曾志偉嗌辛苦堅決停播《獎門人》：頂唔到過年！
曾志偉宣布停播《獎門人》
《獎門人》系列至今已有27年歷史，是香港人的集體回憶。當《開心無敵獎門人》獲得台慶頒獎禮「最佳綜藝節目」獎後，總經理曾志偉在接受TVB娛樂新聞台訪問時就表示好開心大家仲非常支持呢個廿幾年的節目，不過《開心無敵獎門人》早前播出最後一集就宣布暫別幕前，令不少觀眾都大為不捨。
總經理事忙終於頂唔順
曾志偉貴為無綫總經理，每日要處理的事情非常多，據知除了要諗如何為電視台賺錢，劇集收視跌關佢事，藝員有負面新聞都關佢事，日日要拆彈都真係好唔得閒，他表示現階段難以分身兼顧:「好辛苦，因為我要返工啦，如果每個禮拜要錄話呢，我其實要兩三日同佢哋度問題，所以我頂到過年就話唔得喇，我真係要停一停。等我呢上半年將下半年節目安排好喇，或者睇下有冇機會下半年啦！」
錢嘉樂感恩獎門人提攜
在台慶頒獎禮上，宣布《開心無敵獎門人》獲得「最佳綜藝節目」獎後，一眾獎老上台領獎，「大師兄」錢嘉樂在台上邀請節目靈魂人物「獎門人」曾志偉上台，曾志偉即時做出指定動作向觀眾致謝。錢嘉樂特別多謝曾志偉當年提攜他，令他成功由龍虎武師轉型做主持，他亦多謝已故監製錢國偉。
曾志偉頒畀自己惹熱議 網民：有利益衝突！
《獎門人》1995年啟播至今播了11輯，斷斷續續超過20年，對於「最佳綜藝節目」由《開心無敵獎門人》獲得，即由無綫總經理曾志偉頒畀自己，網民議論紛紛指曾志偉應該避嫌：「不可參賽啦，有利益衝突」、「自己畀自己真係好好笑」、「自己唔尷尬尷尬就係人哋嘅」、「自己話事梗係頒畀自己啦！」有網民指遊戲玩了20幾年沒有新意：「繼續大電視、啜波夾麵包，咁都仲話要開好多會，頒畀自己都唔緊要，其他對手都唔成氣候先可悲！」
《開心無敵獎門人》奪獎 曾志偉唔肯上台
今年「最佳綜藝節目」由《開心無敵獎門人》奪獎，獎老錢嘉樂、阮兆祥都有上台領獎，相反節目的核心人物「獎門人」曾志偉未知是否為了身份問題，一度不願上台，要等錢嘉樂請先肯上，在上台後亦避嫌不發言。
《獎門人2022》時隔9年回歸熒幕
香港人的集體回憶《開心無敵獎門人》時隔9年，去年7月再度由原班人馬回歸，新一季《獎門人》除了原班人馬曾志偉、錢嘉樂、阮兆祥、麥美恩之外，吳嘉怡、程浩駿亦加入節目擔任新長老。獎門人曾志偉在接受傳媒採訪時，表示因為節目太久沒有播出和錄影，無論是小朋友觀眾，還是新藝人同事、歌手都沒有機會玩經典遊戲，希望能夠靠《獎門人》勾起大家的集體回憶，帶給港人更多開心的能量。
曾志偉Cosplay安妮亞超驚嚇
去年8月曾志偉確診新冠肺炎，康復出關後錄影新一集《開心無敵獎門人》時，竟以螢光粉紅假髮配黑裙亮相，明顯是模仿日本人氣漫畫《SpyX Family》內「安妮亞」的造型，嚇親不少網民：「睇到預告…好嘔心」、「呢啲叫趕客」、「好核突呀，你係咪想我地嘔晒啲月餅唔使減？」
網民怒轟：安妮亞比佢毀晒！
日本動漫《SPY×FAMILY》紅遍全球，Netflix也有播出《SPY×FAMILY間諜家家酒》，劇情中5歲儍萌甜小女孩安妮亞更是受到粉絲們喜愛。無綫總經理曾志偉為令節目年輕化，竟在新一集《開心無敵獎門人》扮安妮亞，引來網民發文劣評：「又會咁in？但這是老人台，應該都冇乜核心觀眾知～」、「大台觀眾認識安妮亞嗎？」、「安妮亞比佢毀晒！」
