終於唔打格！吳若希 激罕晒囡囡正面相
撰文：東方新地│圖片：新傳媒圖片、、吳若希instagram、何兆鴻instagram
吳若希 激罕晒囡囡正面相
Jinny喺Instagram上載《森美旅行團》飯局的大合照，原來淼淼都有去，相中佢啜住奶嘴坐喺媽咪大髀，網民大讚淼淼非常可愛之餘，都不禁笑問Jinny「仲乜唔打格？」其實個女咁可愛，應該要開心Share啦！
大合照個個開心高舉手掌擺甫士，淼淼似乎非常好奇，擰轉面望吓大家做乜…
至於拍檔丁子朗都有上載佢同Jinny兩母女合照，不過佢唔知Jinny畀唔畀囡囡出鏡，所以用Emoji為淼淼遮住對眼仔，子朗雖然年紀輕，但都好細心又識尊重人！
吳若希老公補求婚
歌手吳若希(Jinny)上年同老公何兆鴻(Alex)奉女成婚，不過已為人母嘅Jinny講過老公一直未有求婚，早前Jinny話老公Alex忽然補番求婚儀式，喺IG上載一張巨型鑽戒相，佢留言話：「7。23 我的人生，好像所有時序都是錯的，生完孩子，補結婚。結婚後快一年，我又突然收到了求婚戒指和驚喜派對。還好，時間錯的，人是對的，謝謝你，希望能拿餘生報答你的愛。」Jinny透露隻戒指係由老公同品牌一齊設計，又話：「#我的朋友真的用盡了畢生演技#還有突然現身的家人#傻眼到一個點！」睇嚟Alex安排咗個大驚喜畀老婆！
自爆作嘔？
吳若希自從有咗BB後搬咗去澳門同Alex一齊住，即使陀住BB到之後生完復工，都係經常港澳兩邊走，搭船過大海當食生菜，不過日前佢自爆搭船暈船浪作嘔，當時已有網友問佢係咪有咗⋯
暗示有咗？
之後Jinny喺IG上載張淼淼同另一位小朋友同狗仔玩嘅相，留言話：「看到小可愛們的互動，都可以感受到滿滿的愛！喬喬一定會是一個很好的姐姐！淼淼也要快點努力學當一個好姐姐啦！」唔止作嘔，又叫囡囡學做好姐姐？唔少網友見到Jinny咁講，估佢係咪有第二胎，紛紛向佢送上恭喜同祝福！
正當大家等Jinny公布好消息，但當事人否認有咗！不過點睇Jinny都會再追多一個嘅，淼淼等做姐姐啦⋯
吳若希自從生咗BB做咗人老婆後，似乎收咗火，早幾日Alex踢完波腳痛，Jinny幫老公做按摩，感動到喊咁話！
生日蛋糕寫錯名
講開Alex，佢個人都幾有趣！早前老婆26歲生日，佢分享咗一張老公送嘅生日蛋糕相喺個人社交網，但奇怪地個生日牌上面寫住嘅並唔係吳若希個名，反而寫住：「My Lovely WiFa and Mother Happy Birthday」連壽星女都要留言話：「 不知道為什麼我老公叫我#wifa 要不然就是寫蛋糕牌的人手誤～要不然就是老公想送蛋糕給另外一個人～」
老公一於懶理去解釋
相反，吳若希老公Alex就冇諗住解釋個蛋糕點解會寫住「WiFa」，反而上載咗張老婆背影照上網，並笑指自己好開心咁同老婆講生日快樂，但佢就冇咩反應，只顧專心練新歌，仲話老婆似鐘意佢啲粉絲多過自己老公喎～
吳若希賀囡囡1歲生日 全家遊樂園慶祝
早前係佢哋囡囡Giselle一歲生日，吳若希一家三口去廸士尼慶祝，Jinny喺ig貼上合照，穿上藍白系列親子裝，大手拉小手好溫馨。Jinny話﹕「這個小心肝才剛學走幾步，就學人站得那麼囂張，寶貝寶貝，祝願你繼續快樂地長大。」
Jinny喺社交平台貼家庭照，同老公齊齊啜囡囡面珠仔，佢留言﹕「一個多月前就和全家人安排了這幾天的行程，不是什麼紀念日、不是什麼頒獎禮，而是我女兒的第一個生日！」
Jinny老公Alex亦有留言﹕「1歲後的第1天。這一年你過得開心和幸福嗎？爸爸媽媽很愛你，我們都會給你最好的照顧，最好的關心。1年前你這個時候還需要爸爸媽媽抱著你，1年後你已經要拖著爸爸媽媽的手自己行，下1年你會進步到什麼情況？不論你變成怎樣，你(Giselle)一直都是爸爸媽媽的心肝寶貝。Happy birthday my princess!」
吳若希自從同老公Alex Ho結婚生埋囡囡Giselle後，減少工作、專心湊女，做個好老婆、好媽媽。
《森美旅行團2》 舊班底好合拍
《森美旅行團》去年10月30日開播以來深受觀眾歡迎，不少網民覺得這個節目中介紹的景點、食物「大件夾抵食」，而森美夥拍黃心穎、麥美恩以及高海寧三位美女一同遊日本，當中心穎和麥美恩都是森美的老拍檔，他們在《學是學非》中都相當合拍，為觀眾帶來歡樂。
有埋高Ling，一飽觀眾眼福。森美與一眾美女共遊日本，感覺更似一班人去旅行。
《森美旅行團》引起網民熱烈討論，不少網民覺得森美作為主持做足功課，而節目中介紹的景點好而且食物「大件夾抵食」，甚至有網民將森美同杜如風做旅遊節目的風格作比較㖭。
《森美旅行團2》換上吳若希、丁子朗
TVB見反應咁好，到咗2018年，隨即開拍《森美旅行團2》，除了有上次的舊團友麥美恩Mayanne，另外換上新團友有新人丁子朗同成日話「真係㗎？典解嘅？」嘅吳若希，森美話：「要找聰明又醒目的拍檔難，但要找到這種搞笑的同伴做出有趣的節目更難，故我很有信心今次《森美旅行團2》會比第一輯更有趣！」咁真係拭目以待喇！
辛苦各位團友！你地繼續努力～💪🏻💪🏻 香港見😘😘😘😘 #孫悟空 #我知我知 #佢地好嬲
jinnyng（@jinnyng）分享的貼文 於 張貼
和這些舊團友、新團友合作後，未知會否有新火花，其中做咗人媽咪嘅吳若希在拍攝期間相思病發作好掛住囡囡淼淼！因為連日拍攝，Jinny不時貼上日本拍攝花絮到IG，Jinny透露在京都時開始有相思病，唔使問當然掛住囡囡同闊少老公Alex Ho啦！
下一站，去哪兒？ #森美旅行團2 #我在京都的日子 #相思病 #病發
jinnyng（@jinnyng）分享的貼文 於 張貼
吳若希同Mayanne兩個傻大姐合作，邊個搞笑啲？Jinny咁話：「話有你在，我終於可以做回正常人！」
影完呢張大合照後，Jinny話：「覺得自己很Chok很搶戲，然後看到圖右一，我五體投地⋯甘拜下風⋯」佢唔止輸Chok，仲輸埋條腰呀！」
第四座塔了💕 #澳門 👉🏻#巴黎 👉🏻#東京 👉🏻#京都 這兩天好像沒有睡過🙈 大家都辛苦了 #晚安 #goodnight #おやすみなさい
jinnyng（@jinnyng）分享的貼文 於 張貼
拍《多功能老婆》
Jinny生咗囡囡後，搬咗去澳門闊少老公Alex屋企住，但隨住囡囡長大，Jinny都開始復工，除咗為新碟錄音，並參演楊千嬅、黃浩然主演嘅《多功能老婆》！
來了東京那麼多次，好像從來沒和鐵塔留影～ 也是因為工作的關係，才有一個人獨處的時間可以到處逛逛。 #我真的是來工作的 #只不過早下班 開工是要「捱」便當，你看你看，還配飯素，好吃到我想再吃一盒🤦🏻♀️ #多功能老婆
jinnyng（@jinnyng）分享的貼文 於 張貼
