「筷子腿」out！網紅時興「牙籤腿」 網民：係咪P圖P到懵左？

撰文：東方新地｜圖片：微博

網紅時興「牙籤腿」

近日內地網紅興起「牙籤腿」照片，皆因有網紅喺網上載自己雙腿纖幼得連手臂都不如，與身體完全唔啱比例！不過仔細一睇，就可以看到呢位網紅P圖嘅痕跡，雙腳被修圖修得彎彎曲曲，而旁邊欄杆都P成「波浪形」！

有啲網民亦開始效法將自己雙腳P成「牙籤腿」！

可能有人覺得「牙籤腿」好靚，但同時亦有唔少網友話「沒美感」、「妖怪」、「害怕會斷掉」！

延伸閱讀：

網絡「女神」晒長腿　網民爆笑：係咪P圖P到懵左

最近有連登仔擺咗堆長腿女神相同大家分享，不過似乎唔係張張都真長腿，好似下面呢堆相咁，大家覺得係咪P圖先！

呢張相就擺明玩嘢啦！P到成個里約熱內盧基督像都出埋嚟啦！

有網民就撐女神s係真長腿：

不過都有網民食花生話擺明有P圖，仲要P到好誇張。

不過隻腳長到咁，小編真係覺得P到過晒火囉，另外有網民仲擺啲卡通圖出嚟，12頭身真係不是夢！

疑似原圖：

有網民最後擺咗啲疑似係原圖出嚟，不過肥仔黎我就唔知係真原圖，定係P短咗啲腳。

女神倪晨曦都試過P圖失手？

倪晨曦早前去歐遊影落唔少靚相，用心經營不同社交平台嘅佢都有不時同大家分享美照，大派福利。但最近佢就喺Facebook上傳咗呢張相，引嚟網民熱議！

倪晨曦大方回應

經常同網民互動嘅倪晨曦都好快發現咗網民嘅留言，亦大方喺自己Instagram嘅限時動態張貼咗網民嘅討論，竟然仲讚番網民好眼神？！

網民：女神識扭曲空間有乜出奇？

高手在民間！網民嘅留言往往都好精彩，甚至有人用「消失點」嚟分析呢張相！好似好Pro咁，拋窒小編啦⋯⋯

為咗整扁自己而P相？！

倪晨曦公開答案，原來係想將長方形嘅相變做正方形方便喺Instagram上傳，女神嘅思維果然與眾不同！

睇唔出嘅唔緊要，因為P扁咗嘅倪晨曦都一樣咁修長，小編一開始都發現唔到，所以為大家整咗張對比圖⋯⋯

更多潮文：

網民搞事P圖爆笑合集

事經曾經有樓主旅行時喺沙漠影咗張相，但相中有個白衫人攝鏡，於是就喺連登討論區開post，跪求巴絲打幫手「執」走個白衫人，點知網民就發揮小宇宙，P圖合集展開！

先嚟一啲簡單又樣衰版P圖先！

想P走白衫人？我見唔到樓主喎！

要P走白衫人？冇問題，將樓主cover埋上去亦得，得咗！

想睇無限白衫人？無問題！

想P走我，我大粒過你好多喎！走先啦byebye！

變幅畫出嚟都仲得！

Where’s Wally 版都出動埋！

最後都有個好心網民，幫樓主P到張相完美無瑕。