44歲鄭雪兒逆齡回歸公仔箱 大揭凍齡背後3大秘訣！

撰文：東方新地｜圖片：鄭雪兒instagram

19年後原班陣容拍《尋秦記》電影版

而早於2017年時，古天樂原來已買定版權，準備開拍電影版，而今年正式開拍，仲集齊男女主角，真係好難得！而幾位女主角在台上輪流分享感受，宣萱話知道古仔話拍已經開心咗幾年，依家真係等到開拍呢日好興奮。久未耐面嘅雪兒話好多年沒見過呢班朋友，再見到感覺好Sweet，好開心。

而郭羨妮就話《尋秦記》係佢入行首部作品，所以當知道拍電影版覺得好興奮，佢仲不忘多謝古老闆。而滕麗名話畀古老闆嚇一嚇，皆因會打到七彩，所以希望古仔畀多啲錢請替身畀佢。

當年嘅四大女主角有宣萱、雪兒、郭羨妮和滕麗名，依家人齊演出，真係正如古仔所言「難過儲閃卡」。

古仔、宣萱和林峯一齊接受訪問，古仔披露故事大綱：「故事會發生在19年後（當年劇集是2000年播出，秦王都已經統一六國，之後發生咩事大家都唔知道，所以有好大創作空間。故事有穿越劇情所以有科幻元素。」不過古仔拒絕透露電影總投資多少，話呢啲係秘密。當年飾演嬴政嘅林峯則話：「聽過古仔講要拍這部戲好耐，每次見到佢都話劇本又改緊，總之好精彩。」眾人大賣關子！

古仔話：「當年套劇已經係2000年嘅事，好多人都想我哋拍番電影版，當初冇諗過用原班演員，但後來都覺得用原班演員陣容至好睇。」

網友：冇江華、KC唔算齊人！

不過網友話唔算齊人，事關獨欠飾演連晉、嫪毐嘅江華！劇中嘅江華一開始對主人巨鹿候好忠心，點知被項少龍誤廢右手後被逐出巨鹿候府，唯有投靠他人。途中佢遇到左手劍客嫪毐，經過一輪忍辱負重後終學成左手劍法，仲將真嘅嫪毐殺害，變成心狠心辣之人。

網友都話希望江華有份演，但之前江華就話套劇成為大家心目中嘅經典，已經好勁，所以唔明點解要翻拍，但從商業角度睇，大家都咁鍾意係有追看性嘅。不過佢近年都淡出幕前，睇怕難有機會睇佢嘅演出！

仲爭KC陶總管

其實唔止爭江華一個，仲有KC歐瑞偉當年飾演嘅陶總管，都有唔少網民話佢都係要角之一，唔可以冇佢份！

鄭雪兒回歸公仔箱

現在44歲的鄭雪兒，前年在好友古天樂邀請下接拍電影《殺破狼•貪狼》，令她再次出現在香港的公仔箱。其後，在邵氏電影的邀請下，答應出演《飛虎之潛行激戰》，依家又接拍《尋秦記》。

鄭雪兒保養得宜

在《飛虎》中，雪兒飾演CIA中央情報局的情報組主管，並用回真名鄭雪兒及Michelle飾演劇中角色，成功做回「自己」。但更令人留意的是，即使如今多年後再見雪兒出現於電視螢幕，她的容貌都沒有太大改變，真是保養得宜！

無論在任何角度下，雪兒都完全睇落唔似43歲，零遐肌的她，猶如逆齡生長！

鄭雪兒分享最新生活近況

雪兒不定時在個人社交網分享生活近況，相中完全看不出歲月痕跡！

據知，雪兒近年有素食習慣，平時亦注重養生之道，難怪依然美麗如昔！

凍齡秘訣大公開

1. 多做運動

從來做運動是最自然抗老的不二法門，而鄭雪兒鍛鍊身體的方法則選擇了玩 Gyrotonic，這是一種結合瑜伽、太極、舞蹈、體操的運動。她不時在百忙中也會抽空做運動，難怪其身材保養得如此健美！

2.多吃蔬果

鄭雪兒原來是一位素食主義者，平日除了多菜的飲食外，還會多吃水果吸收維他命抗老，維持美貌。

由於蔬菜含有大量的維生素及纖維，可促進人體新陳代謝、清潔皮膚和抗衰老。另外，水果含豐富維他命C，同樣達到抗老、緊致皮膚的作用。因此，蔬果確實是凍齡的重要元素，多食無妨！

3. 護膚、美容

看著鄭雪兒依舊白皙、緊致有光澤的肌膚，便知道她花費在保養的功夫不少了！除了基本的保濕產品之外，鄭雪兒也會選用一些美白的產品，例如蘆薈的保養品。蘆薈中含有機酸類可抑制黑色素形成，具備美白效果。