靈戲逼人︱張振朗一人分演兩角演技躍進 求擺脫張智霖影子 低調熱戀楊偲泳

張振朗爆原本造型似「迪克與牛仔」

張振朗在劇中一人分演兩角，分別是丁一駿同曲行雲，他近日（27日）在IG分享一件趣事，公開原本呢兩個角色的造型，他表示：「A係丁一駿 外號迪克與牛仔； b 係曲行雲 ，如果最後出街係咁樣，你投唔投入到？」即吸引同劇演員輪流回應！

龔嘉欣：Sorry…我笑咗

阮浩棕：正wor點解無用到！！！！

蔚雨芯：笑左

阮嘉敏：唔係喎，我覺得應該會更加受歡迎

入行11年虛心受教 努力擺脫張智霖影子

36歲張振朗與劇集《靈戲逼人》中一人分演兩角，非常考演技功夫，但張振朗今次表現亮眼，獲網民大讚演技有進步。雖然多年來一直受TVB力捧，但因為當年扮張智霖「Cool魔」太深入民心，令他一度難以擺脫張智霖影子。張振朗在接受傳媒訪問時指自己一直虛心接受大眾意見，會盡量做好每一個工作環節，努力學習做好自己。

有「地獄黑仔王」之稱 開拍前怕撞鬼

有「地獄黑仔王」之稱的張振朗每次拍劇都會甩皮甩骨，早前在拍攝《奪命提示》就試過被座地燈撞爆眉骨，搞到血流不止。今次拍攝《靈戲逼人》卻難得無穿無爛，張振朗指開劇前曾經怕會撞鬼，所以都做足拜神儀式。他亦笑指黑氣已過，不再黑仔，很感恩今次拍攝過程順利無意外。

低調熱戀前ViuTV女神 不想妨礙對方事業發展

張振朗與前ViuTV女神楊偲泳相戀4年，兩人一直愛得低調。對於兩人從未於社交平台上傳兩人合照，張振朗就表示感情事只要兩人甜蜜就已經足夠，再加上大家都在拼搏期，不想妨礙雙方事業發展，兩人亦有共識先將重心放在事業上。

揚言要賺到8位數身家 先考慮人生大事

張振朗在接受訪問時亦揚言在賺到8位數身家後，才會考慮人生大事。當被問到女友會否等他時，他就笑指兩人早有共識，加上女友同為圈內人，所以都明白雙方立場。大家都會在拍戲上給予對方意見，互相支持對方。