撰文：東方新地｜圖片：新傳媒圖片庫、徐子珊IG

徐子珊半工讀趕上堂

徐子珊日前出席連鎖店活動，當堂因為太「稀有」變咗巨星咁款，半百記者招呼、半打工作人員護駕⋯⋯不過呢啲其實都係表面嚟啫！等到活動完結、工作人員送到佢上車，徐子珊一個人竟然直接去咗香港大學，原來半工讀嘅徐子珊日頭開完工出席活動，跟手就返咗學校上堂，當日仲有科考試㖭，話好緊張喎。五光十色嘅活動過後，子珊換番對波鞋孭住個文青袋去考試，不過外套入面仲係件低胸裙、成面妝台慶咁款，夠晒上進！

好少何見人的徐子珊難得獲邀出席活動，不過就話好趕時間，活動過後就要返學校考試。

工作人員前呼後擁巨星咁款好大陣仗咁送咗徐子珊上車去港大返學，呢啲咪就係物以罕為貴囉。

去到大學落車，徐子珊已經成個文青咁款孭住布袋換上波鞋，仲好好心情同八姨太打招呼。

兩個幾鐘天都黑埋終於考完試，睇徐子珊神態輕鬆，睇怕準備充足發揮理想。

徐子珊北上發展

徐子珊 在2004年港姐選舉奪冠，當選後即獲無綫力捧，拍過唔少劇集。不過自2015年約滿大台後，就修讀珠寶設計，去年更簽約王祖藍的經理人公司。佢最後一套劇集係同馬德鐘合作的《以和為貴》。

其中佢喺《潛行狙擊》、《神鎗狙擊》等劇集中，無論係槍林彈雨、飛車跳樓都可以安然無恙，被封為「不死珊」！

進化變網紅

闊別香港一段時間、全力攻內地的子珊不時在社交網站po相，增加自己在網上的曝光率，不過唔少香港朋友睇到相之後都有啲唔認得… 烈焰紅唇、皮膚白到反光，仲有尖尖的下巴，真係勁有內地女星同網紅嗰種feel！

雖然都尚算認得出係子珊，不過已經唔係那個令人懷念的樣子，唔通係內地好食好住、空氣又同香港大不同，所以連個人都唔同晒？

延伸閱讀：

古天樂首奪影帝 多年來低調行善 內地建逾百學校

金像獎紅地毯大戰 女星爆乳大激鬥