實我都有試過好多次食飯唔使畀錢嘅經驗。」咁搵佢扮Karen實好適合啦！
有網民就真係好期待會有個飯托題材，亦都有人認為池美麗靚過Karen好多！
