中學入行做Model 王敏奕：試過戶口一百蚊都冇！

藝人專訪

CentralEditor_OS

May 27 2018

王敏奕 (Venus) 近年事業得意，感情生活都好甜蜜，不過，王敏奕也並非冇捱過，她接受本刊訪問大方分享她的入行歷程、跟男友的相處，又大談對「未來老爺」曾志偉的感覺。Venus話剛出道工作唔多，收入少到「試過戶口一百蚊都冇！」

撰文：東方新地｜圖片：新傳媒圖片庫、王敏奕IG

王敏奕脫貧演最索女飛虎

TVB播出與邵氏及優酷合拍的《飛虎之潛行極戰》，演員陣容鼎盛，包括有苗僑偉、黃宗澤、吳卓羲、張兆輝及王敏德多位猛男主演，而王敏奕就係飛虎隊唯一一個女隊員。今次王敏奕放下一貫斯文靚女的形象，親身上陣拍攝大量動作場面，叻女！

王敏奕中學做model入行

原來王敏奕中學時已開始入行：「如果part time影相開始計係15、16歲時 (其實係06年14歲時)，中間返學都有停吓。之後發展都順利，同埋每年都好似有啲新嘅嘗試、挑戰，由初初part time影相到後來有機會拍電影，拍完之後覺得好開心、好鍾意，我就諗不如試吓用呢個做自己職業，一路用咁嘅心態行，我一路用一個積極準備自己、然後順其自然嘅心態，同埋演員始終比較被動，好多嘢冇得強迫或者強求，只可以不斷備戰，希望機會嚟可以把握到。」

王敏奕期唔期望同男友曾國祥再合作拍電影？王敏奕表示順其自然：「我識佢之前，睇《飛虎出征》、《機動部隊-絕路》，真係覺得佢係好好嘅演員。 — 期唔期望同男友曾國祥再合作拍電影？王敏奕表示順其自然：「我識佢之前，睇《飛虎出征》、《機動部隊-絕路》，真係覺得佢係好好嘅演員。

問到入行以嚟，有冇唔開心或者遇到挫折嘅時候？王敏奕答：「當然有，因為演員係好被動，成日喺度等畀人揀嚟用，我同其他演員朋友傾偈分享，大家都有共同問題，就係今次casting冇揀我，係咪因為我唔好呢？但慢慢會學識發現每個角色都有適合嘅人，今次冇揀你唔代表你唔好，只不過你未係最適合嗰個角色嘅人，心理要不斷去調節，好彩我身邊有一班好姊妹，大家都係做演員，大家都明，會互相去扶持。」

王敏奕王敏奕曾跟男友曾國祥合拍廣告，不抗拒情侶檔工作：「都冇乜所謂，都開心嘅，唔好話男朋友，甚至乎同好朋友做嘢都會特別開心，工作嘅時候，有個熟嘅人喺隔籬，都會覺得特別enjoy、開心。」 — 王敏奕曾跟男友曾國祥合拍廣告，不抗拒情侶檔工作：「都冇乜所謂，都開心嘅，唔好話男朋友，甚至乎同好朋友做嘢都會特別開心，工作嘅時候，有個熟嘅人喺隔籬，都會覺得特別enjoy、開心。」

試過戶口冇錢

搵唔搵到食？夠唔夠自給自足？王敏奕表示：「自給自足係冇問題嘅，當然有辛苦嘅時候，演戲唔係成日都有得演，同埋演員一開頭都未必搵好多錢，都試過朋友約出街食飯，連搭車出去嗰個地方嘅錢都冇，銀行戶口要有一百蚊先攞到出嚟，但連一百蚊都冇，都有呢個時候，咪留喺屋企囉！」

14歲開始幫補家計

王敏奕自小與家人住在柴灣公屋，與曾國祥拍拖後一直同居。早前本刊記者曾拍得王敏奕在柴灣公屋出入，幫手湊尚在讀小學的細佬及幫母親去超市入貨。話說王敏奕身為家中長女，14歲就開始搵錢幫補家計，照顧同母異父的細佬。近年佢搵錢多了，家人生活有所改善，去年亦有請母親及細佬去日本旅行，係圈中出名的孝順女。

2010年拍過講援交嘅電影《囡囡》之後，係咪都可以接受一啲大膽嘅題材？王敏奕說：「我覺得演員就係會不斷遇到一啲特別嘅戲，電影就好似dream work、fantasy，亦都可以好貼近社會現實，如果喺一套戲發生，而嗰套戲係需要你，我覺得作為一個演員，唔應該計較太多，暫時都未遇到一個要諗除唔除嘅難題。」

王敏奕王敏奕認為若需要拍性感戲，身為導演及演員的男朋友曾國祥會能夠理解：「佢拍《七月與安生》都要求個女仔除剩個bra啦！我諗佢作為一個導演都好明白一套戲，有呢啲場口真係需要、值得去露。」 — 王敏奕認為若需要拍性感戲，身為導演及演員的男朋友曾國祥會能夠理解：「佢拍《七月與安生》都要求個女仔除剩個bra啦！我諗佢作為一個導演都好明白一套戲，有呢啲場口真係需要、值得去露。」

冇收服曾國祥

問佢同男友曾國祥點開始？王敏奕笑言：「我同佢一齊拍過《囡囡》，但拍《囡囡》時，我係唔識佢，因為戲入面唔係同一條線，後來發現原來首映嗰陣一齊影過相，之後喺電影節同拍戲時識佢，再互相了解，覺得佢幾好吖，好自然就開始。」而對於被指收服以往形象花弗嘅曾國祥，王敏奕則說：「我覺得我冇收服佢，佢本身都係一個好乖嘅人！可能係隨住年紀增長settle down。」

王敏奕王敏奕跟曾國祥感情穩定，經常恩愛出席公開場合。 — 王敏奕跟曾國祥感情穩定，經常恩愛出席公開場合。

而講到男友嘅優點，王敏奕就讚不停口：「我覺得佢係一個好有氣質嘅人，哈哈！我欣賞佢有才華、對朋友好好、好有義氣，甚至乎佢有時會話我冇義氣，有時我同佢講：『我約咗人，但我又想陪你喎，咁點？』佢會話：『你唔好咁冇義氣啦！出去啦！』哈哈！佢唔會刻意製造驚喜，但佢覺得我會開心嘅嘢佢就會做。」

Always 💘
V E N U S ♡（@wongmanyik）分享的貼文於 PDT 2018 年 5月月 20 日上午 3:57 張貼

志偉一視同仁

問到對「未來老爺」曾志偉嘅印象，王敏奕就表示：「係好好嘅一個前輩，對所有後輩都好提攜，係一個好好嘅人、非常值得尊重嘅前輩、老人家。」問佢上過《獎門人》，志偉有冇特別優待佢？王敏奕笑言：「如果你睇番，你都知冇吖，哈哈！佢好識面對所有娛樂圈嘅嘢，基本上佢對所有嘢都一視同仁，唔淨止我，對Derek都係！」

王敏奕王敏奕同曾志偉合作過電影、電視劇，又是未來新抱，但上《獎門人》節目，未獲「未來老爺」志偉厚待。 — 王敏奕同曾志偉合作過電影、電視劇，又是未來新抱，但上《獎門人》節目，未獲「未來老爺」志偉厚待。

對曾寶儀又有咩印象？王敏奕大讚：「佢好犀利，我都有細佬，我都覺得我細佬好buy我啦，但我見到Derek望住佢家姐嗰種仰慕嘅神情，我覺得『嘩！呢個家姐真係犀利！』，佢好叻、好叻，係一個好有才華嘅女仔，我諗佢對Derek嘅影響都好大，好少見佢咁在意一個人嘅comment，Derek成日都講：『我家姐真係好叻！』佢真係好欣賞佢家姐。」