90後感概快30歲仍未置業 網民：「完全睇唔到將來！」

原文刊於：東方新地 | 圖片：連登討論區

90後感概快30歲仍未置業 網民：「完全睇唔到將來！」

原來當年青春無敵，日日蒲K房、網吧、影貼紙相等等嘅90後都就快30歲（1990年出生的都28歲）。有網民就喺連登以「原來90後嘅你都就三十歲」為題出Post，內文就感概畢業後無晒朋友，日日返工放工，儲錢唔知為咩，因為點儲都買唔到樓，仲問大家過得點，有咩目標。

有巴打話啱啱出嚟做嘢，覺得好辛苦。

有人留言話90後係垃圾，大家又認唔認同先？

有網民就覺得喺香港無希望，好想離開呢一到，唔知生存為乜。

不過有人就表示已經上咗岸（有樓），即刻引嚟其他網民問買樓方法！有人仲話：「無父幹點買樓？」不過上咗岸嘅巴打回應得好玄，話：「係你嘅嘢始終會得到。」