網民：他朝君體也相同! 新抱咒罵同住奶奶反被鬧毒婦
廣告
結婚最怕咩？結婚除咗怕離婚，就係要同奶奶一齊住啊！近日有一女子在Facebook群組發咗篇文，一路數佢奶奶嘅不是，怨氣爆棚，惡毒句子充斥成篇文，仲用啲4個詞語形容佢GE奶奶：「古老石山、 腦殘閉塞 、思想古舊 、人蠢無得醫」，引起網民關注呢個毒婦新抱。
撰文：東方新地、STELLA ｜圖片：Facebook、劇照
新抱咒罵同住奶奶反被鬧毒婦
呢篇文出現於Facebook群組「同住奶奶好惡頂」，一開頭已經用三個四字詞加上五個字形容自己奶奶：「古老石山、腦殘閉塞、思想古舊、人蠢無得醫」，打 post都要做個狠毒嘅概括，已經開左個怨氣爆棚嘅頭啦！
睇翻篇文，文中奶奶都幾多管樓主嘅生活事，由文中所見，佢不滿新抱坐月，話自己「以前生完第二日就落田做野，邊有而家咁幸福」，夜晚「未到9點就熄燈」，理新抱早餐食啲咩，話新抱個仔抵抗力差成日病，但自己病又唔戴口罩唔睇醫生，七月鬼節唔比新抱同個仔出夜街，又理新抱點樣教仔，新抱狠毒咁話「你鐘意有本事就自己生多個出黎教，你生到先算！」
對於呢個毒婦新抱嘅post，唔少網民都覺得呢個新抱好狠毒，真係「最毒婦人心」啊今次，又話佢把口好衰，自己都有仔女，應該積吓福，仲講「他朝君體也相同」添，認真好笑。
亦有留言話樓主應該要睇吓心理醫生，覺得樓主心理有問題。
亦有啲留言看似比較客觀，話人老之後都會係咁，鬧人解決唔到問題。又或者話建議佢奶奶翻鄉村養老。
有得網民則看得出樓主只是在呻吓發洩吓。不過又係嘅，生活上大大小小壓力實有，唔適當發洩真係好易有病，希望樓主本身個人應該都唔係真係咁狠毒！
