姜濤新居被曝光考慮放租 AK力撐梁文禮有言論自由

Anson Lo：覺得好聽同難聽係冇對與錯

被問到最近DJ梁文禮在其私人FB帳戶狠批MIRROR周邊公仔醜樣，及指姜濤、盧瀚霆Anson Lo翻唱張國的歌曲是「集體強姦張國榮作品」等，Anson Lo表示無梁文禮的私人帳戶，所以不知道他的用字，但指：「即使真係好harsh都好，都係好make sense，每個聽眾都有自己taste and preference（口味和選擇）。覺得好聽同難聽係冇對與錯，我估大家都係着重唱功同埋音色方面，呢樣係我哋每出一首歌都想有進步嘅地方。」

姜濤就直言因為已戒玩手機，所以不太清楚成件事的詳情：「所以我唔方便去講啲乜。呢排我都有好多批評，所以我嘅心態係任何批評對自己都係一個好珍貴嘅批評。」

MIRROR 姜濤 Anson Lo 及 Edan。 — Anson Lo指每個聽眾都有自己嘅選擇。（圖片來源：東方新地）

AK力撐梁文禮：我哋有私下聚會

而AK就表示：「我哋同阿禮都認識，呢幾年佢都會畀好多唔同嘅advice我哋，我哋真係做得唔好嘅時候，佢都會直接同我哋講，所以我覺得大家唔好將呢件事放得太大，講真喺一個private嘅account，同埋香港有言論自由，每個人都可以講佢自己鍾意嘅意見，同埋發表佢自己想發表嘅嘢，所以真係唔評論咁多。我哋呢幾年都有私下聚會，對我哋嘅歌有咩意見都會直接講，所以唔會影響我哋之間嘅感情。」

姜濤 AK指大家都好錫MIRROR：「大家都係想我哋再進步多啲，所以我覺得無論啲comment點用字都好，本意都係想我哋進步。」 — AK指大家都好錫MIRROR：「大家都係想我哋再進步多啲，所以我覺得無論啲comment點用字都好，本意都係想我哋進步。」（圖片來源：東方新地）

Anson Lo活動後暈倒送院

盧瀚霆（Anson Lo）在台上被分配為「Team Sport」與Lokman（楊樂文）、Stanley（邱士縉）和Tiger（邱傲然）同組玩節拍遊戲，期間見他非常投入。在騷後亦隨大隊接受多間傳媒訪問，與隊友姜濤和Edan（呂爵安）相鄰站著接近半小時受訪，完成這一節的訪問後，Anson Lo似乎體力不繼，先與經理人花姐（黃慧君）「咬耳仔」，後來更見暈需要扶著花姐落台，並宣布未能接受隨後的訪問。Anson Lo見暈消息傳出後，馬上在社交網上報平安：「我沒事，只是暈了。未能完成訪問，對此十分抱歉。去醫院檢查，晚一點再和大家Update，別擔心我。」

姜濤 MIRROR 接受訪問時Anson Lo曾伸手摸心口，疑作自我心跳檢查。 — 接受訪問時Anson Lo曾伸手摸心口，疑作自我心跳檢查。（圖片來源：東方新地）

姜濤 MIRROR 接受訪問時Anson Lo一度難受到要彎腰。 — 接受訪問時Anson Lo一度難受到要彎腰。（圖片來源：東方新地）

姜濤 MIRROR Anson Lo在台上表現投入。 — Anson Lo在台上表現投入。（圖片來源：東方新地）

姜濤 MIRROR 但亦明顯見到Anson Lo面色蒼白。 — 但亦明顯見到Anson Lo面色蒼白。（圖片來源：東方新地）

姜濤 MIRROR 接受訪問時站了接近半個小時，最後Anson Lo需要送院接受檢查。 — 接受訪問時站了接近半個小時，最後Anson Lo需要送院接受檢查。（圖片來源：東方新地）

姜濤仲做緊物理治療

近日姜濤被影到去維園打籃球，動作仲好生猛，不時主動出擊，在訪問中他笑言自己仍在做物理治療：「已經好好多，大家唔使擔心，應該仲要做多幾個月，因為想保險啲，未聽過醫生話唔可以打波，但佢話可以做運動嘅！對唔住醫生，我本身以為自己係就住就住打嘅，點知睇條片原來都唔係好就住，所以我覺得下次都係唔好再打啦！」

MIRROR 姜濤姜濤話今次再露面係有少少緊張，但都好開心，因為佢哋12個私底下都好少齊人，所以今日見番12個齊人都好開心。 — 姜濤話今次再露面係有少少緊張，但都好開心，因為佢哋12個私底下都好少齊人，所以今日見番12個齊人都好開心。（圖片來源：東方新地）

戒玩手機專心做歌

而講到早前有連登網民出po狠批他多宗罪，姜濤回應：「我唔覺得網民係惡意批評，呢啲都係好好嘅批評，不過社交網媒體我依家真係冇玩，我係連手機都好少玩，所以我連大家嘅message都好少睇到，純粹因為我想令自己專心少少，做自己想做嘅嘢。唔玩手機令我好放鬆，以前嘥咗好多時間喺手機度，依家完全唔玩手機，我覺得係專心咗好多！」姜濤又透露已經做緊新歌，好快會生新一胎。

MIRROR 姜濤姜濤直言最近冇計過體重，遲啲話畀大家知：「可能我po嘅第一張相就係體重，不嬲以前到依家我都冇定體重目標呢個習慣，不過都要畀吓壓力自己。」 — 姜濤直言最近冇計過體重，遲啲話畀大家知：「可能我po嘅第一張相就係體重，不嬲以前到依家我都冇定體重目標呢個習慣，不過都要畀吓壓力自己。」（圖片來源：東方新地）

姜濤認做業主考慮放租

有記者恭喜姜濤近日升呢做業主，姜濤直認：「多謝！呢個就係我放鬆嘅手段！」而被問到會唔會再買多幾層？他笑言：「希望廣告商多啲搵我，呢層我本身諗住自住，但依家搞成咁（指被曝光），可能會畀屋企人住，依家仲商量緊。」隊友紛紛建議他租出去，或者買完即刻賣返出去，Lokman更提出發達大計，就係大家夾錢買一間屋，話姜濤住嗰度，跟住再賣返出去，就可以有錢賺！