《毒舌大狀》網民勁猜有加長版 發現狠刪女同志親熱場面 原裝仲有更激場口
廣告
黃子華、謝君豪、王丹妮、廖子妤、王敏德、何啟華、楊偲泳及栢天男主演的電影《毒舌大狀》於年三十（21日）開畫，開畫後票房日日稱冠。喺年初八（29日）宣布上映8日票房已衝破5000萬大關，電影亦喺馬來西亞成為單日票房冠軍，非常威水。香港唔少觀眾睇完之後，表示電影精彩，想再進場觀看，更講期待希望有加長版咁話。網民話早前發行商釋出嘅《毒舌大狀》製作特輯，驚見王丹妮、廖子妤兩女親熱畫面，疑鏡頭喺上畫時被刪走，覺得有可能是想留在加長版推出。
王丹妮廖子妤親熱鏡頭全刪去
睇返《毒舌大狀》在YouTube發布的製作特輯，畫面揭示咗電影原裝是有王丹妮同廖子妤親熱鏡頭，但戲院上畫時，畫面只見兩人坐得親密，未見有錫錫，而兩女親蜜嘅關係，都只改為王丹妮親口向黃子華承認。
疑原裝版有三人對戰鏡頭 尺度好激好盡
《毒舌大狀》製作特輯釋出畫面，驚見有幕王丹妮躺臥在床，廖子妤心急地擒上去，靚仔配角柏天男則企喺旁邊，做出疑似除衫嘅動作，令人遐想鏡頭同三人對戰有關，意識好大膽！難怪柏天男都話：「我未拍過咁激烈咁野性嘅一場，所以做咗好多準備！」
戲院上映版本疑多處有刪走 觀眾羅列電影留白位置
《毒舌大狀》內容精彩，觀眾戲院睇得夠爽，但從電影剪接睇得出，有部份鏡頭明顯剪走咗，部份內容只係含糊交代，電影票房咁好，自然討論度高。有觀眾羅列出對電影嘅疑問「廖子妤同王丹妮是否有真感情關係？」、「獄中對峙是否更深刻舊情？」、「 黃子華飾演的林涼水在服用「偉哥」後的戲份似乎被刪，他趕去醫院前，為討好權貴到底還發生了什麼荒唐事？」、「黃子華飾演的林涼水，拿着兩個膠水樽入廁所找主控官金遠山（謝君豪飾）這一幕戲還有後續？」、「主控官出來後為何強烈針對柏天男？唔知如果電影推出加長版，能唔能夠解答觀眾嘅疑問呢？」
撰文：東方新地圖片來源：facebbok、《毒舌大狀》劇照、Youtube、豆瓣、資料或影片來源：Youtube
