港女公然炒月餅劵 網友火起：你自己食L晒佢！
原文刊於：環球膠報｜圖片：Lihkg.com
流心奶黃月餅都有得炒？
近日有巴打於討論開Post，大力鬧爆嗰啲連月餅都炒嘅人，竟然猖狂到連月餅呢啲節日食物都唔放過，會唔會遲下新年炒埋年糕、瓜子？早兩年就有位J小姐喺Facebook群組以炒價出售月餅劵，唔同日子唔同價！
其實小編睇到呢度真係有啲心痛，想食個月餅應節啫，咁都要炒一餐？
炒月餅劵引發網絡大戰
呢位J小姐喺Facebook以炒價出售月餅劵，被一位網友鬧爆後仲惡人先告狀，反指人哋違反版規。不過呢位網友完全唔驚佢，J小姐最後投降敗走，仲熄埋留言功能。
花生友表示：
你話乜樓呀波鞋呀演唱會飛呀，需求大過供應炒得起都好合理，但月餅都炒埋一份係咩玩法呀？
