熟睡男被拐杖狂敲腳逼讓座 反問一句成功拒讓老伯！

撰文：東方新地｜圖片：新傳媒圖片庫

熟睡男被拐杖狂敲腳逼讓座

事源有一位台灣女網友喺網上群組發文，指自己返工途中遇到有老伯上捷運後，不斷用拐杖敲一名男乘客嘅腿，同時要求對方讓出博愛座，並指「博愛座就是給老人坐的，你坐在這裡對嗎？」，呢個問題問得相當好！

之後嗰位本來瞓梗教嘅男乘客就被老翁嘈醒，於是就同老伯講：「博愛座是給有需要的人坐，我剛爬山回來真的很累，為什麼不能坐？」，於是兩個人就為坐博愛座而嘈起上嚟！

反問一句成功拒讓老伯！

呢位老伯就大聲斥罵：「是你自己要爬的，關我什麼事？爬山會累就不要爬，坐什麼博愛座。」，而男乘客就憤而霸氣反問老伯：「法律有規定博愛座是給老人坐的嗎？沒有，我為什麼不能坐。」，即時當場令老伯無聲出！

其實如果嗰位老伯一開頭有禮貌啲問對方可唔可以讓座，或者事情就會變得相對簡單。可惜，最終因老伯態度惡劣及毫不尊重他人咁用拐杖敲男乘客嘅腳，而令事件變得不愉快。

打工仔唔讓座俾細路仔被睥

讓座俾老弱傷殘、大肚媽媽，都尚且講得過去，但係小朋友明明精力過人，幾時成為「弱勢社群」㗎？連登巴打都有呢個疑問：「點解而家變到要讓埋座俾細路?」說話佢有日返工搭地鐵，見有位座就座下啦，咁啱佢對面有一對母子，個小朋友扭計要坐，之後個阿媽就「睥」住樓主，點知樓主隔離嗰位讓座，個細路一聲唔該都冇就坐落去，然後佢阿媽就繼續「睥」住樓主示意佢讓位！雖然佢最尾都冇讓到，但就覺得呢個社會已經痴咗線！

點解可以咁「老奉」？細路仔真係大晒？「小朋友企得多唔好」真係有科學根據？話人牛高馬大同細路爭位坐，呢句說話真係難聽過粗口！

個仔係你自己嘅，點解可以將個責任推俾人？人哋上車先㗎！邊有同你個仔爭？

呢位巴打真係好勇敢！香港真係太多道德塔利班。

細路仔行得走得跳得，點解要讓座俾佢？係本世紀最大迷團！

細路扭下計就有得坐，同扭計買玩具異曲同工。

會唔會係父母嘅教育出咗問題？

呢位巴打就公道喇！應讓則讓，唔應讓就唔讓！

團結就是力量！一齊唔讓！

地鐵無讓座

之前喺內地武漢地鐵車廂，大媽一上車就見到少女冇讓位俾佢，就話佢「沒素質、不懂得尊老愛幼」。少女就駁嘴，激到個大媽火都嚟！

估唔到佢就真係郁手打人，一路扯少女起身。一路扯，衫都甩！

隔離嘅男乘客去阻止佢，但佢一名書生，又點夠大媽嚟。

大媽拉扯少女成分鐘，連少女嘅Bra都甩埋，走晒光！非常誇張！結果，終於有幾名乘客一起幫手拉開大媽。

.