吳若希再陷婚變危機!公開粗口對話公審老公句句有骨 最新動態曝光
吳若希 上載《反黑英雄》插曲話「散聚有時」
吳若希最新一個IG post中,上載了她所唱的TVB劇集《反黑英雄》插曲《空白》,並寫上其中的歌詞:「散聚有時,愛恨有時,發夢到此世界來到盡處。」再加上「空白」、「新歌宣傳」、「唔好過分解讀」三句HashTag。雖然她說是新歌宣傳,但有網民問她這首歌幾時會推出?她就回答:「可能出年啦~~~」又在與網民的對答中,否認自己公審老公,並透露老公為了接送女同事,而冇送到囝囝返學!
![吳若希 吳若希同老公Alex已結婚近7年。(圖片來源:IG@jinnyng)](https://imgs.orientalsunday.hk/wp-content/uploads/2024/07/02a_325560909668ce9b98bebf.jpg)
吳若希 網上公審老公句句有骨
吳若希在社交媒體上公開了與老公Alex的微信對話,其中她質疑Alex:「好X Sweet呀,仲可以同人一齊搭地鐵返工!」對此,Alex解釋說只是為了讓同事簽署MPF文件,但吳若希顯然不買賬,反駁說:「真係好大嘅原因呀,叫佢簽MPF,就要車人返工,又要陪人搭地鐵,好XSweet呀,你唔好俾人影X到呀!」Alex則無奈回應:「其實我真係已經好多嘢煩,我唔明點解我咁樣我都要比(被)人鬧,我唔同你講鬧我都正常,我真係做嘢,我之前幾年做垃圾做唔到嘢又鬧,我而家做正經嘢都鬧!」
![吳若希 吳若希公開兩公婆微信對話截圖,公審老公。(圖片來源:IG@jinnyng)](https://imgs.orientalsunday.hk/wp-content/uploads/2024/07/01_1972156081668ce98698eba.jpg)
解釋來龍去脈:你趷起條尾都知你會做咩!
事件發酵後,吳若希在IG上進一步解釋事件的來龍去脈:「其實呢,女人呢係好敏感嘅,你趷起條尾,都已經知你會做咩㗎!今朝何生好積極咁話要車同事返工,俾我話完之後,好有骨氣地講,連車都唔揸自己搭地鐵!我又唔知點解,突然間覺得佢應該係搭地鐵搵佢公司同事,我Chok完佢第一句,佢又真係答我係Wor(喎)!即係我自己都有公司,都有幫人哋供MPF,我依家先知原來MPF需要老闆親自攞文件俾員工簽!男人呢,就好得意嘅,身有屎嗰陣呢,就會話自己已經好多嘢煩,怪番女人唔體諒佢!」
![吳若希 吳若希與Alex育有一女一仔。(圖片來源:IG@jinnyng)](https://imgs.orientalsunday.hk/wp-content/uploads/2024/07/03_1230497773668cea7bd90e0.jpg)
發出警告:之後見到佢同第二條女一齊,唔好大驚小怪
隨後,吳若希再以黑底白字的IG限時動態對老公發出警告:「作為太太,要提就提左GA LA(咗㗎喇),佢選擇尊重你,定係選擇無視你,係佢嘅決定。有啲人會忍,有啲人會嘈,我呢,同呢個人相處咗八年,太清楚佢咁嘅回答係代表咩!所以呢講埋今次,之後大家喺條街度見到佢同第二條女一齊,唔好大驚小怪,因為佢都係做嘢嘅啫!」引起網民熱烈討論。
![吳若希 (圖片來源:IG@jinnyng)](https://imgs.orientalsunday.hk/wp-content/uploads/2024/07/04_2141908220668ceaec6d2b5.jpg)
暗示有機會離婚 要好好增值自己
之後吳若希分享在舞室練舞的片段,表示收到好多網民安慰她的留言:「哇!上完跳舞堂,收到好多安慰我同支持我嘅MSG。放心,我真係冇嬲~與其花時間喺呢啲位,我會選擇好好增值自己!做好一對仔女嘅榜樣,TOUCH WOOD 真係要成就人哋一對眷侶嘅話,我起碼有能力養起一頭家,畢竟最愛既都係一對仔女。」暗示有機會離婚變單親媽媽。
![吳若希 吳若希表示自己剛上完跳舞堂。(圖片來源:IG@jinnyng)](https://imgs.orientalsunday.hk/wp-content/uploads/2024/07/05_202623255668ceb1e9367a.jpg)
公開保險AGENT卡片惹誤會
最後吳若希更公開了一張保險AGENT的卡片:「介紹返,呢位經理級,親力親為,唔需要客戶走來走去。我都深信佢唔會要求個老闆特登走去個女員工屋企樓下叫佢簽名,再陪佢一齊搭地鐵返公司。」一度引起網民誤會是她老公所用的AGENT,不過她隨即解釋只是純綷介紹,又叫大家唔好誤會何生:「佢女同事喺啟德,我哋住喺何文田,又真係好近嘅~何生呢種反向思維,好忙但係唔想麻煩到個AGENT,要親自去搵女同事,而唔係直接返公司等女同事返工,都情有可原嘅。」
![吳若希 吳若希又公開同AGENT的對話。(圖片來源:IG@jinnyng)](https://imgs.orientalsunday.hk/wp-content/uploads/2024/07/07_1509702265668cebbb2f3d1.jpg)
網民兩極反應 有網民撐公審「對之後離婚有幫助」
吳若希的連環公審引起網民熱烈討論,有網民認為力撐吳若希,表示:「絕招!公開趕走第三者」、「咁肯定之前唔止捉到幾多次啦」、「咁今次我又撐佢喎男方出軌,公開佢,對之後離婚都有幫助,即使老婆又豬又港女,都唔應該出軌」等。但亦有網民批評吳若希不應該上網公審老公:「玩到咁大應該都想攬炒」、「咁高調,驚死人唔知家門不幸」、「男人最怕呢種女人,乜都攤哂出嚟俾全世界知,完全唔俾面個男人」等。
![吳若希 (圖片來源:IG@jinnyng)](https://imgs.orientalsunday.hk/wp-content/uploads/2024/07/jinnyng_1719330410_3398312245571235843_1464691_996108860668cec383f32c.jpg)