中年好聲音︱TVB為「造馬」解話畫公開分數細節！龍婷落敗原因曝光！
決賽得分細節曝光 力證周吉佩實至名歸
《中年好聲音》於週日舉行決賽，無綫當晚並沒有公開 6 強於快歌競賽部分分數，及最後兩強對決的分數細節，令不少觀眾和網民都質疑非大熱之選周吉佩的奪冠資格。早前無綫就公開決賽當晚所有回合的分數細節，包括評審在每個回合給予的分數，及兩個回合的觀眾投票得分。從無綫公開的數據中可見，周吉佩的確由頭帶到落尾，由慢歌部分開始已經奪得最高分91分，快歌部分六位評審更給予19分接近滿分的高分，力證周吉佩實至名歸。
細節曝光！兩個評審成為龍婷落敗主因！
至於另一大熱龍婷，雖然在觀眾投票分數中得到最高分，但就未能得到評審們的青睞，其中伍仲衡和周國豐兩位評審更只給予16、17，導致慢歌同快歌方面得到84和88的低分，無緣入決賽。
伍仲衡、周國豐同樣畀低分
龍婷在慢歌部份，伍仲衡、周國豐同樣畀16分，在剔除最高、最低分數過程中較為不利。第二回合快歌部份，伍仲衡、周國豐同樣畀17分，也是六位評審中對龍婷給予最低分數。
評分準則：兩回分數獨立計算，7位評審評分去除最高最低分數，加上全球觀眾投票結果，綜合成為選手總分：
總決賽分數細節：
《東張西望》帶大家重溫比賽當日選手間分數緊湊情況，重溫吉吉「登峯」全過程！
網友分析：解釋即是掩飾、技術造分！
「本來都唔知點樣技術造分，多謝解釋，連兩位折扣王都要比歷史性19分就可以謹謹勝出，全民投票只係吸引觀眾增加收視，節目組好嘢！」
「沒看錯的話，佳佳老師和英國豪，兩位都在評審和觀眾投票，分別同樣佔據亞軍和季軍位置，眼光都是一致的！看來具說服力」
「只要TVB+幾位評判唔覺得尷尬 尷尬就係人哋」
「真天才將分數公佈更沒說服力，解釋即是掩飾。觀眾也有耳朵和眼睛去分辨參賽者的表現和實力」
《中年好聲音》被指臨時改賽制 曾志偉出場為賽果解畫 ：龍婷好多工作接洽！
《中年好聲音》收視向來高企，大熱李佳和龍婷雙雙落馬引來不少熱議。有觀眾更指無綫突然改賽制，根據上週無綫內部新聞稿寫到「總評分最高分之三位將晉級第二回合，第二回合，三強將輪流獨唱自選歌曲，角逐金銀銅獎」，但決賽當晚卻由本來六變三，忽然改成六變二，引來網民不滿。就此曾志偉親自出面否認仲話：
「一直都係六變二，二最高分進行比賽，賽制冇變，參賽者都知道。」
曾志偉又表示TVB與入圍的100强參賽者都有簽約，目前最多人搵的並不是冠軍周吉佩，而是吳大強及龍婷工作，他更首次披露已為吳大強接了一個廣告，曾志偉笑稱「要造馬都造年紀大的參賽者，證明是『中年好聲音』」，他強調沒可能影響直播節目中評審的分數。
