減肥都可以食得健康？28歲單文柔3大婚前瘦身秘訣公開
撰文:Christie Lau | 圖片來源:IG｜編輯：東方新地
28歲單文柔瘦身秘訣公開
單文柔正式成為陳太，她曾經接受傳媒訪問時表示，展鵬求過兩次婚，第一次在香港趁她瞓覺時，用一隻自己摺的心形紙戒指戴在佢手，雖然好冧但單文柔都拒絕。之後第二次在英國，陳展鵬找了一條街很多人又有巴士的大街再跪低求婚，令她感動say yes！
單文柔在倫敦藝術大學倫敦時尚學院修讀布料設計學士課程。大學畢業後曾任職布料設計員，2016年參加港姐，在首圈十強出局。同年底入TVB藝訓班，之後主要做兒童節目主持。在參選港姐期間，單文柔也有積極keep fit，希望以最佳狀態比賽。
1. 不要節食！要營養均衡
由單文柔的Instagram可以見到，即使要減肥也要均衡飲食，絕對不會過度節食。飯類方面，可以選擇較健康的糙米飯，再配上大量蔬菜，有飽肚感之餘卡路里也很低呢。
2. 再懶也要動一動！
作為藝人，單文柔的時間表必定十分繁忙。可是再忙也好，她也會抽時間做運動。皆因節食+帶氧運動才可以有效瘦身，女生們也不要給藉口偷懶了~
3. 正能量令生活更有動力
很多女生在減肥的時候也會有較多負能量，覺得這是一段難捱的時期。但是減肥是要持之以恆，因此最好保持樂觀的正能量，享受健康生活，這樣必定可以看到身體上的轉變！
相關新聞：
馮盈盈漏口要做單文柔BB契媽 唔通係奉子承婚？！
陳展鵬及單文柔本月十三日結婚，二人正式成為夫婦。昨晚，馮盈盈與麥明詩（Louisa）一同出席陳展鵬與單文柔嘅新婚派對。點知有份出席嘅馮盈盈竟然漏口話要做單文柔BB契媽，唔通展鵬同單文柔係奉子承婚？
陳展鵬與單文柔大搞婚後派對
昨日，陳展鵬與單文柔宴請一眾圈中好友出席於中環舉辦嘅婚後派對。陳展鵬拖住身穿粉色低胸裙嘅單文柔，雖然結婚兩日，但兩人似乎已經適應咗新身分，單文柔就笑住講：「婚後有多咗一種責任感，會想更好咁照顧佢！」聽完都覺得好sweet呀！
索爆人妻王君馨昨晚就單拖出席派對，君馨就話自己布咗利是嚟祝福新人，表示：「因為我都啱啱辦過婚禮，知道花費唔少，所以好實際，希望我俾嘅利是可以令佢哋過一個更甜蜜嘅蜜月！」而且君馨更催促展鵬早日造人！咁唔知佢又會幾時有造人好消息呢？
馮盈盈 麥明詩 齊齊現身
馮盈盈、麥明詩及丁子朗就齊齊現身，當問到盈盈同Lousia準備咗啲咩嚟賀一對新人，Lousia就話自己準備咗利是祝賀新人，至於盈盈坦言自己冇錢：「所以禮不到我人到，心意補夠！」，聽落都慳幾水慳力！
馮盈盈漏口要做單文柔BB契媽
當被問到會唔會羨慕單文柔咁早就結婚，Lousia即話羨慕佢搵到個好老公，仲話最緊要係對方錫同埋長久幸幸福福，同埋生多個BB。點知盈盈馬上補充話自己到時可以認做契媽，隨即被在場傳媒誤以為單文柔有咗BB，之後盈盈先補鑊話：「唔係！」
其後，盈盈表示有介紹男友嘅醫生朋友俾麥明詩認識，問到有冇機會發展，Louisa就表示暫時可以做朋友。當問到身邊嘅丁除朗啱唔啱心水，Louisa指自己唔介意姊弟戀，不過就從未試過。照咁睇，現階段咩類型嘅戀愛都有可能發生喺Louisa身上！
煎Pang上月宣布結婚
上月10日，陳展鵬率先在無綫的Big Big Channel宣布婚訊，同晚向傳媒發聲明，正式宣布與28歲前港姐女友單文柔結婚！煎Pang表示期待組織小家庭，並盼得到大家祝福。
兩度浪漫求婚 單文柔冧爆
之後單文柔接受傳媒訪問，大爆煎Pang求過兩次婚，第一次在香港趁佢睡覺時，用一隻自己摺的心形紙戒指戴在其手指上，待佢醒後才發現，雖然好冧但單文柔都say no。第二次在英國，煎Pang在人流甚多又有巴士的大街再跪低求婚，這次單文柔最期待的畫面終於出現，如此感動當然點頭say yes啦！
單文柔 獲港姐好友送上婚前驚喜派對
單文柔同屆的港姐亞軍劉穎鏇及落選的魏韵芝，早前為準新娘送上驚喜，原來兩人預先訂房替準新娘舉行婚前派對，房內放滿粉橙色嘅汽球，仲有「bride to be」嘅橫額，Phoebe一入到房就好驚喜咁話﹕「嘩，好靚呀！」
兩位好姊妹仲甜蜜向佢獻吻，派對現場又以粉紅色為主色，擺滿粉紅色氣球及花瓣，真係好Sweet！
魏韵芝就留言話：「Congrats my Soulmate，Hope you liked the surprise（恭喜晒我們的心靈伴侶，希望你鍾意呢個驚喜。）」 又話﹕「女人的浪漫，誰說玫瑰只可以男人送？」佢講笑話Phoebe係幸運女神，反問點解唔係自己！
單文柔舉行婚前派對，房中掛滿汽球和寫上Bride to be的橫額，而她們還為準新娘戴上小后冠和彩帶，兼送上小蛋糕﹑花和香吻，逗得單文柔驚喜又開心。
今日(10月13日)就係陳展鵬迎娶單文柔的大日子，新郎煎Pang一早於中環四季酒店接過新娘單文柔，之後去到船上舉行婚禮，新娘子肯定畢生難忘！
陳展鵬一身西式禮服一貫地有型，而單文柔則身穿露肩婚紗，盡現美好身段，性感又高貴！兩人在親朋戚友見證下註冊成婚，恭喜恭喜～
晚上陳展鵬與單文柔於四季酒店舉行婚宴，兩人換上另一套禮服見傳媒，單文柔表示中午宣讀誓詞的部分令佢非常感動，另外又指有唔少結婚儀式都刪減了，包括未有玩新郎環節之類。而煎Pang就表示父母都非常高興，令平時比較cool的爸爸都特別開心，好滿意新抱仔！
