女網友約男生食飯堅持「付一半」 網民：好創新嘅AA制！

撰文：東方新地｜圖片：爆廢公社、新傳媒圖片庫

女網友約男生食飯堅持「付一半」網民：好創新嘅AA制！

最近，台灣有一位男網民喺Facebook群組發文，指自己啱啱識咗一位女生，同時又想請對方食飯，點知女方堅持要俾一半食飯錢，「不能全部讓我請！」，呢句令男網民當下非常感動，心諗「能這樣替人想的，真的很稀少，卻讓我遇上了」！

點知呢位女仔喺埋單時拎出咗一支紅筆，將佢所謂嘅「AA制」發揮得淋漓盡致，原來佢將帳單上$1,243台幣（約港幣$316）用紅筆將「12」同「43」劃開一半，再喺口袋入面霸氣地拎出$43蚊（約港幣$11），再叫男網友付$1,200（約港幣$305），真係超創新嘅「AA制方法」！

好多網友睇完都話要學呢招新嘅「AA制」，亦有人笑言「可以娶了」！

雖然唔少人都話今次大家都長知識，但亦有心水清嘅網友就指出女方明顯係想做朋友，先至會咁做。不過無論係點都好，相信呢個咁創新嘅「AA制」都令唔少人大開眼界！

延伸閱讀：

網民約女食飯食呢啲 秒速皮已收⋯⋯

事情是咁的，早前有位巴打就喺連登出Post「中秋節約女仔食飯衰咗」，原來呢位巴打喺中秋嗰日就諗住約女仔出街食飯，點知⋯⋯

啲巴打點睇？？

係呢！食飯定食月餅？

延伸閱讀：

戇直男一句自殺式回答辣㷫女友

最近，有位台灣男網友喺討論區發文，兼上載幾張與女友嘅對話截圖，佢留言指：「我說錯什麼了嗎？在線等。急。完全不理等。」表示自己唔知係咪對女友講錯咗啲咩！睇留呢位男網友上載與女友嘅對話截圖，見到其女友問佢「你歷任女友有比我漂亮的嗎？」係男士一睇到呢句都心知不妙啦！

但樓主就直接答「我忘記她的名字了」樓主女友睇到呢個回答，都有再追問試圖俾機會男友，可惜樓主依然唔識趣，繼續答自己唔記得前度個名，故令女友怒火中燒，最後只回覆六字真言「很好，再見，晚安」再加一個「反白眼」嘅表情！

結果，呢位豬樓主終於「恍然大悟」，即刻向女友認錯兼表示「最漂亮的是你」，惟女友只簡單回應一句「你可以去吃屎了」之後記再無理會樓主。

據知，樓主女友第二日都仲未下火，仲諷刺男友指「你前女友比較正」，「你是真笨還是假笨」，當然樓主只好一直「耍冧」認錯，求女友原諒啦！

二人嘅對話截圖內容一放上網就馬上引嚟大家嘅熱烈討論，有人就恥笑樓主點解可以咁蠢，咁都唔明女友想要嘅真證答案。

有網民就教樓主點樣氹番對方，提供一啲解救方法，稱可「拍張你左手的照片去補救一下，照片名稱：『最美的前女友』」希望博得女友一笑而原諒，認真搞笑！

可能當局者迷，旁觀者清嘅關係，好多網友嘅留言都睇得出大家都好心水清，知道樓主女友想要嘅其實係嘅咩答案，可惜大家都唔係呢位「醒目」樓主！

同時，亦有人給予「神級答案」，提議樓主即刻提出分手！不過，相信樓主都唔會敢咁做啦！

言而，真正嘅神級答案相信就係以下呢位網友啦！呢位網友指當女友問為什麼時，便回答：「我的記性不好，因為我要記住你我全部美好。我只記的你是最漂亮的！」如果樓主一早識咁答，其實咪咩事都冇囉！