同港女阿媽旅行超難頂　巴打連載七日東京煩膠事蹟

原文：娛聞樂｜圖片：新傳媒、Instagram

同港女阿媽旅行超難頂　巴打連載七日東京煩膠事蹟

巴打一開始就利申：「講明先，我唔係唔愛我老母，只係有時真係頂唔順佢啲思想同行為。」

呢位巴打想盡一盡孝道，但係阿媽不停港女格盡現，搞到佢忍唔住要將自己同阿媽嘅拉鋸戰擺上網，即刻吸引到好多巴打留言。

阿媽咩都唔食

阿媽話海鮮、Shabu Shabu、拉麵、燒肉通通唔食，巴打：「咁你成程去食中華料理算啦！」

聽完想死系列之：「又話啲日本人好細粒嘅？」

有網民表示：「希望樓主唔會忍唔住殺左你老母。」

有網民就提議叫巴打「帶你個港女老母去靖國神社，一招ko佢！」

推到變每日連載

巴打一開始都係諗住呻下，估唔到咁快俾人推上熱門，所以佢就keep住連載自己同港女阿媽嘅對話。

聽完想死系列之：「我寧願去超市買個便當食啦！」

真係隔住個mon都feel到呢位巴打嗰種壯烈犧牲嘅感覺。

有網民都有類似經驗，於是呻埋一份，真係同是天涯羅樂林。

係一眾網民各自呻完之後，巴打就繼續連載佢同港女阿媽之間嘅對話，話阿媽暫時正常發揮。

去日本食吉嘢家，同喺香港食魚蛋，兩者真係好有異曲同工之妙啊～

聽完想死系列之：「北京好好多囉！中國好好多囉！」

仲有網民分享自己點解決呢啲問題。

去到最後，巴打表示同港女阿媽走失咗。呢個時候巴打電話仲要冇乜電，超級驚。

幸好，佢地玩咗一個鐘緣分遊戲後終相遇，不過巴打就經已嚇到傻咗。就係呢個時候，巴打發現其實就算自己媽媽幾港女、幾煩膠都好，佢都係好愛媽媽，所以佢最後決定唔再連載。完。