梁允瑜泳衣設計極吸睛 大方分享泳衣來歷 一個部位震懾網民眼球
梁允瑜(Chloe)於2021年參選港姐因爆粗片流出而被封「粗口港姐」,落選後加入了無綫至今2年都被投閒置散,只曾在《愛·回家之開心速遞》中飾演接龍人事部職員Mocha,近月冇工開索性周圍飛,年初飛到歐洲多國玩完,近日再晒在曼谷的水著照,言行向來大膽嘅佢永遠唔會令人失望,件泳衣真係好誇張!

梁允瑜曼谷大晒火辣Body
「粗口港姐」梁允瑜(Chloe)雖然簽約做無綫親生女,不過冇份被力捧,只獲安排入《愛·回家之開心速遞》中飾演接龍人事部職員Mocha,角色mean爆,觀眾緣亦麻麻未能入屋,為自我提升人氣,梁允瑜不時在社交平台派福利照吸like,近半年工作寥寥無幾頻頻外遊,前日又po出在曼谷影的一輯惹火泳衣照。


大方分享 泳衣款式及價錢 推介full bikini treatment
得悉有好多網友留意到自己的泳衣,梁允瑜在IG大方回應,並提供了泳衣Model示範的靚相:
由於近日各大傳媒都好喜歡我套新泳衣,
而且好多女生都問我係邊買,
我決定隆重介紹下我套泳衣,
我就係台灣 airspace買的
我好多 swimwear都係呢間買
質素好高而且好靚
嗱 但係要 carry呢件泳衣當然唔少得做足事前準備
@highsocietyskinclinic 的full bikini treatment
就幫到各位女士~ 令各位女生又方便又美觀!分享完畢thank you.

一件頭性感過三點式 重要部位勁少布
見慣梁允瑜著三點式,今次的黑色一件頭驟眼睇好似平平無奇,其實呎度仲勁過三點式,只見梁允瑜置身酒店泳池中,身高176cm的她身材玲瓏浮凸,44吋的逆天長腿好搶fo,她擺出多個性感撩人的甫士,其泳衣的下身重要位置非常少布, 睇見都好牙煙,而且真係好蝦人著,好明顯梁允瑜事前已經做好一切準備,清理好所有會礙眼的毛髮。


網民笑指一種白色動物先可以Handle
梁允瑜完全駕馭到呢件泳衣,而網民反應都幾激烈,有人留言讚佢火辣同索,不過亦有人留言「去泰國會唔會畀人誤會係人妖?」「下身咁誇張,使唔使咁博呀?」不過當中最出色都係「白虎(意指私密處沒有毛)先著得呢啲泳衣」。




撰文:東方新地圖片來源:[email protected]