的士司機 疑無良出招呃人 台妹遊客中招
廣告
各位巴打絲打去旅行最怕咩？相信就最怕俾人呃，頂住度氣！日前有遊客喺一個關於香港旅遊情報的專頁開po，表示自己好似俾香港的士司機呃… 近年的士司機名聲愈來愈差，到底係咪樹大有枯枝呢？
疑無良的士司機兩宗罪
話說有位台妹遊客開po，表示佢由太平山落山去蘭桂坊，個司機收咗佢380蚊，找錢嗰時又找夾咗張奇怪500蚊，所以問問大家自己係咪被騙了。
首先，太平山落山使唔使380蚊已經係一個問題，因為大家都心中有數，跟錶計應該不唔會係咁貴。所以唔知嗰位的士司機點解會收380蚊啦… 唔知佢啦…
用秘魯幣呃人？
其次，個司機用咗個不明鈔票找錢。可能遊客唔係好知香港錢係點，所以佢哋就用咗秘魯幣嚟呃人。可能巴打會上網Check秘魯幣兌港幣係幾多。仲有網民話：「如果係真就賺咗」。前題係張錢要係真！
幾年前已經有的士司機用過同樣手法呃遊客，警方多次放蛇打擊「黑的」，但仍有無良的士司機用已作廢的秘魯鈔票當作500元找續。如果真係假鈔，網友計一計，佢應該搭咗一程最貴嘅的士，價值880蚊！
最後網友提供咗當日車內照片！
延伸閱讀：
靚空姐Vien 被賤男Ex公開閃卡 空姐都冇得做
關鍵詞
的士
