林夏薇分享與老公甜蜜相處之法迫對方睇啲咩戲？

Oct 21 2018

林夏薇之前因拍攝無綫劇集《逆緣》而獲觀眾們歡迎，不過人氣急升後就決定畀番多啲時間家人，而減少拍劇。今次同大家搵嚟林夏薇大談在國內所受演藝訓練、如何隻身來港由零開始，並細說欣賞丈夫的種種原因，及夫妻間甜蜜相處！

林夏薇係章子怡師妹

林夏薇於中央戲劇學院出身，同學院有章子怡、秦海璐、袁泉 ⋯⋯她指：「最近我返去見老師，都見到章子怡。」對於在香港發展，她認為是一個緣份：「因為我拎香港身份證，老師就覺得我其實可以試吓喺香港發展，加上香港演藝學院有嚟學校同我哋交流，嗰時香港話劇團有部戲招緊女主角，問我有無興趣，所以我就返咗嚟。」

雖然林夏薇家庭背景好好，但原來她指：「由細到大屋企教育我哋都係靠自己，大學嘅時候我都會拍吓廣告、雜誌，家用方面賺得多咪畀多啲，賺得少就畀少啲，可能嗰時我一個月只係畀五百蚊，但都係我對屋企嘅心意同責任感。」

拍劇林峯有畀意見

林夏薇是林峯堂妹相信無人不知，但對於她來說這並不是一個壓力來源，她表示：「我其實無諗咁多，亦覺得無所謂嘅，的確係因為人哋知我係佢堂妹，而多咗人認識，我希望可以通過自己嘅努力同埋時間係可以證明一切嘅，我覺得觀眾嘅眼係雪亮嘅!」

至於會否與堂哥林峯討論演戲經，她指比較少：「仲未入行，可能見到佢會問吓，佢有時會畀吓意見。入咗行之後就少啲，因為佢都好忙，我亦都有自己忙嘅時間，同埋有老師、同學，多咗人可以問。」

林夏薇認「林峯堂妹」這個身份的確令她在初來港發展時加速了知名度。 — 認「林峯堂妹」這個身份的確令她在初來港發展時加速了知名度。

林夏薇在《乘勝狙擊》露白滑肌膚及鎖骨，獲網民大讚。 — 在《乘勝狙擊》露白滑肌膚及鎖骨，獲網民大讚。

林夏薇於訪問中透露自己曾經於北京做過臨時演員，指：「試過拍嘢拍咗全日，連三十蚊酬勞都畀人呃攞唔到，但我都係覺得有機會就去嘞、就好開心，覺得係發揮、學習嘅好機會。」

對於有傳她退出娛樂圈，林夏薇斷言強調無這樣說過，指：「自己又有家庭，又有自己嘅生意，比較少有自己嘅私人時間，要畀番少少時間屋企人，例如我先生成日都話返到屋企，又見我唔到，希望多啲時間陪吓佢，陪佢做嘢，陪吓父母。」

林夏薇林夏薇身形骨架一向纖細，而且從不用節食減肥，「我食好多嘢㗎!」果真得天獨厚! — 林夏薇身形骨架一向纖細，而且從不用節食減肥，「我食好多嘢㗎!」果真得天獨厚!

林夏薇常有淡出新聞傳出，外界亦普遍認為她嫁得好唔憂做，「唔係，你真係要幫我澄清吓，book多啲我做嘢!」 — 常有淡出新聞傳出，外界亦普遍認為她嫁得好唔憂做，「唔係，你真係要幫我澄清吓，book多啲我做嘢!」

爆陳家樂曾驚《逆緣》腰斬

林夏薇於無綫劇集《逆緣》講日文令唔少觀眾感到驚喜，她表示自己是為該劇特地學日文，並且之前完全不懂，她說：「因為知要演講日文嘅角色，我都有啲擔心，但我又覺得好刺激，覺得又可以學多樣嘢，我搵老師，喺兩個禮拜內學咗五堂，之後公司都有安排上堂，我就雙管齊下兩邊都學。」

林夏薇《逆緣》中的中日混血兒角色，甚受網民歡迎，而網民似乎特別喜愛林夏薇戴眼鏡。 — 《逆緣》中的中日混血兒角色，甚受網民歡迎，而網民似乎特別喜愛林夏薇戴眼鏡。

同時，她指自己私底下會同陳家樂傾角色，說：「傾點樣塑造兩個人嘅 CP( 配對 )會好啲，都有信心嘅，我覺得只要自己努力，唔需要去諗咁遠，佢成日同我講好驚，驚套劇會腰斬，我話:『你都無時間可以瞓，你仲要諗咁遠?』」

林夏薇《逆緣》中，林夏薇與陳家樂飾演一對情侶。 — 《逆緣》中，林夏薇與陳家樂飾演一對情侶。

大讚老公博學又貼心

林夏薇指自己最鍾意做戲，而生意她說：「其實都係喺婚後先至開始多咗接觸，都係一個新手，都係學習嘅階段。」笑言老公沒有無限量打本給她做生意，只有精神上有無限量的鼓勵。

林夏薇表示老公在生意方面是她的前輩，說：「會問吓佢呢方面嘅意見，我有好好嘅partner嘅，佢哋有做飲食方面嘅經驗，我都好相信佢哋，亦都做得好好、好放心。」至於生意上賺了幾錢，她則指沒有計過，只知生意慢慢上軌度。

林夏薇經營點心及火鍋生意，分店愈開愈多，她指多得遇到好的拍檔。 — 經營點心及火鍋生意，分店愈開愈多，她指多得遇到好的拍檔。

對老公讚不絕口

林夏薇於訪問中表示老公為人比較指醜，說：「佢一向唔係好鍾意人影佢，佢比較低調，但依家都已經進步咗好多。」她更指自己是個識煮飯的太太，坦言：「佢浪漫過我，佢會好貼心去照顧，同埋我最欣賞呢個男人係佢事業方面每次都可以令我覺得呢個係全新嘅佢，佢唔單止做生意叻，原來喺學識方面都好博學，會講歷史、化學乜嘢佢都可以同你講到，呢個都係我幾欣賞佢嘅地方。」

林夏薇林夏薇經常開心 share出海泳照派福更笑指老公是其御用攝影師。 — 林夏薇經常開心 share出海泳照派福更笑指老公是其御用攝影師。

林夏薇都以為林夏薇低調，少談婚姻生活，豈料她講及丈夫莫贊生時滔滔不絕，一臉崇拜，冧樣盡現。 — 都以為林夏薇低調，少談婚姻生活，豈料她講及丈夫莫贊生時滔滔不絕，一臉崇拜，冧樣盡現。

幾時生BB？

林夏薇坦言自己以前經常會催自己快啲有小朋友，：「發現我哋真係太忙嘞，當然有BB係好開心嘅，但有咗小朋友，點樣拍劇呢?無理由拍一半唔拍，所以依家諗住停一停，調理吓身體先，隨緣啦！」

林夏薇喜歡小朋友的林夏薇，之前見到徐榮個女包包愛不釋手，對於被麥玲玲師傅批有機生雙胞胎，林夏薇話 :「一仔一女梗係好啦！」 — 喜歡小朋友的林夏薇，之前見到徐榮個女包包愛不釋手，對於被麥玲玲師傅批有機生雙胞胎，林夏薇話 :「一仔一女梗係好啦！」

被問到有冇俾老公禁拍親熱或者性感戲，她指：「我從來都無諗過佢會唔會介意，我仲要迫佢睇，對於我嚟講，係我嘅工作，佢又知道我係好努力去準備我嘅每一個角色，我成日話『今晚呢個你同我一齊睇!』佢會話:『你係咪變態㗎?成日叫我睇你嗰啲親熱戲!』但對於我嚟講，唔係咩親熱、亦無咩感覺。」

林夏薇為生仔做足準備

林夏薇遇富愈富，有指婚後即穩袋兩億家用，仲有車有樓揸手，現與老公同住山頂獨立屋，閒時坐自家遊艇出海，生活寫意，不過莫贊生經常飛外地工作，一個人住咁大間屋，都係時候為獨立屋添個小主人。據知林夏薇老公婚後已心急想生仔，不過見老婆事業剛有起色，他亦願意讓步，不過年紀愈大生仔壓力都愈大。

林夏薇日前林夏薇拖埋老公莫贊生出席林子善的婚宴，與堂哥林峯齊跟一對新人合照。 — 日前林夏薇拖埋老公莫贊生出席林子善的婚宴，與堂哥林峯齊跟一對新人合照。

為了一擊即中，林夏薇近半年不停操弗自己，時刻保持最佳狀態，兩夫婦不時在獨立屋內的自家健身室做運動，知情者說：「之前薇薇一路拍劇搞到身體好差成日病，依家套劇終於煞科，佢就成日做運動又去睇中醫keep住調理，兩夫婦仲一齊去做身體檢查，大人健康啲，生出嚟嘅BB就更加健康啦！」

林夏薇拍無綫劇日以繼夜辛苦到爆，林夏薇試過連續一星期每日只休息兩至三個鐘，體力透支令健康變差。 — 拍無綫劇日以繼夜辛苦到爆，林夏薇試過連續一星期每日只休息兩至三個鐘，體力透支令健康變差。

林夏薇與蕭正楠拍的新劇《十二傳說》日前終於煞科，林夏薇即準備停工生B。 — 與蕭正楠拍的新劇《十二傳說》日前終於煞科，林夏薇即準備停工生B。

被批生龍鳳胎

早前林夏薇為新劇《逆緣》做宣傳，活動上麥玲玲師傅為眾人測字指點迷津，林夏薇以「明」字問添丁，麥玲玲指她今年報喜機會高，更可能懷上龍鳳胎，她即場開心回應：「希望承師傅貴言，龍鳳胎梗係好。我哋好鍾意小朋友嘅，好想生3個，不過都要睇緣份，我同老公各有各忙，見都冇時間，好似同屋住，所以我拍完《十二傳說》後會休息一段時間，可以多啲陪屋企人。」林夏薇所講的停工是指不再接劇，即使陀B成功，亦會照樣接其他工作及打理食店生意，不過一切都以生仔行先。

林夏薇早前林夏薇與老公莫贊生由司機接載離開位於山頂的獨立屋。 — 早前林夏薇與老公莫贊生由司機接載離開位於山頂的獨立屋。

老公陪出入

結婚兩年半，林夏薇與莫贊生仍像熱戀，雖然因為工作不是經常見面，但二人都珍惜相處的時間，不時互氹為日常生活增添情趣。早前本刊記者直擊夫婦二人由司機接送到中環，林夏薇去髮型屋恤髮，莫贊生就到附近閒逛等老婆，二人甚有默契。嫁入豪門非易事，要同富豪老公講心又講金就更加難，不過林夏薇兩樣都做到，現在停工生B，老公仲畀獎金，一億都當係碎銀，絕對是人生大贏家。