揭28歲麥明詩裝假狗疑雲 《殺手》演技大爆發獲網民激讚
廣告
做娛樂圈工作，真係唔到你唔認命，經常被指演技幼嫩的麥明詩（Louisa），去年放棄做無綫親生女轉簽一年一騷「綠葉約」，轉攻商界做OL，淡出幕前先嚟行運，告別作《殺手》近日熱播，憑盲妹角色大獲好評彈起，一場激動爆喊鬧爆「衰老竇」的戲，連視帝黎耀祥都被搶晒鏡，演技獲網民激讚，而另一場教江美儀彈琴戲，身穿緊身衫出鏡的她，fit爆身材又激凸呼之欲出，即時引起熱論，演技、身材win win雙贏！
撰文、圖片：東方新地
麥明詩唔想浪費時間 否認𢱑撈想返無綫拍劇
去年淡出娛樂圈的「十優港姐」麥明詩，轉攻商界做 OL半年，早前上《後生仔傾吓偈》節目，就呻爆返朝九晚五工作後先知打工仔辛苦，更謂現時薪酬比做藝員時差一大截，即時傳出她向高層樂易玲𢱑撈想返無綫拍劇，不過，麥明詩火速否認傳聞，更寸爆話：「勤力返工冇乜邊個唔辛苦，但有付出先有收穫！」話想繼續發展現時嘅專業事業。
同！
利，fit爆身材勁吸睛！
其實在無綫四年的她，演出過多部劇集都被彈演技幼嫩，對上一套劇《是咁的，法官閣下》，演出又被指木獨生硬負評不斷。據知情者透露：「本身 Louisa就係好有計劃嘅人，選完港姐入行，佢都有過野心想做啲成績出嚟，可惜事與願違，做極都冇代表作，令佢意興闌珊唔想再浪費時間，Louisa讀 Law有專業執照，可以喺美國執業，佢覺得就算唔做律師，喺商界發展都可以更長遠，先決定放棄做藝員。」
《殺手》演技大躍進懶理被指「打假波」
不過，近日時來運轉，她在熱播劇集《殺手》便演技大躍進，在劇中演黎耀祥女兒，一個失明鋼琴老師的她，打扮樸實演出自然流暢，又將失明人的感覺做得恰如其分，一場得知黎耀祥演的閻武是其生父，爆喊鬧爆「衰老竇」戲，演出令人看得揪心，演技大爆發被網民激讚，就連身旁的視帝黎耀祥都被她搶晒鏡，演技出位氣勢返晒嚟！
可能見慣麥明詩經常在社交網晒身材，平日充滿時代感的她，演盲妹打扮樸素貼地，連笑容都變得特別純真，不過，一場教江美儀彈琴戲，雙峰在緊身衣下澎湃呼之欲出卻被指「打假波」，其實選美出身，相貌身材冇得呃，身形嬌小的麥明詩向來是有料之人，根本不用「裝假狗」。而近日演出備受讚賞，又反應好，麥明詩被問到會否回巢再拍劇，已經沒有之前決絕，坦言要看機緣，講到咁玄？會唔會真係回歸呢！
