潮文教路無限添飲檸茶大法 窮L食茶記可以去到幾盡？

原文：潮文社 ｜ 圖片：連登討論區、電視截圖

「無限添飲檸茶」大法

事源就有網民總結咗咁多年去茶記嘅經驗，終於得出咗一個可以自製「檸茶放題」嘅方法！

內文如下：

去到茶餐廳 慣例叫杯檸茶 叫佢俾多兩塊檸檬
水吧佬都不以為然 應該係以為我鍾意飲酸啲
但佢咁諗嘅時候 其實已經中咗我圈套

當杯野嚟到之後 我剩係督咗一半嘅檸檬
好似平時咁飲 當我飲完呢杯檸茶
依家我手頭上有 無限供應嘅茶 糖 仲有一半嘅檸檬 同冰

即係咩意思？無錯 我又多咗杯檸茶
水吧佬見到我將一杯又一杯嘅茶倒落個檸茶杯度
嬲到紅都臉曬 但係又乜都做唔到 就好似成個水吧俾人強暴咁

當我飲完一杯又一杯 將每一塊檸檬嘅汁液都揸到盡曬 條水吧佬已經激到要人幫手扶住
而我就露出勝利者嘅表情 行去收銀機俾錢

係嗰一刻 我知我已經贏曬 準備去下一間茶記繼續開檸茶party

網民劣評如潮

為咗一杯檸茶，可以去到幾盡？

如此「高招」，點解小編諗唔到？

一眾仲笑住網民就幫樓主Debug！不過睇嚟樓主似乎心生不忿喎⋯⋯

有網民就精警咁話當樓主搞埋啲咁嘅嘢嘅時候，佢已經賺夠錢買幾十杯檸茶啦！