貓之旅神｜29歲沈殷怡曾被狠批「大嚿」 憑泳裝反擊獲網民大讚：有肉肉好正

沈殷怡終於成功平反

沈殷怡與Asha徐㴓喬‎一同擔任ViuTV節目《貓之旅神》的主持人，2人在節目中激罕以泳裝示人大派福利，雖然沈殷怡在身形瘦削的Asha身旁明顯更加有肉地，不過網民是讚多過彈，大讚她的肉肉身形好睇：「有肉肉嘅Shirley好正」、「有肉無罪哦，做自己就得啦」、「Shirley易肥易瘦體質，我係女人反而中意睇佢著衫幾自信唔遮掩」、「Shirley肥有肥靚」。不過亦有網民繼續畀負評：「着到成個200磅咁」、「相都唔執就放仲話係福利照」、「成個胃腩飛出嚟」、「可唔可以畀啲顯瘦嘅衫ss（Shirley Sham）著」。

社內相親︳港版「陳映書」有對比有傷害 沈殷怡被狠批大嚿

現年29歲沈殷怡一向吸晴，簡直係新一代女神，點知《社內相親》一開播沈殷怡被網民狠批睇落好大舊唔掂！首集沈殷怡一出場就著一件露膊裝上陣，睇落性感又驚艷，點知一個側面，相當「厚切」！「同原裝韓版陳映書相比真係唔似」、「點解沈殷怡好似好大舊？」、「好在沈殷怡夠靚」、「Shirley搞唔掂」、「冇比較真係冇傷害 連shirley shum都會覺得冇咁靚」、「睇完原版社內相親迷上左薛仁雅，有比較有傷害」。

社內相親︳網民：同Edan好唔襯！會唔會砸倒Edan?

《社內相親》韓版男二兼秘書室長「車成勳」，港版角色改名叫「章成勳Alfred」，由呂爵安Edan 飾，而沈殷怡飾演「陳映書」同Edan係CP組合，睇預告時唔少觀眾都覺得2位唔多襯。而睇過韓版都知，「車成勳」同「陳映書」將會有一場激烈的床戲，Edan同沈殷怡2人都會有相當刺激的纏綿戲。喺ViuTV《社內相親》的預告中，其中一幕沈殷怡將會跳上Edan的身上，唔少觀眾睇完都覺得「壓力感」好重，認為會唔會砸倒Edan，為Edan擔憂。

社內相親︳意見兩極：好襯沈殷怡魔鬼身材似足韓版！

雖然如此，但都有唔少網民力撐覺得「陳映書」呢個角色好啱沈殷怡！韓版「陳映書」由薛仁雅飾演，薛仁雅出名好身材，呢樣嘢沈殷怡簡直非常符合！「港版韓版既映書都係咁大」、「映書身材唔係個個carry到！」

而且網民指出唔係沈殷怡大舊，只係Edan睇嚟要再大隻啲，因為韓版金旻奎身形超大隻先會令薛仁雅落睇唔會大舊。