學電影對白氹男友 馮盈盈：我唔拍劇點養你？
撰文：東方新地｜圖片：新傳媒圖片、Instagram
馮盈盈：試過家用都畀唔到
問馮盈盈入行以來，收入都OK？無試過食少一、兩餐？佢直言：「點會無，人點會有一帆風順？人哋睇我係港姐冠軍、人生贏家，其實都唔係，好似選港姐嗰三個月係無業狀態、無收入，只可以摵大學期間嘅積蓄，更多嘅係要靠屋企幫手，例如買衫買裙買鞋。選完都好大開支，都繼續買衫買裙買鞋，同時間學唱歌跳舞做戲，都需要啲資本，即使有工作support，但家用都畀唔到，依家都夠使嘅，同埋都交到家用，我已經覺得好開心、好感恩嘞！當然唔希望停落嚟，希望努力工作，賺多啲錢，畀屋企更好嘅生活。」
拍劇方面，由《果欄中的江湖大嫂》、《白色強人》到《解決師》，係咪預期中咁順利？馮盈盈話：「全部都係surprise同bonus。我本身預期唔好鬧得咁甘，唔係差到『你以後唔好再出現！』我就心滿意足嘞！」
180324 Fantastic Four💫💫💫💫 😂 #果欄中的江湖大嫂 #破屋中的神奇四俠 #財仔格格不入的笑容十分符合人物角色性格 #大家都好入戲😂 #小狼女 #葡撻 #財仔 #孖八 #幕後花絮系列 #遲post好過無post
Crystal Fung（@crystalfyy）分享的貼文 於 張貼
180424 Vitals？ #白色強人 #方書婷 #CeciFong #喜歡在手術室開工 #因為不用弄頭髮 #化一半妝亦可以😂 #只是每天要跟無限量血漿豬心和豬肺搏鬥 #心血少d都頂唔順🙈🙈🙈
Crystal Fung（@crystalfyy）分享的貼文 於 張貼
180528 Purpose is the reason you journey. Passion is the fire that lights your way. #pleasekeepitup #白色強人 #方書婷 #CeciFong #warmyellowlight #pouringallover #lookingcozy #butsweatinglikecrazy #日日流汗排毒🤪 #北上拍攝的日子 #FYYinshenzhen 📸: @matthew_hokwongpui
Crystal Fung（@crystalfyy）分享的貼文 於 張貼
180922 一連5晚主景+06外景 完成 🤜🏻🤛🏻 #解決師 #ACE #ManSir #ATeam戰友 #還有幕後同事 #辛苦大家 #onemilestone #itsbeenalongweek #finallycomesabreak #TGIS
Crystal Fung（@crystalfyy）分享的貼文 於 張貼
言論同公司有共識
又問佢言論方面同其他嘅港姐冠軍好唔同，非常之大方、直接、坦白，公司有無意見？「選完出嚟，我都有諗過，我應該做一個點嘅港姐、個定位係點，我審視吓自己，發覺優雅、大方實在唔夠其他師姐，咁不如輕輕鬆鬆做自己好過，一定唔會做錯嘛，一定唔會畀人覺得『你扮斯文都扮得咁差嘅？』所以唔強迫自己改變，得到某啲人認同，都係surprise嚟。公司亦都無壓力，因為我呢個直接、坦白嘅形象一開始係喺《#後生仔傾吓偈》展露出嚟，事前其實都同節目嘅編審團隊傾過嘅，所以同公司係有共識。」
喺主持《#後生仔傾吓偈》時，因為對AV片種熟悉，被封「性博士」，係經驗豐富定資料搜集充足？馮盈盈答：「你唔好睇我喺節目任何話題都好似滔滔不絕，其實背後係有做資料搜集㗎，真係有做吓功課或者問吓朋友有無呢方面經驗，好似我喺節目講我嘅朋友，其實我係真係問過我啲朋友㗎！」
而講到同男朋友嘅相處，問佢哋參選前同當選後，價值觀有無唔同？互相對大家嘅嘴臉又有冇變？馮盈盈坦言：「梗係有，我參選前雖然有做兼職模特兒，但仲係學生嚟，嗰時價值觀唔同係，佢係全職嘅醫生，返工好忙，見住我成日放假、瞓到黃朝百晏，有時佢同我訴苦話：『其實做嘢真係好辛苦！一至六都要返工，得禮拜日可以休息。』我完全唔明，佢會覺得我完全唔了解佢。反而當選後，我終於有嘢撈嘞，叫做有工作，我終於明白佢多啲，明白有時有啲嘢身不由己，唔係想放假就放假，有時工作會好忙、好攰，唔單止身體上、精神上都好攰，有時會控制唔到情緒，特別down、發脾氣⋯⋯我終於理解到佢嘞，價值觀終於一致咗。」
令男友安心
娛樂圈係大染缸，又話好多飯局，男友有冇好擔心？馮盈盈笑言：「首先選港姐呢件事係佢提議，所以就算之後佢有啲擔心，我都可以回一句：『你提議嘅！』同埋實際我同佢溝通係好坦白，我哋嘅電話大家可以互相睇，佢見到我除咗工作之外，我都唔會多咗好多應酬交際，當然工作上同好多唔同嘅人合作，拍劇會有男對手，佢一開頭對於我要拍劇都有唔開心，甚至唔太鼓勵嘅，但當然有咁重要嘅機會嚟到，同佢分析咗利弊，譬如：『我唔拍劇點樣賺錢養？』咁佢都覺得應該要去做嘅，都會好放手同鼓勵。哈哈！但係男對手呢樣嘢都係解決唔到㗎嘛，好好彩so far合作嘅男對手都有女朋友或者太太，同埋要拍親熱戲我都會同佢講定，畀晒劇本佢睇，拍完又會同佢做一個好詳盡嘅賽後報告，甚至介紹埋藝人嘅朋友畀佢識，令佢安心。」
最後問佢有冇結婚時間表或者計劃？馮盈盈答：「So far未有具體，因為我仲覺得自己年紀尚輕，廿四歲咋嘛，都未去到急住嫁，大把市場、大把時間啦！但我同佢其實都有共識，都視佢為長遠伴侶、結婚對象。我覺得起碼同佢有呢個共識，先可以畀到安全感佢吖嘛，先解釋到我依家努力工作，都係為咗我哋將來著想咋，係咪先？」
訪問後，取笑馮盈盈竟對醫生男友說：「我唔拍劇點養你！」她即偷笑指此話其實改自《喜劇之王》中張栢芝的扯皮條男友所說的對白：「你唔做雞我邊有錢？我無錢點養你？」認真鬼馬又貼地。
馮盈盈由參選至今一直坦承有個十優醫生男友Martin，兩人的密照更不時在網絡出現。
馮盈盈首部劇集《果欄中的江湖大嫂》普遍評價不錯，都說她搶眼、演出自然。
《#後生仔傾吓偈》中馮盈盈言論大膽貼地，對自慰、AV等話題也極多見解發表，因而儲落一班年輕支持者。
訪問時提及任何話題馮盈盈都無顧忌，係非一般港姐！
