父親連返28個鐘鋸樹仍被投訴 網民抱不平：啲PK真係好自私！

撰文：東方新地｜圖片：Instagram、Lihkg.com 、「Tai Po大埔」、「將軍澳」Facebook群組

父親連返28個鐘鋸樹仍被投訴

「山竹」吹襲過後，各區滿目瘡痍，唔少清潔工人都捱更抵夜清理雜物，務求盡快將街道回復面貌。不過就唔係人人都懂得感恩，日前有網民喺連登討論區表示，負責屋邨維修工作的父親「一掛八號波就返工，standby鋸樹，一直返到落波，返黎沖涼就繼續返工，繼續鋸樹，但係都仲俾屋邨居民投訴」

網民抱不平：啲PK真係好自私！

樓主父親辛勞工作，有屋邨居民未有體諒，反而喺呢啲非常時候作出投訴，令樓主替父親大感不值，又指父親「平時收工前喺垃圾房抹身都俾人投訴」，不禁大呼「停啦」

唔少網民都留言支持樓主父親，並鬧爆一啲自私的人：

藝人自發清理垃圾

盧巧音(Candy)同老公蘇浩才自發性到沙灘清理垃圾，佢哋呼籲大家都出一分力：「面對這麼多的垃圾，我們真的手足無措，盡量吧盡力吧！#山竹善後 」唔少網民都讚二人無私的表現。

另外賭王何鴻燊三房千金何超蓮嘅慈善團體就喺網上召集義工，分別到杏花邨、將軍澳及沙田區清潔道路垃圾！

View this post on Instagram

#Repost @smilewithushk with @get_repost ・・・ 我們 @smilewithushk 今晚五點，將於受颱風影響嚴重的三個地區：杏花村，將軍澳，沙田，召集義工一起清理道路垃圾。 . 集合地點：杏花村港鐵站A出口，將軍澳港鐵站A出口，沙田港鐵站A出口（會有穿白衣的義工拿著牌子等候） . 請各義工穿上白色tee, 自備手套，垃圾袋，雨衣，電筒，適當的保護衣物及鞋。 . 請大家一起出一分力令香港盡快回復原貌💪🏻 #smilewithushk #一起微笑

A post shared by Laurinda Ho 何超蓮 (@laurinda_ho) on Sep 16, 2018 at 11:25pm PDT

身為好友嘅JW王灝兒有響應呼籲，佢喺社交平台留言話：「我頭先係完全相信唔到眼前有咁多發泡膠！！ 係好似雪山咁多！！！！！ 執極都好似仲有！！好開心一班義工一齊幫手！好多住喺杏花邨嘅居民都一齊落嚟執垃圾！This is what we should do! Complain less, do more!❤️do it by ourselves! Do what we can!❣️AND STOP USING 發泡膠！！！！ 」

大埔、將軍澳居民自發清理街道

有網民在「Tai Po大埔」、「將軍澳」Facebook群組上載多張相片，指兩區都有居民自發清理街道，希望可以令市區早盡快回復正常。

據「Tai Po 大埔」Facebook群組的相片可見，有三位女士拿起大掃把，「落手落腳」在大埔清理馬路垃圾，更留言：「係愛？係責任？係因為大埔係自己屋企啊！」

而「將軍澳」Facebook群組則出現了一位外國女士Carola，有網民留言指她是智利人，但一直居住在將軍澳，網民指她曾有很多清理天災過後現場的經驗，故想為市區出一分力，清理將軍澳海濱長廊。有網民被Carola的行為感動，親自到現場拉起衣袖便落手清理街道，據知現時現場已達十多人。

網民：如果唔係要返工會更加多人幫手

網民對好心人士的舉動非常感動，留言提醒他們：「小心啲啊，會有機會突然塌樹…」、「呢啲先係公民教育！唔好淨係識叫你返工！」更有網民提出，假如今天停工，相信會有更多人願意出來清理街道：「如果今日停工應該會有更多人自願上街幫手善後」。