港鐵暑期工返兩日俾人鬧到心淡 網民：劉德華累死我哋！
廣告
又到暑假又到暑假，好多後生仔女都會喺暑假返吓工，搵多少少錢！有巴打就去咗港鐵返暑期工，諗住搵多少少錢！但年輕人，你返呢啲前線工，仲要係港鐵，注定打擊好大！
港鐵暑期工 返兩日俾人鬧到心淡
事緣有巴打去咗做港鐵暑期工，負責企喺電梯叫人緊握扶手，佢自己知道做呢啲前線預咗要俾人鬧，但佢話諗住啲惡客係內地人居多，點知⋯⋯
內文如下：
篇文分左兩日寫，第一日詳盡啲溫和啲，第二日燥底啲就廢話短說
話說小弟做緊個港鐵暑期工，就負責喺電梯到叫人緊握扶手，同叫啲拖手推車，bb車同大gip嘅仆街去搭lift之類嘅，做之前已經聽過有啲X客會唔聽之餘仲鬧返你轉頭，一直都以為會係大陸人多，做左幾日先知完全唔係咁
首先唔係話崇洋但外國人真係幾有禮貌，黑人白人都咁話，幫完你講多謝你可能會覺得好正常，但真係好多香港人幫完佢當老奉咁轉面就走，仲有就係份工好無聊通常會企到又攰又悶，得啲外國人經過時會笑住同你點下頭打下招呼，而香港人就會當你唔存在咁望都唔望你一眼，當然香港人文化習俗不嬲係咁都明白嘅，呢個點只當係bonus。（btw會打招呼嘅仲有警察，黑警同大陸人連登仔最憎嘅元素都齊哂 ）總括嚟講外國人幾有禮貌
睇嚟巴打返完份工，好多怨氣喎！有巴打就留言話，好多服務行業嘅工都係咁，都知道有啲香港人仲衰過內地人！
有巴打就更加大呻話：「劉德華個廣告累死我地。」
