送禮後即被撇 「補給兵」嬲爆公開混血女相
廣告
其實追女仔除了誠意之外，送吓小禮物氹女方開心無可厚非！不過，最近有位仁兄，自稱向心儀混血女送衫、手錶同袋後，以為諗住得米，點知混血女只當佢係一隻兵，仲要係補給兵喎！補給兵如夢初醒嬲爆，於是公開混血女相，實行大報復！
補給兵公開對話內容
由於不忿使咗錢後，未能奪得混血女芳心，於是補給兵喺網上公開二人對話內容！補給兵指普通朋友點會咁闊綽又送衫又送手錶同袋俾女性朋友，而混血女居然回應指以為對方鍾意送禮喎！補給兵終於知道被當傻仔後，諗住發火鬧爆對方，點知混血女先下手為強，叫補給兵以後唔使搵佢，即係連上訴發洩機會都冇呀，陰功！
相中可見，呢位混血女外形不俗，擁有一把長長秀髮，皮膚白皙，仲有40吋長腿！而且瓜子面鼻高高，笑容甜美，難怪補給兵被迷倒！而混血女於IG自稱19歲、5呎7吋高，兼有四分一西班牙血統，仲疑似喺某外國品牌服裝連鎖店上班！
混血女生活照被曝光
花生友兩邊都唔幫
而大部分花生友認為，補給兵同混血女都唔抵幫，指出收兵好正常，而且一個願打一個願捱，當交學費喎！
亦有網民自爆曾當過兵，感同身受！
另有網民指「鍾意收兵嘅女仔係乞人憎，但亦睇唔起甘願做兵嘅男仔」喎！
延伸閱讀：機艙除衫 忘情自摸 索空姐瞬間被起底
