新四十二章｜靈灰安置所扮大學網民鬧無綫取景求其：間大學真係夠晒熱鬧

《新四十二章》屯門曾咀靈灰安置所取景扮大學

陳豪、龔嘉欣、江嘉敏、周嘉洛等主演無綫新劇《新四十二章》在週一首播，在劇集播出後，觀眾和網民對劇集的評價好壞參半。在最新一集播出後，有眼利的網民就發現眼看是普普通通、正正常常的大學場景，竟然是在位於屯門的曾咀靈灰安置所內取景。在《新四十二章》中出現的「大學場面」又的確幾自然，如果冇網民提出的話，相信大部分觀眾都未必能夠發現得到。

新四十二章陳豪今次《新四十二章》的大學場面都係喺屯門曾咀靈灰安置所取景。 — 今次《新四十二章》的大學場面都係喺屯門曾咀靈灰安置所取景。（圖片來源：屯門曾咀靈灰安置所官方圖片）

新四十二章陳豪外觀結構的確同一班大學挺相似。 — 外觀結構的確同一班大學挺相似。（圖片來源：《新四十二章》截圖）

新四十二章陳豪多個場面都在屯門曾咀靈灰安置所內部拍攝。 — 陳豪和龔嘉欣多個場面都在屯門曾咀靈灰安置所內部拍攝。（圖片來源：《新四十二章》截圖）

新四十二章陳豪其中更包括不少嬉皮笑臉的場面，難免對先人有啲唔尊敬。 — 其中更包括不少嬉皮笑臉的場面，難免對先人有啲唔尊敬。（圖片來源：《新四十二章》截圖）

新四十二章陳豪為咗扮校園，今次劇集都動用了不少臨時演員。 — 為咗扮校園，今次劇集都動用了不少臨時演員。（圖片來源：《新四十二章》截圖）

新四十二章陳豪影到同一班大學教室冇乜分別 — 影到同一班大學教室冇乜分別。（圖片來源：《新四十二章》截圖）

TVB取景求其網民表示無言：間大學真係夠晒熱鬧

網民對TVB以屯門曾咀靈灰安置所扮大學一事，都表示覺得非常無言，認為用靈灰安置所扮校園的話，會需要動用到大批臨時演員，難免會打擾到先人，對先人不敬；同時亦有網民留言嘲笑TVB本身就取景求其，留言恥笑道：「最後是否BBQ完場，至少唔驚冇爐，一樓大把」、「疫情下除咗口罩來拍攝，只有呢類地方唔會有人投訴。(逆向思維的一種)」、「 TVB咁都諗得出，間大學真係夠晒熱鬧」等。

《新四十二章》初版海報被抄襲同大陸劇似到十足十

早前亦有眼利網民發現，《新四十二章》海報設計另有乾坤，巧妙同人撞橋，未知是否屬劇集致敬部分之一。內地劇《一路繁花相送》講述都市愛情，改編自青衫落拓同名小說，由鍾漢良、江疏影、炎亞綸、李晟等主演，喺2018年播出，早過《新四十二章》好多。

睇返兩套劇嘅海報，發現《新四十二章》都巧妙地撞足《一路繁花相送》，眼利的網友寫道：「兩款海報都係主角排排坐」、「部分角色同樣翹腳chok樣」、「海報背景都係淺色主調」、「劇名字眼都同樣由紫色漸變至藍色」。為咗驗證兩套劇嘅海報有幾神似，有網民曾經用Google影像搜尋功能，上傳《一路繁花相送》海報，結果竟同時驚現《新四十二章》初版海報，睇嚟就連Google都認唔出兩者分別。