胡睿涵Hanna 香港小姐2023｜18歲應屆DSE考生 獲封「最強咪神」完勝郭珮文

胡睿涵香港小姐2023｜Hanna封最強咪神 完勝郭珮文

16位佳麗正式埋位拍攝泳裝照前，先以綠色、橙色、紫色、彩藍及桃紅等不同色系造型拍攝宣傳照及大合照，之後16位佳麗分別換上墨綠色及粉紅色三點式泳衣拍攝單人照。今屆16位港姐身形普遍偏瘦及平均，不過最搶鏡、最豐滿上圍的三位佳麗，則為擁有36吋胸圍的6號胡睿涵、35吋胸圍的16號郭珮文及34吋胸圍的9號潘明璇！

另外亦有大批「蛇腰」代表，當中14號陳怡名（Zora）以21.5吋腰圍成為「蛇腰」之冠，緊隨其後的是同樣擁有22吋纖腰的4號王怡然（Lynn）及5號梁倩淇（Debbie）。

胡睿涵香港小姐2023｜佳麗檔案

胡睿涵香港小姐2023丨對DSE成績感滿意

香港中學文憑考試於7月19號放榜，候選佳麗6號胡睿涵（Hanna）亦係應屆DSE考生，目前喺越南進行拍攝及接受特訓，兼顧賽事及面對放榜日，Hanna自爆失眠好緊張。

Hanna坦言DSE放榜前一晚瞓唔着：「今日又有大型表演，又出DSE成績，心情勁緊張。」問到點樣知道DSE成績？Hanna開心稱係老師話畀佢聽：「今日一直睇住手機，睇吓老師幾時發訊息畀我。」問到對DSE成績滿唔滿意？Hanna坦言：「其實都係我理想嘅成績，我成績一向都好穩陣，唔係極好但又唔係太差。」佢最滿意係視覺藝術科成績，希望考上心儀大學。