愛回家︱抵死玩盡劉鑾雄「膠面論」古佩玲為成為膠面人博到盡

《愛回家》抵死玩盡劉鑾雄「膠面論」

日前《愛·回家之開心速遞》的「誰是膠面人？」單元講述到富豪油王（古天祥飾）意外暈倒，在漆黑一片的新威龍廣場看見一位「膠面人」拯救了自己，大小姐（林淑敏飾）為了取得油王的生意，出錢出力務求找出這位「膠面人」。

經過一番調查，大小姐找出當日停電前曾走進女廁的六名女子，包括，熊若水（呂慧儀飾）、Ma姐（何芷珊飾）、Cammy（鍾晴飾）、群姐（許思敏飾）、Candy（葉蒨文飾）和素素（古佩玲飾）。一眾女士一開始不想成為自己塊面「又硬又膠」，但最後得悉大小姐出重籌搵「膠面人」時，大家都務求獲得獎金而出盡奇招變膠面，場面非常爆笑！

就連大小姐都用蠟像技術變「膠面」，最後在打羊腩煲時成塊面「熔咗」而穿崩。（圖片來源：TVB《愛回家》截圖）

古佩玲為成為「膠面人」不惜犧牲色相

其中在現實中被指為大劉所提及的膠面人「最大嫌疑者」的古佩玲，在劇中為求成為膠面人而博到盡，將成包棉花塞緊口中，不過點塞都唔夠「硬」，最後都係被油王識穿唔係「膠面王」。

三太引用現實回應：人哋係純天然㗎

除了古佩玲之外，大劉口中「膠人」嫌疑人之一的三太在劇中就被逼食死貓。三太在劇中因為剛去打美容針，並且因為自覺太「膠」，所以特意遮面示人，結果大小姐唔信，而強行帶三太給油王「驗證」。當油王證實三太並不是自己所找的「膠面人」時，三太即刻引用自己在現實中曾作出的回應：「都話唔係我啦，人哋係純天然㗎！」

大劉劉鑾雄笑《愛回家》女藝人「硬膠」：塊面都唔識郁

劉鑾雄（大劉）大劉是TVB「忠粉」大家一早已經知，記招中常引用TVB節目做例子。在去年開記者會時，除了親身解答坊間傳出「身家留畀兒子」的謠傳，當天也有記者問到「最近仲有無睇《愛·回家之開心速遞》」，他說：「講起《愛回家》就好笑，我見到有個角色﹐廢事開名，一陣話我針對佢。個（演員）硬膠個樣，啲肉實到呢，唔識郁的。」令全城網民競猜誰是膠樣主角…

愛回家 tvb — 大劉記招講：「講起《愛回家》就好笑，我見到有個角色﹐廢事開名，一陣話我針對佢。個（演員）硬膠個樣，啲肉實到呢，唔識郁的。」（圖片來源：經濟一周）

古佩玲間接否認係膠樣女星

大劉也在記招中將範圍縮小了一半，指這名角色是女性，因此網民票選了6大可疑人物，包括：古佩玲、葉倩文、三太（樊亦敏）、湯盈盈、莊思明和劉思希。古佩玲在記者會過後出席《善心滿載仁愛堂》活動時，被傳媒問到膠樣一事。古佩玲就「膠樣」一事間接否認，坦言沒有留意相關報道，同時未有覺得劇中有膠樣女星，並表示每一個人也笑得自然。