YouTuber Kenny自揭悲慘身世 爆母親紅杏出牆兼好賭：老竇買樓你仲搵契家佬
新晉YouTuber Kenny IG發疑似「偷拍相」
近日爆紅的YouTuber Kenny（頻道：Kenny Chan (2022一定要得)），經常在IG分享自拍照，拿起飲品、食物乜都影一餐，留言更會寫上價錢向粉絲分享個人生活。不過日前（8月10日）Kenny發布了兩張懷疑偷拍相片，照片中Kenny在扶手電梯上自拍，身後有一名熱褲少女背向鏡頭，而第二張就單純只有熱褲少女的背影。
Kenny fans留言力勸：收手啦！生性啦！
YouTuber Kenny IG帖文一出後，有fans留言擔心Kenny會因為該疑似偷拍相被IG封鎖，甚至因而入獄，不少人留言叫Kenny「唔好」、「生性」、「收手」，希望Kenny不要再偷拍。
新晉YouTuber Kenny身世可憐 拍片大爆父母離婚真相
Kenny在YouTube界極速竄紅，他與母親互動的實況影片內容精彩，令網民捧腹大笑。Kenny母親每次現身在會影片中都會大嗌口頭禪：「信耶穌啦！」她更曾分享過自己受邪教「李皮教」影響，差啲中伏！
Kenny爆母親紅杏出牆：我老竇買樓你，你仲搵契家佬
Kenny近日一段直播影片中，與母親同枱食飯。當中Kenny提到：「我老竇買間樓俾你住，你仲搵契家佬返嚟住，幾鬼賤格。」言語間透露Kenny父母離異的情況。Kenny再補充：「層樓我老竇㗎，你就帶個男人返嚟住。」他又對母親說：「我有自閉症都係因為你！」之後Kenny母親則回應：「你咪去嗰度住囉！」更揭露Kenny在細細個更已經被母親棄養，由細就跟姑媽住。
Kenny慘遭母親新歡傷害
Kenny更分享自己在家中被母親新歡傷害，他說：「攞衣架打我，仲要打到我隻腳瘀晒。」Kenny母親回應指：「你哋快啲信耶穌啦，我唔應該生出嚟。」又不斷重覆：「你哋信耶穌啦，我唔想多講喇。」Kenny立即反駁：「咁你又講！耶穌會唔會幫你交租，啲租我教㗎！」母親在影片後段中提醒觀眾「唔好亂搞男女關係」不過Kenny又再反駁：「你咪亂搞男女關係！」不過母親則澄清是因為當時未相信耶穌，現在已經知道有罪，所以改過自新。
Kenny對父母態度大不同
Kenny影片中經常與母親針鋒相對，但與父親相處卻十分和諧，態度截然不同。對父親的態度明顯好很多，而母親每次都會變成鬧交。Kenny與父親交談期間，二人呻母親不顧家務，又愛賭博敗盡家敗，Kenny仲話：「掛住打牌，又唔買嘢畀我食！」有網民直言Kenny是一名愛恨分明之人，而且都十分叻仔，家中的租金都是由他一力承擔。
