十強香港小姐誕生 廖慧儀獲汪阿姐讚有冠軍相順利晉級
文：東方新地
港姐2020最後十強佳麗水著圖集：1號 陳煦凝、2號陳楨怡、3號何孟珊、4號郭柏妍、5號鄺美璇、6號廖慧儀、7號麥詩晴、8號謝嘉怡、9號謝恩靈、10號黃婉恩
廖慧儀厚粉遮紋身首次泳裝見傳媒
《香港小姐2020》今日再 foul走兩名佳麗分別是羅雪妍及源菲然，最後十強佳麗陳煦凝、陳楨怡、何孟珊、郭柏妍、鄺美璇、廖慧儀、麥詩晴、謝嘉怡、謝恩靈、黃婉恩順利晉級，參加本月30日的港姐決賽，還有不到一星期，2020年度香港小姐冠亞季軍便會正式誕生。今日揭曉十強名單，十二名佳麗首度以三點式泳裝見傳媒，肥定瘦、豐滿定貧乳在鏡頭下，如照妖鏡一樣，大熱的廖慧儀是一名空姐同時是瑜伽教練，膚色同身型都屬健美型，故亦有一對肌肉有力的大腿，另一由頭帶到尾兼高學歷之一佳麗郭柏妍，美中不足是身材纖瘦更屬貧乳一族，而同為大熱的何孟珊、謝嘉怡樣子甜美，雖已努力減肥，但下盤強健，大大扣分。
篩走羅雪妍源菲然十強進入8月30日決賽
晉身十強的佳麗，有不少大熱之選，而出局的羅雪妍雖然在《港姐見工有問題》的才藝表演腹語令人印象深刻兼獲大讚，不過無論身型及外貌都明顯不及其他佳麗，未能晉級也是意料中事，而來自南非的源菲然雖有翻版Miki之稱，不過參賽以來表現未見突出，亦未能打入十強。而由頭帶到尾的「惹火空姐」廖慧儀，身材出眾又進取，《港姐見工有問題》節目中和汪阿姐打麻雀睇牌品，更令汪阿姐另眼相看，阿姐一坐落麻雀枱便刻意刁難三位佳麗，又一度行開，然後歸位時問到邊個出牌，廖慧儀醒目搶答：「應該到你Liza姐﹗」然後又直接問阿姐想要咩牌，獲阿姐大讚：「你有啲冠軍相﹗」主持之一的森美即問有冇機會入十強，阿姐即話：「梗係得啦﹗」有阿姐加持，廖慧儀順利入圍爭冠軍。
大熱謝嘉怡缺席拍戶外攝泳裝節目
《香港小姐2020》繼日前foul走六人，剩下十二位佳麗即將又會再進行篩選，最後留低的十位佳麗才可正式進入八月三十日的港姐準決賽。十一位入圍佳麗陳煦凝、陳楨怡、何孟珊、郭柏妍、鄺美璇、羅雪妍、廖慧儀、麥詩晴、謝恩靈、黃婉恩及源菲然，昨日(8月21日)身穿泳裝，乘坐遊艇在維港拍攝特備節目《港姐見工有問題》片頭，其中一位佳麗卻缺席外景拍攝。
長腿陳楨怡大熱
廖慧儀為腰間紋身解畫
廖慧儀日前與其他佳麗錄影無綫節目《姊妹淘》時，回應腰間有紋身一事，她指參選港姐時已申報，並謂此舉為紀念愛犬：「我養咗15年嘅寵物年初去世好傷心，當時仲做緊空姐，飛到英國就選了身體私密位置紋咗一朵花紀念。」
陳煦凝勁減30磅迎戰
樣貌標緻的陳煦凝，一向愛晒身材，其實她本為有肉地之人，今次選美前，更勁減30磅迎戰。
十一位佳麗炎夏穿著穿裝拍片，被密實泳裝埋沒好身材，而屬大熱之一的混血海外佳麗謝嘉怡，卻因身體不適未有出席。
早前篩走三人
上round被篩走的有寸嘴佳麗賴琦媛、甫士王侯嘉欣以及最後階段才加入的海外佳麗張盈悅，不過現場愁雲慘霧，個個變喊包。
賴琦媛衰寸嘴叼煙被foul
經過連日的網上投票，《香港小姐2020》日前再篩走三名佳麗，十二強佳麗誕生，而被指是大熱之選的賴琦媛Ivy，未知是否受參選以來先曾捲入整容風波，問答環節中又表現寸嘴，而有寸嘴Ivy之稱號，及後被影到扯煙後把煙頭隨街掉，回應時表示：「只是一時受不到朋友引誘」來否認是長期煙民，被指吸煙手勢純熟，又以「唔可以用手勢純熟來定斷煙齡長」一再否認長期食煙，有指因寸嘴本色貫徹始終，食煙影響形象而被foul。而另一被foul走的是兩星期前才加入的海外佳麗張盈悅Joyce，首次登場已被網民指身高太矮，寒背、走路姿勢差、似遊魂等，故被篩走也不無道理。
黑馬侯嘉欣出局個個變喊包
被指愈戰愈勇的侯嘉欣，連司儀陸浩明都大讚佢進步神速，點名睇好佢，不過卻未能晉級，在揭曉賽果前，侯嘉欣表現已相當激動，口震震眼紅紅表示不枉參加港姐選舉，當只剩她和謝恩寧二分一晉級機會，問到她會想邊個晉級，侯嘉欣激動表示：「我想大家都可以一齊晉級。」雖然最後落敗，但跟謝恩寧互相擁抱鼓勵，亦獲得其他佳麗安慰，而不少佳麗聽到侯嘉欣未能晉級都表現傷心，個個變喊包，影大合照時還未能平靜心情，司儀陸號話畀五秒時間大家冷靜一下，可見侯嘉欣和一班佳麗當中已贏得友誼。
晚裝示人好興奮
《香港小姐2020》上周突然out走三位佳麗，宣布十五名佳麗正式入圍，連日再密襲式出動，先接受Do姐大考驗，錄影節目《港姐有問題》，之後再首次穿上華麗晚裝拍攝宣傳短片，據知下周一將會再foul走三人，戰況會更加激烈。繼上周淘汰咗三位佳麗，《香港小姐2020》下星期一又會有新一輪淘汰，十五位佳麗喺被宣布有冇得繼續留低之前，日前著上晚裝拍攝宣傳片，今次算係入圍後最華麗嘅一次，難怪班佳麗心情都好興奮，不過因為愈foul愈多人，佢地都話呢日既心情有啲忐忑，個個都話同大家相處咗一段時間，如果被foul會好唔捨得大家，個個都希望自己有得繼續留低，不過世事冇咁完美囉!
上星期foul走三個，日前首次著晚裝拍攝宣傳片，佳麗表示開心又興奮。
美容編輯羅雪妍表示最擔心係好唔捨得一班佳麗，因為相處咁耐已有感情。
Do姐點名講Lisa
今年因疫情關係港姐所有進程都改喺網上舉行，早前十五位佳麗為《港姐有問題》錄影，睇個名都知又係Do姐鄭裕玲同農夫主持啦，佢哋要接受Do姐嘅智力大考驗，事前仲收到一本天書，要佢哋返屋企溫書做功課，錄影完節目，Do姐就大讚佳麗表現非常出色，事關有好多佳麗都喺外國長大，連睇題目都好困難，今次除咗考天文、地理、歷史，就連電視城餐廳個餐牌都要背熟，認真玩嘢!嗰日Do姐雖然話為咗公平唔公開點名講睇好邊位佳麗，但佢就話由蘇格蘭返港參選嘅Lisa謝嘉怡畀佢印象好深刻，咁咪即係間接點咗名囉!
