去邊啊do姐 do姐

去邊啊Do姐｜66歲鄭裕玲簽生死狀 挑戰人體極限登戰機：咩都試下

最新娛聞
東方新地

廣告

鄭裕玲（Do姐）主持的HOY TV全新旅遊節目《去邊啊Do姐》昨晚（11日）播出第6集，由洪嘉豪陪住Do姐一同探索德國，2人先在慕尼黑學做麵包，Do姐之後飛起嘉豪，獨自登上戰機飛越阿爾卑斯山，66歲挑戰人體極限！
去邊啊do姐 do姐 Do姐鄭裕玲去到德國把握機會上戰機！
Do姐鄭裕玲去到德國把握機會上戰機！（圖片來源：大會提供）

起飛前簽生死狀 Do姐：咩都要試下

66歲的Do姐獨自去到德國國家飛機博物館，準備登上意大利製造的S-211輕攻擊型戰機。她上戰機的事前準備非常嚴謹，不但要上堂學習安全知識，例如遇到危險時會飛彈出機艙逃生的方法，之後再簽署「生死狀」。Do姐出發前為自己打氣：「人就活一次，咩都要試下。」準備好之後，Do姐在戰機機師的陪同之下一飛衝天，片片白雲在身邊極速掠過。穿過雲層後升上6500米高度，戰機朝阿爾卑斯山脈進發並橫越德國最高山峰，Do姐表示見到白茫茫一片，大呼：「好似仙境一樣！」

去邊啊do姐 do姐 Do姐大讚出面白茫茫一片猶如仙境一樣。
Do姐大讚出面白茫茫一片猶如仙境一樣。（圖片來源：大會提供）
去邊啊do姐 do姐 一生人真係要試下。
一生人真係要試下。（圖片來源：大會提供）
去邊啊do姐 do姐
（圖片來源：HOYTV影片截圖）

感受G Force成就解鎖

飛過楚格峰後，機師將戰機180度反轉再反轉，讓Do姐感受強勁G Force，Do姐指當時「個人唔郁得，Feel到所有嘢扯埋一邊」。雖然戰機的G Force令身體不適，但Do姐落機後心情勁靚指「開心做咗呢件事，人生做一次都應該嘅！」

去邊啊do姐 do姐 Do姐落咗機不忘與戰機打卡合照，心情超靚。
Do姐落咗機不忘與戰機打卡合照，心情超靚。（圖片來源：大會提供）
去邊啊do姐 do姐 Do姐坦言飛到上空360度旋轉感覺很不好。
Do姐坦言飛到上空360度旋轉感覺很不好。（圖片來源：HOYTV影片截圖）
去邊啊do姐 do姐 Do姐當時表示身體郁唔到。
Do姐當時表示身體郁唔到。（圖片來源：HOYTV影片截圖）
去邊啊do姐 do姐 Do姐出發前與洪嘉豪一同整麵包。
Do姐出發前與洪嘉豪一同整麵包。（圖片來源：大會提供）

自爆玩到頭暈

Do姐昨日（12日）出席活動，提到第一次簽生死狀坐戰機的經歷相當難忘，她稱當時親眼望完民航機飛機師同學先玩，她才「個心冇咁驚」，抱住「都未試過，咪試下囉」的心態作出嘗試。雖然覺得很享受，但360度的G Force卻令她頭都暈：「起機同落都好快，360度自己都唔習慣，因為所有嘢都反晒，好似一隻蟹咁被綁住唔郁得！」。Do姐表示如果將來有機會都想試玩滑翔傘、降落傘等等：「我好大膽㗎，一啲都唔畏高，但揈得太緊要就唔得！」

去邊啊do姐 do姐 Do姐昨日12日）出席活動，重提當日的經歷。
Do姐昨日（12日）出席活動，重提當日的經歷。（圖片來源：YouTube@Viu1 HK）

懶理節目收視

另外，節目第一集在網上點擊已經超過46萬，其餘集數則有20多萬的平均點擊，電視收視方面，據悉首集平均有3點，第2集2.7點、第3集1.9點、第4集2.1點及第5集2.2點。Do姐在訪問中表示今時不同往日，現時有很多網上平台，難以單靠收視的數字去計算，因此本來就對節目沒有任何收視期望，拍得開心最重要。

去邊啊do姐 do姐 Do姐表示對節目沒有任何收視期望。
Do姐表示對節目沒有任何收視期望。（圖片來源：YouTube@Viu1 HK）

撰文：東方新地圖片來源：大會提供

熱門文章