【跳躍生命線】專出童顏藝人？張彥博、孫慧雪原來係中學師兄妹⋯
撰文：東方新地 圖片：新傳媒圖片、張彥博IG
專出童顏藝人？孫慧雪、張彥博 原來係中學師兄妹⋯
張彥博在大台劇《跳躍生命線》飾演救護員「雄姐」呂劍雄，故事講佢同何廣沛、郭子豪等一齊教入消防處做救護訓練員，當中經歷好多困難，最終成功畢業，而張彥博穿起西裝面試，成個𡃁仔咁！
原來佢哋中學時期都係喺小西灣衛理中學讀書，仲要兩人都咁童顏，實在難得！
網民唔單止讚兩人keep得好，仲話佢哋真係好襯！
張彥博有著一副天生的童顏，經常被派演學生哥嘅角色，觀眾又怎會想到他已經38歲呢！
睇番佢細個啲童年照，已經有對大眼，都幾靚仔可愛！
睇番阿雪入行多年，都扮過唔少學生妹嘅角色，全因穿起校服嘅樣子零違和感！
阿雪樣子甜美笑容又燦爛，係唔少人心目中的女神，從外表真係未必估到佢已經入行12年，已經36歲啦！兩年前佢推出第一本、同時係最後一本寫真集，入面啲相大騷其33C上圍，黑絲半裸咩都齊，難怪男粉絲們逼爆書展！
阿雪個樣清純得嚟又帶點稚氣，着起校服極省鏡！
曾組band後解散
38歲的張彥博天生一副童顏baby face，被指激似小豬羅志祥，05年以樂隊《赤子》成員身份出道，隊員包括同馮嘉輝、伍德耀，可惜4年後樂隊無聲無色解散！
阿博年前參加《聲動亞洲》，已被國內傳媒指似小豬。
曾是樂隊《赤子》的成員
後來張彥博與Boy’z成員張致恆(Steven)孖住玩音樂，不時為教會出騷，更識到王祖藍、鍾舒漫、馮允謙等教友。
同克勤合唱
阿博熱愛音樂，又參加過內地音樂節目，對歌手夢唔死心的他，年前先後參加內地歌唱比賽《聲動亞洲》及《快樂男星》，2012年參加上海東方衛視的歌唱比賽《聲動亞洲》，曾與李克勤合唱〈紅日〉，均未能為他帶來獎項。
畢業後的第一套係《老表，你好hea！》夾band，有份同謝安琪同場；《東坡家事》做過歐陽震華個書僮「高貴」，《EU超時任務》同朱千雪做同事，但都是大閒角。
《一屋老友記》晒音樂才華
最終喺2016年憑不老萌樣演活《一屋老友記》廢青細寶殺出血路，劇中講佢讀完大學後乜都唔願做，寧願搞音樂唔正正經經打工！
細寶喺劇中原來好有理想，可惜屋企人唔明白，成日鬧佢冇出色，只有依蘭同白樺清楚細寶有幾熱愛音樂，劇中講佢精通結他、彈琴等樂器，阿博可以活用佢喺現實中同樣熱愛音樂，同樣精通以上樂器，絕對唔係揸住支結他做個樣㗎！
張彥博由閒角突變紅人，拍緊古裝劇都要戴住頭套分身為《一》劇宣傳。
食即食麵食到入院
早前在髮型屋抽空接受本刊訪問，講及以往坎坷經歷時，仍脹紅臉泛起淚光，他說：「搞樂隊之前，我喺電腦公司做，嗰時已經好窮，得六千蚊人工，同朋友夾份每個月俾三千蚊租屋，試過一個月裏面每日三餐都食即食麵，因為十蚊可以買到三個麵煮，結果食到塊面紫色，好似中咗毒咁要入醫院，從此我發誓唔再食即食麵！」
早年本刊曾拍得阿博自攜私伙結他，到尖沙嘴天星碼頭玩快閃表演。
戶口曾冇錢
「到搞赤子(樂隊)嗰三年，冇出過糧，靠教樂器維生，但好唔穩定，戶口係冇錢，搭車都要問人借，要靠屋企人support。」赤子解散後，曾在附有舞台的餐廳工作，為表演者set樂器，由被簇擁的歌手變成侍奉別人的幕後人員，坦言亦曾感到不快，但身為基督徒的張彥博最終靠信仰度過。
接受本刊訪問時自彈自唱自己作曲、跟裕美合唱的〈愛上未愛上的你〉，未知是否當年追裕美時的示愛歌。
忙足一日，最後返回租住、旺角區51年樓齡的單棟大廈。
原來佢哋中學時期都係喺小西灣衛理中學讀書，仲要兩人都咁童顏，實在難得！
網民唔單止讚兩人keep得好，仲話佢哋真係好襯！
張彥博有著一副天生的童顏，經常被派演學生哥嘅角色，觀眾又怎會想到他已經38歲呢！
睇番佢細個啲童年照，已經有對大眼，都幾靚仔可愛！
睇番阿雪入行多年，都扮過唔少學生妹嘅角色，全因穿起校服嘅樣子零違和感！
張彥博天生長得一副俊俏baby face，有人話佢似張敬軒有人話激似小豬羅志祥，總之都係靚仔啦！之前佢喺《一屋老友記》中飾演細寶而人氣急升，角色設定為25歲的無業青年，張彥博演得入木三分，嗰種反叛與不成熟感相當自然，難怪觀眾受落！
