異空感應大結局｜陳曉華講起阮浩棕打入男配角10強眼濕濕 網民：值得攞獎

陳曉華首次獻唱劇集曲

在記者會上，陳曉華首次在台上獻唱劇集曲，她表示希望未來有更多機會可以唱到主題曲，並笑言一開始感到非常緊張，但漸漸放鬆下來，因為她能夠表達出角色「邢可嵐」的心情。。

劇集進入結局周

《異空感應》即將進入結局周，陳曉華和阮浩棕憑藉此劇獲得《萬千星輝頒獎禮2024》的多項提名，包括飛躍進步男女藝員、最佳男配角，以及馬來西亞最喜愛女主角，兩人的演技獲得業界的高度認可。陳曉華與阮浩棕在接受傳媒訪問時多次向監製王心慰表達感激之情。阮浩棕表示自2020年起，王心慰多次邀請他參與不同的劇集，並且給予他越來越重要的角色，沒有她就唔會有阮浩棕。陳曉華也表示非常感謝王心慰的栽培和機會：「因為佢搵完我演邢可嵐之後，我呢兩年都冇停過。我係好多謝Amy姐用我！」

阮浩棕：唔好辜負嫲嫲或者爸爸

阮浩棕受訪坦言「星三代」身份有辣有唔辣：「呢個身份係易畀人認識嘅，但如果未準備好而去接受呢啲機會，其實會有影響，呢行好多時機會都係一把握唔到就轉眼即逝。同埋呢個身份容易令大眾會覺得我依靠關係，而唔係靠努力。亦因為咁，呢個身份逼使到我更加要努力去做好，唔好辜負嫲嫲或者爸爸，對我嚟講係另類嘅鞭策。」

談到11年的演藝生涯，阮浩棕坦言並不容易，並以「一步一腳印」形容：「我都真係去到上年先正式透過作品畀大家認識到我呢個演員。呢11年有好多苦真係自己先知，我其實都係由藝訓班開始做起，有演過路人甲，亦試過半年冇嘢做、冇工開，在內地發展時亦試過被壓價。「我喺入行頭嗰七、八年，其實一直都係低潮位，係辛酸嘅，但冇一個話特別特別辛酸嘅例子，因為整體都係谷底下嘅感覺。呢啲真係自己先知，所以我會形容我係捱番嚟。」入行初期，阮浩棕一度被調往兒童組發展，可惜即使他如何努力、幕後同事如何力撐他，成績依然不此預期，令阮浩棕一度大感心灰：「當時就算幾努力，都真係得唔到小朋友好大嘅喜愛。但好彩森美大哥有開導我，佢教我做主持最重要係帶到價值畀個節目，有時要百厭少少先跳出到框框，亦都係佢幫我渡過咗呢個難關。」

陳曉華講起阮浩棕眼濕濕網友：值得攞男配角

陳曉華提到，阮浩棕在拍攝《異空感應》期間承受了巨大的壓力，她表示：「唉！我好想喊……因為我知佢好努力，知佢好大壓力！我唔講啦……依家出來效果係比想像中好，佢都辛苦咗好耐，唉！」她又指這套劇每個演員都好辛苦，因為拍該戲遇到好多困難。

網友都大讚阮浩棕今次發揮出色，值得獲獎肯定：「值得攞男配角」、「阮浩棕天才演員」、「兩位都演得好好」、「阮浩棕真係演繹得呢個角色好好，神情都好似，加油啊」