周奕瑋憑《周遊東京》人氣急升 難忘黃翠如台上鼓勵
周奕瑋《周遊東京》推介貼地
網民大讚《周遊東京》介紹的景點抵買抵食抵玩，貼地之餘，又少為港人熟悉，富新意。單是第一集的100円搶衫、0円Pizza、100円吞拿魚放題等，全是「抵到爛」。第四集更有抵食放題、免費剪髮和免費導遊服務。
盡騷真性情
很多藝人主持旅遊節目時，總顧及形象，未能全程投入，觀眾也看得不夠盡興。周奕瑋則沒有這顧慮，在《周遊東京》中，完全沒有形象包袱，真情流露。
最經典一定是100円服裝放題中，為搶得Burberry頸巾，搏盡一切瘋狂與媽媽級搶衫，又穿上十多件衣服，非常狼狽。正因他的落力參與，提升節目的刺激感，令觀眾也看得過癮。
周奕瑋入行十年
一張童顏的周奕瑋皮膚白皙，行為舉動帶點稚氣，以為佢年紀輕輕、經驗尚淺，其實佢已經34歲，在TVB默默耕耘十年。最為人熟悉，係由2009年至今，一直擔任《娛樂新聞台》及《娛樂頭條》主播，主持及採訪經驗非常豐富。
周奕瑋日前接受媒體訪問，表示自己由低做起，因為多年來的經驗先可以成就今日的自己。如今周奕瑋終可以獨挑大樑主持《周遊東京》，節目亦廣受觀眾歡迎！
難忘黃翠如台上鼓勵
周奕瑋的節目咁成功，除了自己努力外，佢更要多謝黃翠如鼓勵過佢！事緣15年時馬來西亞「星光薈萃頒獎典禮」中，黃翠如憑《師奶Madam》奪獎後上台講感受， 當時佢特別提起周奕瑋，表示大家都係娛樂記者出身， 所以叫周奕瑋都要繼續努力、加油！ 當時在台上做緊司儀的周奕瑋不禁呆了，無諗過對方會用寶貴的時間鼓勵自己。
周奕瑋稱當晚返到酒店後真係感動流下淚來，更坦言呢份來自同路人的鼓勵，令佢銘記至今！因為翠如同樣係娛樂記者出身，佢由記者到演員得獎，真係同路人先會明白箇中辛酸。所以翠如的鼓勵，令周奕瑋刻骨銘心！
即刻睇埋片：
(翠如BB得獎感受由19分鈕開始。)
TVB 馬來西亞星光薈萃頒獎典禮 2015 Part 2* Jarvis 為大會司儀 *黃翠如於得獎感言中提及 Jarvis 的部份於 19 分 35 秒開始
Posted by 周奕瑋 Jarvis Chow on Sunday, 29 November 2015
延伸閱讀：
