一舞傾城｜楊明「酒精累事」同蔡潔激戰 自爆唔使向莊思明備案
廣告
《一舞傾城》今晚（29日）一集上演激情戲碼，暗戀 Monica（蔡潔飾）的志飛（楊明飾），在 Michelle（姚子羚飾）推波助瀾下成功約會 Monica，二人意亂情迷下發生一夜情 ！
楊明「酒精累事」同蔡潔激戰
今晚一集講到，二人「酒精累事」發生一夜情 ，不過 Monica 事後對志飛有所避忌，似是未能走出失戀陰霾。蔡潔、楊明於這場近一分鐘的親熱戲，兩人化身人肉風火輪轉住嚟咀，由門外咀到上床，相當肉緊。講到這場戲，楊明受訪時說：「其實都冇乜尷尬，因為大家都入咗行咁耐都明白拍戲係咁，蔡潔好專業，而我亦都有呢類戲嘅經驗，大家都溝通好晒。事前都試咗幾次位，務求用最少 Take 數完成呢場戲。」
楊明自爆拍親熱戲唔使備案
問到事前有否向女友莊思明備案？楊明笑言：「都唔使備案，因為思明有份拍呢套劇，劇本佢睇到晒，佢知道有呢場戲，但都會同佢講聲邊日會拍呢場。最好嘅係另一半都係演員，佢會明白係咩一回事。」講到劇中有除衫晒肌畫面，楊明坦言事前做足準備：「因為唔想肥騰騰咁，所以拍攝前都有做掌上壓、引體上升泵脹啲肌肉，亦有聽前輩分享話拍之前要收水，希望啲肌肉唔好咁鬆散。但掌上壓又唔可以做得太多，因為驚做得太多之後啲動作唔夠力做！」
撰文：東方新地圖片來源：TVB
